爽快射擊爆炸！美式射擊大作《RAGE2》實機Trailer 推出！
香港人玩射擊唔多唔少都鍾意相對比較實在Ｄ嘅遊戲，好似《CS:GO》、《PUBG》呢D相對無咁誇張嘅遊戲，你話要好似美式電影/遊戲嗰d大爆炸、火箭炮呢類就真係相對比較少人鍾意喇。不過由Avalanche Studios 同 id Software共同開發嘅《Rage》喺早年推出時反應都叫幾理想，唔知香港巴打有冇人同筆者一樣期待佢嘅續作呢？
新作《Rage2》早前公開全新影片，比大家以新世代主機再次體驗呢種瘋狂遊戲。新遊戲中講到地球因為被小行星「阿波菲斯」撞擊而變成廢域，地球上嘅人類亦死左唔少。玩家就要做新世界嘅警察，進入呢個無法治、無人權，除左弱肉強食之外乜都無嘅末日世界。
遊戲以Openworld 嘅第一身射擊玩法進行，講爽快度只要大家睇到id Software呢間老牌大廠，有玩開以前鬼佬式血肉橫飛FPS嘅朋友絕對知道信得過；而今次遊戲更有Bethesda Softworks做發行，深信B社做得發行嘅遊戲真係差極有個譜。
唔知大家有冇興趣，不過如果你打機，追求嘅係單純一個「爽」字，今次《Rage 2》真係要留意喇。
轉載自3iGAME
新作《Rage2》早前公開全新影片，比大家以新世代主機再次體驗呢種瘋狂遊戲。新遊戲中講到地球因為被小行星「阿波菲斯」撞擊而變成廢域，地球上嘅人類亦死左唔少。玩家就要做新世界嘅警察，進入呢個無法治、無人權，除左弱肉強食之外乜都無嘅末日世界。
遊戲以Openworld 嘅第一身射擊玩法進行，講爽快度只要大家睇到id Software呢間老牌大廠，有玩開以前鬼佬式血肉橫飛FPS嘅朋友絕對知道信得過；而今次遊戲更有Bethesda Softworks做發行，深信B社做得發行嘅遊戲真係差極有個譜。
唔知大家有冇興趣，不過如果你打機，追求嘅係單純一個「爽」字，今次《Rage 2》真係要留意喇。
轉載自3iGAME