【尤里的回歸】《紅色警戒》新作變手遊 今年7月推出！

各位80、90後鐘意玩RTS(即時戰略)類型遊戲既巴打我諗應該對《紅色警戒》呢個名絕對唔陌生 , 由其係2001年推出既《紅色警戒2 尤里的復仇》我諗大家都想一再回味 , 但推出左咁耐既遊戲我諗大家都需要利用一D邪道既方法黎重玩呢款遊戲 , 但黎緊大家就唔洗再用邪道既方法 , 而且還可以係手機上回味返呢款遊戲 , 因為近日騰訊就宣佈未來將會推出以《紅色警戒》為基礎開發既手機遊戲《紅色警戒 OL》, 並會以《尤里的復仇》作為故事背景 , 而且表明今次呢款遊戲係「唯一正版授權」。

—殘體字注意—
騰訊表示遊戲有好多地方將會原汁原味地保留 , 不論遊戲既兵種、場景、建築物以及當年大家最有印象既兵器「Prism Tank」等都會重現係遊戲之中 , 背景音樂方面亦會採用當年遊戲既音樂 , 亦保留左當年遊戲既RTS(即時戰略)即時操作以及戰爭畫面。不過話就話原汁原味地保留 , 但對於騰訊以及其他中國公司以舊IP推出既手遊保留原作到咩野地步我諗大家都心中有數。


另外呢款遊戲作為手機遊戲當然亦會加入返現今手遊既元素係遊戲裏面 , 咁呢款遊戲將會新加將領養成以及裝備系統等既新系統 , 可以育成唔同種類既將領。


咁騰訊亦表示呢款遊戲將會預定係今年7月推出 , 而且現在亦開始左事前預約 , 對呢款遊戲有興趣既巴打不妨留意一下呢款遊戲。
事前預約 : https://hongjing.qq.com/

轉載自3iGAME