[全場終] 熱刺 1-1 車路士 (5-4 on pen)
唔知係咪經歷過西布朗一役之後，對車仔嘅戰績已經修煉到「天塌不驚」嘅境界，整個下半場就係好平靜地等待熱刺扳平，到互射12碼輸埋都不為所動。睇嚟距離天道又進一步，煉出金丹指日可待。
（人嚟，版主又痴撚咗線，拉番佢入青山）
1️⃣ 從結果嚟睇
用FM嘅術語嚟講，對今場戰果嘅評價應該係「對球隊第四輪出局感到失望，但對球隊籤運欠佳抽到英超強隊，以及係互射12碼出局表示體諒」。
賽前放風會「棄車保帥」嘅摩連奴並冇好似上季利物浦咁出盡幼幼，而係以部分主力加輪換球員嘅混合陣容應戰，呢點同車仔喺人腳上嘅配置不謀而合。兩隊都主要以有喺聯賽休息嘅球員領軍，亦各自有新仔上演處子秀。
從牌面上而言，兩邊嘅實力相對接近，場上嘅表現亦係各佔半場優勢，1-1嘅比數算係公平地反映戰況。而互射12碼本來就係50-50嘅遊戲，邊邊贏都不足為奇。
2️⃣ 從過程嚟睇
雖說可以接受結果，但比賽過程絕對有太多需要改善嘅地方。上半場坐擁控球優勢，但埋門嘅致命性始終不足，形勢大好下錯失拉開比數嘅機會。下半場熱刺「甦醒」後進攻變得更直接簡練，促使車路士控球急降之餘，後防亦喺欠缺中場掩護嘅情況下屢次要同熱刺進攻球員1 on 1，要到簡迪入替後先有所改善。兼之車仔又因為莫特同赫臣奧代爾嘅傳球失誤（一個傳失，一個獨食），令雲拿同艾巴域失卻拉開比數嘅機會。
如上所言，目擊全場比賽嘅走向之後，就會對熱刺inevitable嘅扳平絲毫不感意外。需要改善嘅唔係賽果，而係捉到鹿唔識脫角嘅老問題。
3️ 「中場」——最大嘅鹿角
之前幾場比賽嘅賽評已有討論過，林伯目前排陣遇到最大嘅困難，在於如何拿捏中場組合嘅平衡。上半場採用高華基治同佐真奴嘅double pivot，回歸上季上半季簡迪因傷缺陣時嘅組合，亦算係成功重現當時對場面同控球嘅控制力。但呢個雙中場嘅組合強項在於梳理組織，而非是壓前助攻，未能夠最大限度地增加前場搶點同傳控嘅選項，無助改善致命不足嘅弱點。反之，呢個中場嘅正面防守力係弱項，下半場一俾熱刺直接衝擊就冇辦法為後防提供屏障嘅效果。要喺控制力同創造力之間取得平衡，宜家嘅高華基治同佐真奴並唔係最佳答案。
然而，到簡迪入替高華基治之後，簡迪都並非最理想嘅答案。簡迪加佐真奴喺身高上嘅劣勢自不必說，而簡迪嘅攔截雖然上乘，但始終屬於「見招拆招」嘅B2B中場，並非立於防線前方預判式地進行screening同攔截嘅正統防中。喺呢個情況下，最適合林伯戰術需求嘅，大概係佢念念不忘嘅萊斯(Declan Rice)，但今夏簽到佢嘅機會看來渺茫。除非基摩爾可以被改造成呢類型嘅傳統6號仔，否則林伯所尋覓嘅中場平衡，將會需要重新拿捏。
4️⃣ 其實，開季都係三週啫
講係咁講，要砌得掂一條最work嘅中場線又豈是易事。新兵舊將之間必要嘅磨合，再加上林伯執教嘅年資尚淺，今季開季至今也只不過三場聯賽，要講到炒與唔炒絕對係言之過早。唔好忘記，上季再點險情百出都好，前四衝線嘅成果都係對林伯執教能力嘅肯定。既然已經決定咗要信任林伯，就相信佢有諗通一切，尋找破局方法嘅能力，只係宜家尚未行到破局嗰一步。充其量係和完西布朗之後直落俾熱刺踢出局，接連嘅失利好似世界末日咁。
不過，喺搵到中場平衡之前，真係要麻煩林伯唔好再出死莫特。場場90分鐘，再信任佢佢都會有體力上嘅極限。Chur盡佢仲要12碼守尾門，也確實難為了佢。我本人睇好莫特喺車仔嘅前途，所以更唔希望見到佢俾人chur盡後，表現無可避免地下滑，然後俾人以此為脅，落得千夫所指。
請支持Facebook專頁「車迷Z」！
（人嚟，版主又痴撚咗線，拉番佢入青山）
1️⃣ 從結果嚟睇
用FM嘅術語嚟講，對今場戰果嘅評價應該係「對球隊第四輪出局感到失望，但對球隊籤運欠佳抽到英超強隊，以及係互射12碼出局表示體諒」。
賽前放風會「棄車保帥」嘅摩連奴並冇好似上季利物浦咁出盡幼幼，而係以部分主力加輪換球員嘅混合陣容應戰，呢點同車仔喺人腳上嘅配置不謀而合。兩隊都主要以有喺聯賽休息嘅球員領軍，亦各自有新仔上演處子秀。
從牌面上而言，兩邊嘅實力相對接近，場上嘅表現亦係各佔半場優勢，1-1嘅比數算係公平地反映戰況。而互射12碼本來就係50-50嘅遊戲，邊邊贏都不足為奇。
2️⃣ 從過程嚟睇
雖說可以接受結果，但比賽過程絕對有太多需要改善嘅地方。上半場坐擁控球優勢，但埋門嘅致命性始終不足，形勢大好下錯失拉開比數嘅機會。下半場熱刺「甦醒」後進攻變得更直接簡練，促使車路士控球急降之餘，後防亦喺欠缺中場掩護嘅情況下屢次要同熱刺進攻球員1 on 1，要到簡迪入替後先有所改善。兼之車仔又因為莫特同赫臣奧代爾嘅傳球失誤（一個傳失，一個獨食），令雲拿同艾巴域失卻拉開比數嘅機會。
如上所言，目擊全場比賽嘅走向之後，就會對熱刺inevitable嘅扳平絲毫不感意外。需要改善嘅唔係賽果，而係捉到鹿唔識脫角嘅老問題。
3️ 「中場」——最大嘅鹿角
之前幾場比賽嘅賽評已有討論過，林伯目前排陣遇到最大嘅困難，在於如何拿捏中場組合嘅平衡。上半場採用高華基治同佐真奴嘅double pivot，回歸上季上半季簡迪因傷缺陣時嘅組合，亦算係成功重現當時對場面同控球嘅控制力。但呢個雙中場嘅組合強項在於梳理組織，而非是壓前助攻，未能夠最大限度地增加前場搶點同傳控嘅選項，無助改善致命不足嘅弱點。反之，呢個中場嘅正面防守力係弱項，下半場一俾熱刺直接衝擊就冇辦法為後防提供屏障嘅效果。要喺控制力同創造力之間取得平衡，宜家嘅高華基治同佐真奴並唔係最佳答案。
然而，到簡迪入替高華基治之後，簡迪都並非最理想嘅答案。簡迪加佐真奴喺身高上嘅劣勢自不必說，而簡迪嘅攔截雖然上乘，但始終屬於「見招拆招」嘅B2B中場，並非立於防線前方預判式地進行screening同攔截嘅正統防中。喺呢個情況下，最適合林伯戰術需求嘅，大概係佢念念不忘嘅萊斯(Declan Rice)，但今夏簽到佢嘅機會看來渺茫。除非基摩爾可以被改造成呢類型嘅傳統6號仔，否則林伯所尋覓嘅中場平衡，將會需要重新拿捏。
4️⃣ 其實，開季都係三週啫
講係咁講，要砌得掂一條最work嘅中場線又豈是易事。新兵舊將之間必要嘅磨合，再加上林伯執教嘅年資尚淺，今季開季至今也只不過三場聯賽，要講到炒與唔炒絕對係言之過早。唔好忘記，上季再點險情百出都好，前四衝線嘅成果都係對林伯執教能力嘅肯定。既然已經決定咗要信任林伯，就相信佢有諗通一切，尋找破局方法嘅能力，只係宜家尚未行到破局嗰一步。充其量係和完西布朗之後直落俾熱刺踢出局，接連嘅失利好似世界末日咁。
不過，喺搵到中場平衡之前，真係要麻煩林伯唔好再出死莫特。場場90分鐘，再信任佢佢都會有體力上嘅極限。Chur盡佢仲要12碼守尾門，也確實難為了佢。我本人睇好莫特喺車仔嘅前途，所以更唔希望見到佢俾人chur盡後，表現無可避免地下滑，然後俾人以此為脅，落得千夫所指。
請支持Facebook專頁「車迷Z」！
如果喜歡我們的文章，請即分享到︰
延伸閲讀：
不以成敗論英雄－－如何評價「林氏車仔1.0」？
韋利安公開信全文翻譯：「我將抬頭挺胸地離開史丹福橋」
「睇波，到底為乜？」－－回應城迷的公開信
「教練，我想留下來！」基奧特會留效車路士嗎？
十年回顧：2010年代車路士的最佳11人
不以成敗論英雄－－如何評價「林氏車仔1.0」？
韋利安公開信全文翻譯：「我將抬頭挺胸地離開史丹福橋」
「睇波，到底為乜？」－－回應城迷的公開信
「教練，我想留下來！」基奧特會留效車路士嗎？
十年回顧：2010年代車路士的最佳11人