有情飲水飽，真的可以嗎？

大學畢業後已經三年有多，今天Amy、Becky和Cathy三位好姐妹又約出來聚一聚。
聚會中，女性必定會談到的話題是男性，正如幾個男性的談話必定會談論女性。

今日她們的話題是各人的男朋友，Amy和Becky的男朋友是工作時才認識的，而Cathy的男朋友則是在大學時認識的，至今已經一起五年了。

「Cathy，你的男朋友仍然是一個文員？」Amy問。

Amy的男朋友是一個銀行經理，月入數萬；Becky的男朋友在短短兩年間，就由一個普通文員，晉升到成為一個助理經理；只有Cathy的男朋友由畢業開始，工作三年多仍然是一個文員。

Cathy點頭表示正確。

「咁佢有無再進修？」Becky道。

「梗係無啦，佢除咗同我去街之外，日日返到屋企就打機。」Cathy道。
「咁樣唔得喎，佢可能做多十年都只會係宜家呢個位，你有無諗過你哋之後點生活？」Amy道。

「我無諗過架，其實我哋一齊個陣，開心咪得囉，做咩要諗咁多嘢？」Cathy道。

「說話唔係咁講，如果你哋結咗婚，咁使費會大咗好多，租金、水費、電費、煤氣費等等，如果你哋供樓就更加慘，兩個加埋兩萬幾人工根本唔夠支撐一個屋企呀！」Amy道。

「咁我又支持Amy喎，講真，我唔係要求男朋友要好似Amy個男朋友咁，月入幾萬，但起碼要好似我有男朋友咁，有上進心，你睇佢一開始都只係個文員仔，但宜家已經做咗助理經理。」Becky道。

Amy和Becky你一言，我一語，將自己的男朋友抬上天，同時地將Cathy的男朋友踩進地底。

Cathy回想起這五年拍拖以來，吃飯的地方永遠只會是茶餐廳、快餐店、掃街，永遠無到過高級貴價食肆；有假期想一起去旅行，男朋友永遠要陪豬朋狗友打機，Cathy也不知道自己是否排在對方的第一位。

三天後，Cathy跟男朋友約會，地點是food court，談了沒多久，Cathy問：「其實你宜家準時放工，有無諗過再進修？」
「無呀，宜家份糧夠使，洗乜再咁辛苦放工走去讀書？有時間不如hea好過啦！」Cathy男朋友道。

Cathy聽到這個答案後，想起媽媽經常跟自己說：「揀老公最重要是老公愛自己，而且要有上進心，我唔介意你開頭要跟佢捱，但你哋的仔女呢？唔通又一齊捱？講真，你哋仲細個，人工低就一定，但唔可以一世都搵呢個人工，亦都唔可以咁快就安於現狀。」

「你係咪又聽咗你個啲八婆朋友講三講四？佢哋梗係啦，男朋友又助理經理，又經理咁，成日係度曬命。」Cathy男朋友續道。

Cathy沒有作聲，因為一個從來沒有出現過的念頭，此刻在她腦中徘徊。

十年後，Amy、Becky和Cathy相繼結婚，只有Cathy不是跟十年前的那個他結婚，今天Cathy的老公憑著不斷進修，終於成為公司的高級經理。

「Cathy，你知唔知你以前個男朋友近況如何？」Amy問。

「我都無同佢聯絡啦，都只係靠Facebook，好似終於做到高級文員。」Cathy道。
「我唔敢想像，若果當日你跟咗佢，今日生活會過成點。」Becky道。

可能因為女性的發育期比男性早，往往於同一年紀，女性所想已經比男性來得遠，來得深。在選擇結婚對象的時候，她們會考慮的是那人能否有能力當上一個爸爸；那人是否可以讓孩子過舒適的生活；那人會否不斷追求好的生活給家庭；那人會否……

換句話說，在這個年代，感覺已經不是一段關係的唯一考慮。

周凌
https://www.facebook.com/pages/周凌/666859480032755

愛得很滋味@周凌
http://women.fanpiece.com/ChowLing/