【文仲．文中有話】笑話的藝術
係睇更多精彩內容之前，不妨follow我們專欄的fanspage呀！
4 media life fb page
——————————————————————————————
今日，我打算同大家講笑話。唔好誤會，我唔係想求其搞兩個爛gag就算。相反，我係想同大家討論吓笑話依樣嘢。
笑話，相信每個人對依樣嘢都唔會陌生。但唔知大家有無諗過笑話嘅本質呢？係依度，等筆者分享吓自己嘅睇法啦。好多人都可能聽過一句金句，「戲劇係源於衝突」。其實，笑話都有差唔多嘅特質，而最常見嘅情況就有以下兩個。
第一個，就係好認真咁做啲好唔認真嘅嘢。當然，好唔認真咁做啲好認真嘅都係同類。依類笑話模式十分常見，其中一個最佳嘅例子就係周星馳電影。筆者最鐘意嘅《回魂夜》就更加係表表者。《回魂夜》本來係想講一對夫婦猛鬼係頭七果陣番嚟報仇嘅故事。就咁諗，可以話係同笑片一啲關係都無，但係個咁嚴肅嘅題材入面，導演加入咗大量唔認真嘅劇情同對白，依種對立嘅衝突成就咗大量嘅笑位。「熄左個音樂佢」就係一個好例子。除左周星馳系列，其他香港笑片都好常用依一招。《新紮師妹》同埋鄭中基系列嘅電影都成日會用依招。而另一個模式，就係做啲你意想不到但又合理嘅事。聽完之後會有種「咁都比你諗到」嘅感覺。《低俗喜劇》嘅「屌，啲竹昇妹真係好麻煩」就係一個好例子。依個亦係一般笑話同爛gag嘅模式，好似巴斯光年殺左條龍變撒隆巴斯咁。當然啦，因為牽強程度嘅唔同，依種笑話一做得唔好就好易俾人一種格硬嚟嘅感覺。
其實依個並唔係咩獨特嘅見解，亦有唔少人都曾經講過啲類似嘅嘢。之不過，既然笑話係有一定嘅「公式」存在，點解唔係個個都咁搞笑咁幽默呢？原因好簡單，因為一個笑話可以造成咩嘅效果，係好睇當時嘅氣氛同講者嘅表達手法。就好似上面所講咁，如果你已經俾人一種你好想講笑話嘅感覺，你就會比較難做到果種出乎意料嘅感覺。相對嚟講，一啲冷面笑匠，平時雖然唔係點講笑，但當佢一講果陣，就好容易製造到好嘅效果，所以亦有人話，笑話係只可以隨手沾來，唔可以刻意為之。好多搞笑嘅人佢自己自由發揮果陣會做得好好，但當你一講「講個笑話嚟聽」果陣，佢會無貨交係一啲都唔出奇。但其實笑話係唔係真係咁多都係隨手拈來呢？答案當然唔係啦。當你好想講某個笑話，但依家個話題又唔係咁啱講嘅時候，應該點做呢？其實好簡單，換左做一個適當嘅話題咪得。只要成功改變到個話題，個笑話就可以幫你錦上添花。所以，有時候與其話講笑係隨心而發，不如話講笑嘅事前鋪排係多到難以置信。亦因為係咁，好多真係識搞笑嘅明星，同時亦都會識做導演或編劇。點樣引導話題同控制氣氛，係講到一個好笑話嘅關鍵，而做唔到依一步嘅，好容易就淪為爛gag。
講到依度，係唔係覺得講笑話唔係咁容易呢？要成功，就要做到掌握環境嘅氣氛，控制聽眾嘅情緒。唔知大家覺唔覺，其實依點同我地平時所講嘅藝術好似。只不過，笑話大部份都只係集中令觀眾開心，而其他藝術會牽涉更多唔同嘅情感，但兩者做緊嘅嘢其實係一樣。可惜嘅係，一般嚟講，笑話係無咁受人重視。不過，要改變依種觀念，唔係一朝一夕就可以做到，所以筆者只希望，笑話依樣嘢有更多人重視，更多人認真對待，咁就好足夠。——————————————————————————————
想了解更多精彩內容，記得follow我們的專欄啦！
4 media life fb page
4 media life fb page
——————————————————————————————
今日，我打算同大家講笑話。唔好誤會，我唔係想求其搞兩個爛gag就算。相反，我係想同大家討論吓笑話依樣嘢。
笑話，相信每個人對依樣嘢都唔會陌生。但唔知大家有無諗過笑話嘅本質呢？係依度，等筆者分享吓自己嘅睇法啦。好多人都可能聽過一句金句，「戲劇係源於衝突」。其實，笑話都有差唔多嘅特質，而最常見嘅情況就有以下兩個。
第一個，就係好認真咁做啲好唔認真嘅嘢。當然，好唔認真咁做啲好認真嘅都係同類。依類笑話模式十分常見，其中一個最佳嘅例子就係周星馳電影。筆者最鐘意嘅《回魂夜》就更加係表表者。《回魂夜》本來係想講一對夫婦猛鬼係頭七果陣番嚟報仇嘅故事。就咁諗，可以話係同笑片一啲關係都無，但係個咁嚴肅嘅題材入面，導演加入咗大量唔認真嘅劇情同對白，依種對立嘅衝突成就咗大量嘅笑位。「熄左個音樂佢」就係一個好例子。除左周星馳系列，其他香港笑片都好常用依一招。《新紮師妹》同埋鄭中基系列嘅電影都成日會用依招。而另一個模式，就係做啲你意想不到但又合理嘅事。聽完之後會有種「咁都比你諗到」嘅感覺。《低俗喜劇》嘅「屌，啲竹昇妹真係好麻煩」就係一個好例子。依個亦係一般笑話同爛gag嘅模式，好似巴斯光年殺左條龍變撒隆巴斯咁。當然啦，因為牽強程度嘅唔同，依種笑話一做得唔好就好易俾人一種格硬嚟嘅感覺。
其實依個並唔係咩獨特嘅見解，亦有唔少人都曾經講過啲類似嘅嘢。之不過，既然笑話係有一定嘅「公式」存在，點解唔係個個都咁搞笑咁幽默呢？原因好簡單，因為一個笑話可以造成咩嘅效果，係好睇當時嘅氣氛同講者嘅表達手法。就好似上面所講咁，如果你已經俾人一種你好想講笑話嘅感覺，你就會比較難做到果種出乎意料嘅感覺。相對嚟講，一啲冷面笑匠，平時雖然唔係點講笑，但當佢一講果陣，就好容易製造到好嘅效果，所以亦有人話，笑話係只可以隨手沾來，唔可以刻意為之。好多搞笑嘅人佢自己自由發揮果陣會做得好好，但當你一講「講個笑話嚟聽」果陣，佢會無貨交係一啲都唔出奇。但其實笑話係唔係真係咁多都係隨手拈來呢？答案當然唔係啦。當你好想講某個笑話，但依家個話題又唔係咁啱講嘅時候，應該點做呢？其實好簡單，換左做一個適當嘅話題咪得。只要成功改變到個話題，個笑話就可以幫你錦上添花。所以，有時候與其話講笑係隨心而發，不如話講笑嘅事前鋪排係多到難以置信。亦因為係咁，好多真係識搞笑嘅明星，同時亦都會識做導演或編劇。點樣引導話題同控制氣氛，係講到一個好笑話嘅關鍵，而做唔到依一步嘅，好容易就淪為爛gag。
講到依度，係唔係覺得講笑話唔係咁容易呢？要成功，就要做到掌握環境嘅氣氛，控制聽眾嘅情緒。唔知大家覺唔覺，其實依點同我地平時所講嘅藝術好似。只不過，笑話大部份都只係集中令觀眾開心，而其他藝術會牽涉更多唔同嘅情感，但兩者做緊嘅嘢其實係一樣。可惜嘅係，一般嚟講，笑話係無咁受人重視。不過，要改變依種觀念，唔係一朝一夕就可以做到，所以筆者只希望，笑話依樣嘢有更多人重視，更多人認真對待，咁就好足夠。——————————————————————————————
想了解更多精彩內容，記得follow我們的專欄啦！
4 media life fb page