【文仲．文中有話】小故事系列：牧羊犬
係睇更多精彩內容之前，不妨follow我們專欄的fanspage呀！
4 media life fb page
——————————————————————————————
「汪汪，汪汪汪汪汪。」
「嗷嗷，嗷嗷嗷。」
「汪汪汪汪。」隨住一連串嘅吠叫聲，係我眼前嘅野狼開始露出驚青嘅神情。可以聽得出佢嘅嚎叫聲無之前咁有力，而係帶點遲疑。正如老竇教落，我決定乘勝追擊，向住佢飛撲。野狼一見到我向前助跑，就即刻開始掉頭。我都仲未落地，佢已經用GT-R R36級嘅速度走佬。
係趕走咗敵人之後，我抬高頭向住係我身後嘅羊群前去。一陣歡呼聲同感謝聲撲面向我衝過嚟。我又再一次成功咁守護到依群羊啦。我好辛苦先可以穿越到羊群，之後就望向係小屋隔離休息緊嘅老竇。老竇面上露出老懷安慰嘅表情，向我招手。
「點呀，老竇。都話難唔到我㗎啦。」
「知你叻啦。老竇老㗎啦，做唔到牧羊犬㗎喇。依個羊群就交俾你啦，以後就由你嚟保護佢哋啦。咁都好，咁之後我就安心坐埋一邊喇。」
「放心啦，我一定會保護好班羊嘅。」
由細細個開始，老竇就已經不停同我講。我哋依啲做牧羊犬嘅，守護羊群係我哋嘅責任。而係嗰陣，我自己亦都係心中起咗誓，一定要做好依個任務。我身後嘅依群羊，每一隻都比我細隻，比我弱小。雖然有啲其實年紀可能大過我，但係我心中，我一直當佢哋係細佬妹咁。有陣時，主人會打開個閘比佢哋出去玩，當行吓散吓心咁。我都會一馬當先，主動扮演佢哋嘅領頭羊。帶佢哋行啲安全嘅地方，遠離嗰個好恐怖嘅森林。
係咁多隻羊入面，我最錫嘅就係多莉。多莉係成群羊入面，唯一一隻有粉紅色毛嘅。可能就係因為佢嘅基因比較特別，佢自細身體就比較差，好易就見頭暈。唔知會唔會同嗰啲咩地中海貧血症有關呢？不過染色體依啲嘢真係好複雜，我都係諗唔通㗎喇。
我慢慢咁行返去個圍欄隔離，多莉即刻就跑過嚟我身邊，同我傾計。佢好擔心我岩岩同隻狼打交有無受傷。我話晒都係隻牧羊犬，又點會咁易有事呢？為咗証明我無受傷，我即刻彈返起身。我急急腳咁跑去離遠嘅花叢，用口摘咗棧花落嚟，之後跑返去送俾佢。棧花真係好香，亦都好靚。我覺得同多莉好襯。每次多莉有咩唔舒服，我都會去依度摘一朵花俾佢，氹佢開心。
突然有一日，森林嗰邊傳嚟一陣喧鬧聲。我細心一聽，係主人同幾個人類嘅聲音。從聲音嘅強弱，頻率同波長，我可以得知佢哋係向住我哋慢慢行緊過嚟。轉眼間，啲人類已經去到圍欄嘅附近。依個時候，係另一邊傳嚟一陣陌生嘅引擎聲。依種引擎聲同平時主人揸開嘅AE-86所發出嘅好唔同，低沉好多。正當我仲沉思緊，我聽到一連串嘅救命聲。我擰轉頭立即狂吠，發現嗰幾個人類已經抱起咗幾隻羊，慢慢向嗰架陌生嘅車行去。我一邊狂吠，一邊跑向佢哋同架車中間，希望可以令佢哋放返低啲羊。係我跑緊嗰陣，我突然聽到一個好熟悉嘅叫聲，係多莉嘅求救聲。我即刻向抱著多莉嘅人撲去，張開口咬住佢隻腳。
「快啲放咗多莉。」我正打算講依句嗰陣，主人嘅鞭已經向我揮到。一下，兩下，三下……係連番嘅鞭擊底下，我嘅身體忍唔住痛，唔小心鬆開咗把口。多莉同我愈嚟愈遠，我唯有忍痛企返起身，準備發力再向前衝。
「唔好追啦。」我聽到老竇把聲係我身後傳嚟。
「老竇，你仲喘緊氣就緊係唔好追。但我仲有力，我一定會追返啲羊返嚟。你放心啦。」
「我唔係嚟追羊，我係嚟追你㗎。你收手啦，乖乖哋返去圍欄度啦。」
「但班人捉走咗佢哋呀，仲捉埋多莉呀。係依個時候，拯救班羊係我哋嘅責任嚟㗎。」
「無錯，守護羊群係我哋嘅責任。不過都要記著，羊雖然係我哋保護嘅對象，但俾飯我哋食嘅，始終都係人，唔係羊呀。收手啦，阿仔。」
我企咗係度好耐，好耐。
係之後嘅依幾年，花一直都有開。但香氣，已經再傳唔到入我個鼻度。
——————————————————————————————
想了解更多精彩內容，記得follow我們的專欄啦！
4 media life fb page
4 media life fb page
——————————————————————————————
「汪汪，汪汪汪汪汪。」
「嗷嗷，嗷嗷嗷。」
「汪汪汪汪。」隨住一連串嘅吠叫聲，係我眼前嘅野狼開始露出驚青嘅神情。可以聽得出佢嘅嚎叫聲無之前咁有力，而係帶點遲疑。正如老竇教落，我決定乘勝追擊，向住佢飛撲。野狼一見到我向前助跑，就即刻開始掉頭。我都仲未落地，佢已經用GT-R R36級嘅速度走佬。
係趕走咗敵人之後，我抬高頭向住係我身後嘅羊群前去。一陣歡呼聲同感謝聲撲面向我衝過嚟。我又再一次成功咁守護到依群羊啦。我好辛苦先可以穿越到羊群，之後就望向係小屋隔離休息緊嘅老竇。老竇面上露出老懷安慰嘅表情，向我招手。
「點呀，老竇。都話難唔到我㗎啦。」
「知你叻啦。老竇老㗎啦，做唔到牧羊犬㗎喇。依個羊群就交俾你啦，以後就由你嚟保護佢哋啦。咁都好，咁之後我就安心坐埋一邊喇。」
「放心啦，我一定會保護好班羊嘅。」
由細細個開始，老竇就已經不停同我講。我哋依啲做牧羊犬嘅，守護羊群係我哋嘅責任。而係嗰陣，我自己亦都係心中起咗誓，一定要做好依個任務。我身後嘅依群羊，每一隻都比我細隻，比我弱小。雖然有啲其實年紀可能大過我，但係我心中，我一直當佢哋係細佬妹咁。有陣時，主人會打開個閘比佢哋出去玩，當行吓散吓心咁。我都會一馬當先，主動扮演佢哋嘅領頭羊。帶佢哋行啲安全嘅地方，遠離嗰個好恐怖嘅森林。
係咁多隻羊入面，我最錫嘅就係多莉。多莉係成群羊入面，唯一一隻有粉紅色毛嘅。可能就係因為佢嘅基因比較特別，佢自細身體就比較差，好易就見頭暈。唔知會唔會同嗰啲咩地中海貧血症有關呢？不過染色體依啲嘢真係好複雜，我都係諗唔通㗎喇。
我慢慢咁行返去個圍欄隔離，多莉即刻就跑過嚟我身邊，同我傾計。佢好擔心我岩岩同隻狼打交有無受傷。我話晒都係隻牧羊犬，又點會咁易有事呢？為咗証明我無受傷，我即刻彈返起身。我急急腳咁跑去離遠嘅花叢，用口摘咗棧花落嚟，之後跑返去送俾佢。棧花真係好香，亦都好靚。我覺得同多莉好襯。每次多莉有咩唔舒服，我都會去依度摘一朵花俾佢，氹佢開心。
突然有一日，森林嗰邊傳嚟一陣喧鬧聲。我細心一聽，係主人同幾個人類嘅聲音。從聲音嘅強弱，頻率同波長，我可以得知佢哋係向住我哋慢慢行緊過嚟。轉眼間，啲人類已經去到圍欄嘅附近。依個時候，係另一邊傳嚟一陣陌生嘅引擎聲。依種引擎聲同平時主人揸開嘅AE-86所發出嘅好唔同，低沉好多。正當我仲沉思緊，我聽到一連串嘅救命聲。我擰轉頭立即狂吠，發現嗰幾個人類已經抱起咗幾隻羊，慢慢向嗰架陌生嘅車行去。我一邊狂吠，一邊跑向佢哋同架車中間，希望可以令佢哋放返低啲羊。係我跑緊嗰陣，我突然聽到一個好熟悉嘅叫聲，係多莉嘅求救聲。我即刻向抱著多莉嘅人撲去，張開口咬住佢隻腳。
「快啲放咗多莉。」我正打算講依句嗰陣，主人嘅鞭已經向我揮到。一下，兩下，三下……係連番嘅鞭擊底下，我嘅身體忍唔住痛，唔小心鬆開咗把口。多莉同我愈嚟愈遠，我唯有忍痛企返起身，準備發力再向前衝。
「唔好追啦。」我聽到老竇把聲係我身後傳嚟。
「老竇，你仲喘緊氣就緊係唔好追。但我仲有力，我一定會追返啲羊返嚟。你放心啦。」
「我唔係嚟追羊，我係嚟追你㗎。你收手啦，乖乖哋返去圍欄度啦。」
「但班人捉走咗佢哋呀，仲捉埋多莉呀。係依個時候，拯救班羊係我哋嘅責任嚟㗎。」
「無錯，守護羊群係我哋嘅責任。不過都要記著，羊雖然係我哋保護嘅對象，但俾飯我哋食嘅，始終都係人，唔係羊呀。收手啦，阿仔。」
我企咗係度好耐，好耐。
係之後嘅依幾年，花一直都有開。但香氣，已經再傳唔到入我個鼻度。
——————————————————————————————
想了解更多精彩內容，記得follow我們的專欄啦！
4 media life fb page