[全場終] 車路士 3-0 韋斯咸－－名不副實的「大勝」
非是有心柴自己愛隊台，而是比賽過程平心而論真係唔值得贏到三比零。當然比賽最重要嘅永遠係全取三分，尤其是兩連敗之後更係需要反彈，大家都唔想「年初四咁樣」過聖誕。今場最大亮點大概係林伯嘅臨場指揮有所進步，最大隱憂自然係捷維爾嘅傷出。
1️⃣ 變陣：4-3-1-2
撇除對位換人不論，今場正選陣容最大嘅變化係佐真奴回歸正選，簡迪推前半格踢8號位。而前場嘅三叉戟一開始都仲係雲左普右，到上半場開始普利錫明顯地頻頻墮後到10號位，雲拿喺鋒線靠左同艾巴咸組成雙箭頭。三中場之間嘅前後落差亦都唔係特別明顯，更接近一字排開嘅形狀，莫特簡迪佐真奴三人之間頻繁換位同輪流衝擊禁區頂。
中場球員今場喺前向嘅跑動變得積極咗，傳完波之後即刻走去下一個可以接應嘅位置，起碼喺持球進攻嘅時候節奏比之前嘅兩連敗來得爽脆。呢點可能今次抖足一個星期先踢有關。有佐真奴坐陣後中場多咗長短傳結合嘅可能性，今場全隊上下分波到兩翼嘅波路亦更加直接，用咗唔少過頭波同斜傳直接將波送到韋斯咸禁區邊兩側嘅空位，兩閘跑到去接近底線嘅位置後唔使刻意帶波就直接出波到細禁區。
另外值得提及一下嘅係三叉戟。普利錫嘅墮後俾咗佢盤扭突破靠左或靠右嘅選擇權，走位配合交俾艾巴咸，雲拿推上鋒線專心負責埋門。呢個組合喺上半場有過啲靈光一閃嘅表現，但可惜普利錫錯失咗一次喺中路傳波傳到正俾雲拿右腳嘅機會，稍遲嘅俾波只能俾到雲拿左腳，最後射門無功而返。
2️⃣ 中場纏鬥
老實講，上述進攻上嘅變陣，只係描述觀察到球隊今場嘗試作出嘅改變，而今場冇足夠資訊去評審4-3-1-2係咪成功，因為今場有差唔多三分之二嘅時間，兩隊都製造唔到啲咩機會出嚟。從大概20分鐘到70分鐘，場波除咗「中場爭搶」之外基本上咩都冇發生過。攞波、身體碰撞、傳波或帶波被攔截、犯規……rinse and repeat，冇乜幾可個波可以離開到中圈範圍。
On the one hand，你可以話車仔喺70分鐘之前嘅戰術安排不佳，陷入中場纏鬥之後冇方法突圍而出；one the other hand，你都可以話車仔靠角球早早取得領先優勢，中場纏鬥反正不落下風，守得死韋斯咸就足以全取三分。
而從結果上嚟講，今場車仔的確成功守死韋斯咸，深知鎚仔場上穿透力不足，放佢攻都攻唔出啲咩，最終客隊射門零中龍。呢個戰術舖排同上兩場俾愛華頓守死嘅套路有幾分相似，只係今次我哋係守死人嗰隊。
3️⃣ 破局之法
66分鐘，高華基治入替佐真奴。眾多車迷應該都十分清楚佐真奴嘅優缺點同樣明顯，而中場肉搏係佢最唔擅長嘅場面。陣中喺帶波時抗壓能力最強嘅高華基治喺形勢係合情合理，而到比賽中後段等韋斯咸體力下滑後先派佢上場，比起半場就換佢更能最大化高華基治體力上嘅優勢。亦都多得已經一球在手先有得喺換人嘅時間點上顯得遊刃有餘，如果係平局甚至落後就冇得咁淡定。
高華基治入替後嘅效果算係立桿見影，同普利錫一齊打生番車仔中路嘅帶波突破，喺體力優勢之下頗有成效。艾巴咸梅開二度所接應嘅助攻一左一右，但助攻前嘅傳波都係喺中路傳出。
4️⃣ 艾巴咸
討論下艾巴咸吧。佢同基奧特嘅長處都包括走位，但兩個人走位嘅方式又有所不同。
現階段基奧特把握戰機嘅能力依然比艾巴咸敏銳，波未傳出就會自動先跑去危險地帶預判式地搶點，或者係隊友起腳時先捕住最有可能嘅第二落點。而所謂嘅「射手觸覺」，有好大部分要靠長時間高水平比賽經驗先練到出嚟，基奧特呢塊老薑自然係比較辣。
艾巴咸嘅走位則係擅長接應隊友嘅傳波，令佢喺進攻中嘅貢獻不僅限於負責埋門或禁區支點式嘅二傳，而可以成為進攻組織過程嘅一分子，例子就係3-0嘅入球艾巴咸其實有份發起。而喺接應攻勢嘅職責上，當攻勢嘅最後一傳係傳空位(pass into space)嘅時候，艾巴咸嘅速度可以確保佢及時出現喺傳波路線上，2-0嘅入球正正就係呢種「我知你會傳邊度所以我過左去先」嘅走位。
最理想嘅情況自然係，艾巴咸可以有朝一日練就到基奧特嘅射手觸覺，咁就天下太平了。而就算稍退一步，艾巴咸如果能夠增強自己嘅制空力，加上佢入球以外嘅戰術作用，已經足以令佢擠身一流前鋒行列。
5️⃣ MOTM: Thiago Silva
以36歲嘅「高齡」交出同全盛期泰利有得揮嘅表現，已經足以獲取MOTM，接應角球入波只係錦上添花。今季後防因為佢嘅加盟令人安心不少，同上季場場平安鐘相比更係天壤之別。
Honourable mention係莫特同艾斯柏古達。相比起間唔中有MOTM級表現嘅球員，穩定地交到80分貨嘅球員對一支球隊嚟講可能更加難能可貴。
莫特今季處理死球嘅能力係bonus points，車仔成為今季英超角球入球最多嘅球隊，當中有莫特嘅一份功勞。試想像下如果今季仲係韋利安斬角球……
另外加多個懷斯啦，零角度射門入波真係嚇都嚇醒，好_彩越位在先。
請支持Facebook專頁「車迷Z」！
1️⃣ 變陣：4-3-1-2
撇除對位換人不論，今場正選陣容最大嘅變化係佐真奴回歸正選，簡迪推前半格踢8號位。而前場嘅三叉戟一開始都仲係雲左普右，到上半場開始普利錫明顯地頻頻墮後到10號位，雲拿喺鋒線靠左同艾巴咸組成雙箭頭。三中場之間嘅前後落差亦都唔係特別明顯，更接近一字排開嘅形狀，莫特簡迪佐真奴三人之間頻繁換位同輪流衝擊禁區頂。
中場球員今場喺前向嘅跑動變得積極咗，傳完波之後即刻走去下一個可以接應嘅位置，起碼喺持球進攻嘅時候節奏比之前嘅兩連敗來得爽脆。呢點可能今次抖足一個星期先踢有關。有佐真奴坐陣後中場多咗長短傳結合嘅可能性，今場全隊上下分波到兩翼嘅波路亦更加直接，用咗唔少過頭波同斜傳直接將波送到韋斯咸禁區邊兩側嘅空位，兩閘跑到去接近底線嘅位置後唔使刻意帶波就直接出波到細禁區。
另外值得提及一下嘅係三叉戟。普利錫嘅墮後俾咗佢盤扭突破靠左或靠右嘅選擇權，走位配合交俾艾巴咸，雲拿推上鋒線專心負責埋門。呢個組合喺上半場有過啲靈光一閃嘅表現，但可惜普利錫錯失咗一次喺中路傳波傳到正俾雲拿右腳嘅機會，稍遲嘅俾波只能俾到雲拿左腳，最後射門無功而返。
2️⃣ 中場纏鬥
老實講，上述進攻上嘅變陣，只係描述觀察到球隊今場嘗試作出嘅改變，而今場冇足夠資訊去評審4-3-1-2係咪成功，因為今場有差唔多三分之二嘅時間，兩隊都製造唔到啲咩機會出嚟。從大概20分鐘到70分鐘，場波除咗「中場爭搶」之外基本上咩都冇發生過。攞波、身體碰撞、傳波或帶波被攔截、犯規……rinse and repeat，冇乜幾可個波可以離開到中圈範圍。
On the one hand，你可以話車仔喺70分鐘之前嘅戰術安排不佳，陷入中場纏鬥之後冇方法突圍而出；one the other hand，你都可以話車仔靠角球早早取得領先優勢，中場纏鬥反正不落下風，守得死韋斯咸就足以全取三分。
而從結果上嚟講，今場車仔的確成功守死韋斯咸，深知鎚仔場上穿透力不足，放佢攻都攻唔出啲咩，最終客隊射門零中龍。呢個戰術舖排同上兩場俾愛華頓守死嘅套路有幾分相似，只係今次我哋係守死人嗰隊。
3️⃣ 破局之法
66分鐘，高華基治入替佐真奴。眾多車迷應該都十分清楚佐真奴嘅優缺點同樣明顯，而中場肉搏係佢最唔擅長嘅場面。陣中喺帶波時抗壓能力最強嘅高華基治喺形勢係合情合理，而到比賽中後段等韋斯咸體力下滑後先派佢上場，比起半場就換佢更能最大化高華基治體力上嘅優勢。亦都多得已經一球在手先有得喺換人嘅時間點上顯得遊刃有餘，如果係平局甚至落後就冇得咁淡定。
高華基治入替後嘅效果算係立桿見影，同普利錫一齊打生番車仔中路嘅帶波突破，喺體力優勢之下頗有成效。艾巴咸梅開二度所接應嘅助攻一左一右，但助攻前嘅傳波都係喺中路傳出。
4️⃣ 艾巴咸
討論下艾巴咸吧。佢同基奧特嘅長處都包括走位，但兩個人走位嘅方式又有所不同。
現階段基奧特把握戰機嘅能力依然比艾巴咸敏銳，波未傳出就會自動先跑去危險地帶預判式地搶點，或者係隊友起腳時先捕住最有可能嘅第二落點。而所謂嘅「射手觸覺」，有好大部分要靠長時間高水平比賽經驗先練到出嚟，基奧特呢塊老薑自然係比較辣。
艾巴咸嘅走位則係擅長接應隊友嘅傳波，令佢喺進攻中嘅貢獻不僅限於負責埋門或禁區支點式嘅二傳，而可以成為進攻組織過程嘅一分子，例子就係3-0嘅入球艾巴咸其實有份發起。而喺接應攻勢嘅職責上，當攻勢嘅最後一傳係傳空位(pass into space)嘅時候，艾巴咸嘅速度可以確保佢及時出現喺傳波路線上，2-0嘅入球正正就係呢種「我知你會傳邊度所以我過左去先」嘅走位。
最理想嘅情況自然係，艾巴咸可以有朝一日練就到基奧特嘅射手觸覺，咁就天下太平了。而就算稍退一步，艾巴咸如果能夠增強自己嘅制空力，加上佢入球以外嘅戰術作用，已經足以令佢擠身一流前鋒行列。
5️⃣ MOTM: Thiago Silva
以36歲嘅「高齡」交出同全盛期泰利有得揮嘅表現，已經足以獲取MOTM，接應角球入波只係錦上添花。今季後防因為佢嘅加盟令人安心不少，同上季場場平安鐘相比更係天壤之別。
Honourable mention係莫特同艾斯柏古達。相比起間唔中有MOTM級表現嘅球員，穩定地交到80分貨嘅球員對一支球隊嚟講可能更加難能可貴。
莫特今季處理死球嘅能力係bonus points，車仔成為今季英超角球入球最多嘅球隊，當中有莫特嘅一份功勞。試想像下如果今季仲係韋利安斬角球……
另外加多個懷斯啦，零角度射門入波真係嚇都嚇醒，好_彩越位在先。
請支持Facebook專頁「車迷Z」！
如果喜歡我們的文章，請即分享到︰
延伸閲讀：
中資夢碎？便宜莫貪？法甲轉播權亂局
[全場終] 狼隊 2-1 車路士－－公平地被絕殺
[全場終] 愛華頓 1-0 車路士－－技不如人的師徒對決
[全場終] 車路士 3-1 列斯聯－－踩油踩到盡嘅藍色跑車
[全場終] 車路士 0-0 熱刺－－互相制衡的比賽
中資夢碎？便宜莫貪？法甲轉播權亂局
[全場終] 狼隊 2-1 車路士－－公平地被絕殺
[全場終] 愛華頓 1-0 車路士－－技不如人的師徒對決
[全場終] 車路士 3-1 列斯聯－－踩油踩到盡嘅藍色跑車
[全場終] 車路士 0-0 熱刺－－互相制衡的比賽