《無雙Orochi 3》 170 武將登場！神力系統今次打埋「宙斯」

年頭一款《三國無雙８》令到一班無雙Fans們大跌眼鏡，雖然有openworld ，但低FPS 、及一系列可有可無嘅新系統令玩家們叫苦連天。大家口中嘅「無雙最後期望」，今日終於有消息。

今次《無雙Orochi3》首次打到入「神界」，而作為「三國」同「戰國」二合一嘅世界，今次嘅角色數更加高達170位。而由於今次有「神界」加入，遊戲亦加入大量同「神」有關嘅元素，包括今次新系統「神器」及「神術」。
今集武將可以憑「神器」發動「神術」，使出更強更華麗嘅絕招，憑眾神之力擊倒敵人，爽快度亦比以往無雙技更爽快。