[全場終] 般尼 0-3 車路士
又有clean sheet？冇可能嘅！呢隊唔係我熟悉嘅車仔嚟嘅！
好啦唔玩喇，真係諗唔到intro點寫，入正題。
1️⃣ 3-0-7——立足於half-chances的快攻
防中簡迪，兩名中堅，今場生波進攻冇乜出現喺轉播鏡頭嘅係得呢三個。以兩閘壓上助攻嘅幅度，將佢兩個當埋係翼鋒都不為過。
喺冇專職中場組織者嘅情況下，今場車仔嘅進攻重心在於盡可能地將個波送上般尼半場，然後靠大量嘅進攻球員「圍城式」地爭搶第二落點，或者一旦第二落點俾般尼成功搶截的話快速地逼搶同騷擾。攻勢就係靠逼般尼犯錯然後打荷包快攻，或者喺肋部靠球員之間快速one-touch配合拉空之後快放突破防線。
唔係曼城嗰種拉到空哂再入波嘅controlled chances，而係不斷地制造大量嘅half-chances，再靠兵源上嘅overload同進攻群嘅個人能力不斷試到得為止。將球權盡可能地留喺危險地帶，加大成功搏到half-chances嘅機率。
講笑咁講，係頗為「暴發戶」嘅戰術，家陣財大氣粗就係要用一個個貴價前鋒掟死你。但係既然使得大錢買咁多球星，事但一個腳風順啲都可以打破僵局時，面對採取守勢嘅球隊，又真係冇理由唔舖舖「晒冷」。
2️⃣ 防守配置——high line，犯規，人盯人
講完整體戰術，討論下specifically每個球員喺戰術實行上嘅職責。先講防守。
今場車仔遏止般尼反擊嘅部署其實非常簡單粗暴——犯規。全軍壓前必然出現後防空虛，所以防守上蘇馬經常推前到防中線，同簡迪拍住上地人盯人騷擾般尼嘅雙箭頭。尤其是強攻階段，不時見到蘇馬簡迪殺到入對方半場進行犯規，務求盡早扼殺反擊嘅苗頭，或者最起碼為重整防線爭取時間。負責犯規嘅仲有兩閘，亦都多得捷維爾同占士都有相當不俗嘅回追速度先唔會導致錯失犯規時機。
有份協力防守當然不止後防球員。今場進攻球員就地反搶嘅默契表現得比季初進步不少，順利完成第一時間拖延同遮掩嘅任務。減慢般尼出波進度仲有一個好處，就係令戰術犯規嘅地點遠離自己半場。犯規地點越前，食牌機會越低。始終一旦後防食牌，之後再要玩戰術犯規都無從玩起。
當然咁打法嘅風險其實非常大。首先high line加戰術犯規嘅容錯率相當低，一旦失手好容易俾對方長驅直入。要盡可能避免後防有直接犯錯嘅機會，就要靠前場反搶去減輕後防壓力，而前場反搶亦都係一樣容錯低兼非常食體力嘅行為。再者，今場任用蘇馬加簡迪去分別人盯人防守活特同巴尼斯嘅雙箭頭，即係萬一喺1-on-1中敗下陣來就會難以回追，白白放生對方單刀或半單刀，又係容錯率低嘅防守方式。講咗三次「容錯率低」，而上半場確實頭八分鐘內已經因為蘇馬1-on-1嘅失利而出現過一次單刀同一次半單刀。High risk high reward，但應該只會喺對整體實力偏低嘅球隊先可以咁玩。
3️⃣ 進攻配置——「晒冷」式踢法
講完防守講進攻。車仔嘅進攻戰術喺第一個point已經略有提過，接下落嚟會討論球員所扮演嘅角色。
先講艾巴咸。之前提到，戰術立足於將個波盡可能地送上前場，而今場嘅艾巴咸擔任嘅係「非常規」嘅前場支點。全場多次見佢背對住對方龍門地回後到大概係攻中嘅位置，用腳用心口接應來自後場嘅地波或中腰波，將個波卸俾其他參與進攻嘅隊友，基本上喺transition嘅時候可以當佢係一個負責二傳嘅10號。
呢一下卸波其實對中場球員幫助好大。接應艾巴咸呢種二傳嘅主要係夏伐斯同莫特，而佢哋最主要嘅職責係中圈附近搵方法將個波送上前場。無論係帶定傳，佢哋宜家要接應嘅傳球都係來自自己面前，接到波之後身都唔使轉就向前衝。如果少咗一下咁嘅二傳，或者係艾巴咸被釘死喺般尼禁區，夏伐斯同莫特可以接應嘅傳球就得番來自自己身後嘅供應。對住個龍接應難度高，背住個龍要花時間轉身，either way進攻效率會低唔少。
艾巴咸喺10號位嘅二傳set後個波之後，就到各大進攻天才break the lines，喺般尼嘅中場同防線之間嘅空位不斷活動，直到鑿開到 空隙為止。而老實講，從左至右嘅捷維爾、雲拿、莫特、夏伐斯、薛耶治、占士，真係每個人都有成為過突破口。
連續嘅one-touch同one-two來回之後一腳直線快放分邊？有。原地變速擺脫然後俾擅扭嘅隊友拉扯到防線變形後再俾橫遠射？有。斜線嘅大腳長傳之後落底傳中搏禁區內有人搶點接應？有。
今場車仔所展現過嘅進攻範數真係琳瑯滿目。而如果唔係球員之間嘅走位配合仲未完全成形導致最後一傳出現偏差（尤其是傳中aim細禁區嗰幾腳真係每次都淨係差少少），再加埋今場般尼朗治同查哥斯基屢次喺禁區內瞓身救險（下下last ditch tackle都中波唔中人真係抵讚），上半場好彩啲已經入唔止一球。當然，並不擔心，因為進攻默契始終會越嚟越好。
不過呢種「擺明恰你啲後衛冇我啲前鋒咁勁」嘅打法，其實，真係好_奢侈（扮咩丫你擺明身體很誠實）。
4️⃣ 今晚的泛用性
大勝固然開心，但都要冷靜去分析，未來賽事有幾可會見到今晚嘅表現。
討論防守配置時最尾有提過，呢種防守方式非常冒險，heavily rely on防守球員當日嘅狀態，以及球隊係咪有信心將該場嘅對手困喺半場唔俾佢哋出嚟。面對實力弱於車仔嘅球隊，或者面臨需要瓦解對方low block嘅局面時，呢種強攻會非常啱用。但係咪會將之視為常規戰術，對豪門或者中上游球隊都係咁打？個人認為機會較微。
其次係今日嘅對手。般尼後防嘅表現值得稱讚，但中場犯錯交失波嘅次數出奇地多，尤其是夏伐斯同薛耶治嗰半邊經常有收鑊。就算面對其他low block球隊，也總不能expect對方係咁送個波俾自己。0-3嘅比數實至名歸，只係未必隊隊都會俾車仔有咁順風順水嘅空間。
5️⃣ 以下開放討論MOTM
揀唔落手，表現出色嘅球員太多。索性邀請大家喺comment一齊討論下（編輯呢度有人呃稿費呀）。
請支持Facebook專頁「車迷Z」！
好啦唔玩喇，真係諗唔到intro點寫，入正題。
1️⃣ 3-0-7——立足於half-chances的快攻
防中簡迪，兩名中堅，今場生波進攻冇乜出現喺轉播鏡頭嘅係得呢三個。以兩閘壓上助攻嘅幅度，將佢兩個當埋係翼鋒都不為過。
喺冇專職中場組織者嘅情況下，今場車仔嘅進攻重心在於盡可能地將個波送上般尼半場，然後靠大量嘅進攻球員「圍城式」地爭搶第二落點，或者一旦第二落點俾般尼成功搶截的話快速地逼搶同騷擾。攻勢就係靠逼般尼犯錯然後打荷包快攻，或者喺肋部靠球員之間快速one-touch配合拉空之後快放突破防線。
唔係曼城嗰種拉到空哂再入波嘅controlled chances，而係不斷地制造大量嘅half-chances，再靠兵源上嘅overload同進攻群嘅個人能力不斷試到得為止。將球權盡可能地留喺危險地帶，加大成功搏到half-chances嘅機率。
講笑咁講，係頗為「暴發戶」嘅戰術，家陣財大氣粗就係要用一個個貴價前鋒掟死你。但係既然使得大錢買咁多球星，事但一個腳風順啲都可以打破僵局時，面對採取守勢嘅球隊，又真係冇理由唔舖舖「晒冷」。
2️⃣ 防守配置——high line，犯規，人盯人
講完整體戰術，討論下specifically每個球員喺戰術實行上嘅職責。先講防守。
今場車仔遏止般尼反擊嘅部署其實非常簡單粗暴——犯規。全軍壓前必然出現後防空虛，所以防守上蘇馬經常推前到防中線，同簡迪拍住上地人盯人騷擾般尼嘅雙箭頭。尤其是強攻階段，不時見到蘇馬簡迪殺到入對方半場進行犯規，務求盡早扼殺反擊嘅苗頭，或者最起碼為重整防線爭取時間。負責犯規嘅仲有兩閘，亦都多得捷維爾同占士都有相當不俗嘅回追速度先唔會導致錯失犯規時機。
有份協力防守當然不止後防球員。今場進攻球員就地反搶嘅默契表現得比季初進步不少，順利完成第一時間拖延同遮掩嘅任務。減慢般尼出波進度仲有一個好處，就係令戰術犯規嘅地點遠離自己半場。犯規地點越前，食牌機會越低。始終一旦後防食牌，之後再要玩戰術犯規都無從玩起。
當然咁打法嘅風險其實非常大。首先high line加戰術犯規嘅容錯率相當低，一旦失手好容易俾對方長驅直入。要盡可能避免後防有直接犯錯嘅機會，就要靠前場反搶去減輕後防壓力，而前場反搶亦都係一樣容錯低兼非常食體力嘅行為。再者，今場任用蘇馬加簡迪去分別人盯人防守活特同巴尼斯嘅雙箭頭，即係萬一喺1-on-1中敗下陣來就會難以回追，白白放生對方單刀或半單刀，又係容錯率低嘅防守方式。講咗三次「容錯率低」，而上半場確實頭八分鐘內已經因為蘇馬1-on-1嘅失利而出現過一次單刀同一次半單刀。High risk high reward，但應該只會喺對整體實力偏低嘅球隊先可以咁玩。
3️⃣ 進攻配置——「晒冷」式踢法
講完防守講進攻。車仔嘅進攻戰術喺第一個point已經略有提過，接下落嚟會討論球員所扮演嘅角色。
先講艾巴咸。之前提到，戰術立足於將個波盡可能地送上前場，而今場嘅艾巴咸擔任嘅係「非常規」嘅前場支點。全場多次見佢背對住對方龍門地回後到大概係攻中嘅位置，用腳用心口接應來自後場嘅地波或中腰波，將個波卸俾其他參與進攻嘅隊友，基本上喺transition嘅時候可以當佢係一個負責二傳嘅10號。
呢一下卸波其實對中場球員幫助好大。接應艾巴咸呢種二傳嘅主要係夏伐斯同莫特，而佢哋最主要嘅職責係中圈附近搵方法將個波送上前場。無論係帶定傳，佢哋宜家要接應嘅傳球都係來自自己面前，接到波之後身都唔使轉就向前衝。如果少咗一下咁嘅二傳，或者係艾巴咸被釘死喺般尼禁區，夏伐斯同莫特可以接應嘅傳球就得番來自自己身後嘅供應。對住個龍接應難度高，背住個龍要花時間轉身，either way進攻效率會低唔少。
艾巴咸喺10號位嘅二傳set後個波之後，就到各大進攻天才break the lines，喺般尼嘅中場同防線之間嘅空位不斷活動，直到鑿開到 空隙為止。而老實講，從左至右嘅捷維爾、雲拿、莫特、夏伐斯、薛耶治、占士，真係每個人都有成為過突破口。
連續嘅one-touch同one-two來回之後一腳直線快放分邊？有。原地變速擺脫然後俾擅扭嘅隊友拉扯到防線變形後再俾橫遠射？有。斜線嘅大腳長傳之後落底傳中搏禁區內有人搶點接應？有。
今場車仔所展現過嘅進攻範數真係琳瑯滿目。而如果唔係球員之間嘅走位配合仲未完全成形導致最後一傳出現偏差（尤其是傳中aim細禁區嗰幾腳真係每次都淨係差少少），再加埋今場般尼朗治同查哥斯基屢次喺禁區內瞓身救險（下下last ditch tackle都中波唔中人真係抵讚），上半場好彩啲已經入唔止一球。當然，並不擔心，因為進攻默契始終會越嚟越好。
不過呢種「擺明恰你啲後衛冇我啲前鋒咁勁」嘅打法，其實，真係好_奢侈（扮咩丫你擺明身體很誠實）。
4️⃣ 今晚的泛用性
大勝固然開心，但都要冷靜去分析，未來賽事有幾可會見到今晚嘅表現。
討論防守配置時最尾有提過，呢種防守方式非常冒險，heavily rely on防守球員當日嘅狀態，以及球隊係咪有信心將該場嘅對手困喺半場唔俾佢哋出嚟。面對實力弱於車仔嘅球隊，或者面臨需要瓦解對方low block嘅局面時，呢種強攻會非常啱用。但係咪會將之視為常規戰術，對豪門或者中上游球隊都係咁打？個人認為機會較微。
其次係今日嘅對手。般尼後防嘅表現值得稱讚，但中場犯錯交失波嘅次數出奇地多，尤其是夏伐斯同薛耶治嗰半邊經常有收鑊。就算面對其他low block球隊，也總不能expect對方係咁送個波俾自己。0-3嘅比數實至名歸，只係未必隊隊都會俾車仔有咁順風順水嘅空間。
5️⃣ 以下開放討論MOTM
揀唔落手，表現出色嘅球員太多。索性邀請大家喺comment一齊討論下（編輯呢度有人呃稿費呀）。
請支持Facebook專頁「車迷Z」！
如果喜歡我們的文章，請即分享到︰
延伸閲讀：
[全場終] 曼聯 0-0 車路士
[全場終] 車路士 3-3 修咸頓
[全場終] 車路士 4-0 水晶宮
[全場終] 熱刺 1-1 車路士 (5-4 on pen)
不以成敗論英雄－－如何評價「林氏車仔1.0」？
[全場終] 曼聯 0-0 車路士
[全場終] 車路士 3-3 修咸頓
[全場終] 車路士 4-0 水晶宮
[全場終] 熱刺 1-1 車路士 (5-4 on pen)
不以成敗論英雄－－如何評價「林氏車仔1.0」？