【最凶之神】《Dragon Ball FigherZ》第三彈DLC「合體札瑪斯」參戰!

呢排唔少玩家可能都沉迷於戰神的北歐世界中，而提到神DBFZ亦係最近公佈左龍珠超角色「最凶之神」合體札瑪斯的宣傳影片。 合體札瑪斯為龍珠超出場的新角色，由黑悟空及札瑪斯使用波特拉耳環合體而成。又或者講由兩個不同平行時空的札瑪斯合體，兩個札瑪斯分別利用超級龍珠交換悟空身體成為黑悟空及獲得不死身。兩者合體後成為Bug一般的存在，最後悟空等人要靠更加Bug的全王才能將其徹底消滅。


影片中睇到除左還原轉圈圈合體及「絕對之雷」等招式外，合體札瑪斯仲有其他角色沒有的浮空能力，打法上應該跟現有的其他角色好唔同，睇黎制作組繼布羅利的嘗試後會係後續DLC推出更多打法比較特別的角色。影片中的對手亦刻意安排為杜拉格斯，不過遊戲中的Z版杜拉格斯同龍珠超動畫中杜拉格斯的造型有D出入，唔知有無機會睇到杜拉格斯用「希望之劍」斬開「合體札瑪斯」的終結畫面。另外，如果選擇合體札瑪斯，黑悟空及悟空上場的話於同一時間就存在3個札瑪斯同3個悟空，雙方一樣陣容的話真係諗起都覺得Bug…


轉載自3iGAME