【工作過勞】需要放假的6個徵兆

香港打工仔出名工時長，晚晚OT當閒事。不過，打工仔返工唔係搵命搏，工作與休息取得平衡先可以交出好的業績，以下是有幾個工作過勞的徵兆，若然你連中幾個的話，好大機會係工作過勞，再唔抖返幾日，隨時捱出病，到時就得不償失。
1. 太忙變健忘
同事幾分鐘前同你講嘅事，經常轉個頭就忘記，有時連自己想說甚麼，也一下子忘了。主要原因是瘋狂OT的生活，令到你唔夠休息，導致記憶力變差，呢個時候你需要停一停，抖一抖。

2. 缺乏社交生活
成日OT搞到無時間見朋友，當你愈嚟愈少出席朋友嘅飯局，朋友就會漸漸同你疏離。或者就算有時間同家人或朋友見面，腦海裡仍然無時無刻都諗住工作的事，就一定要小心。如果出現以上情況，最好係即時放低手上工作，出外約朋友食飯或者睇返場戲。

3. 不知放假樂趣
有時離開公司都會將工作帶返屋企，久而久之仲變為習慣，私人時間同工作時間都分唔開。結果，只會令工作量有增無減，就連放假都顧著開工，莫講話私人時間，連休息時間都無埋，變相逼自己變成工作奴隸。
4. 只有疲累感覺
每朝起身都攰到死，甚至好似老人家周身骨痛，要依靠咖啡或濃茶去提神才能工作。去到呢一步你好明顯需要一個短線的旅行或去郊外呼吸新鮮空氣，幫自己重新釋放同為身體差電。

5. 工作表現每況愈下
當自己的專業知識和經驗，未能好似從前咁全力發揮出來，那可能代表你太攰，甚至達到極限，你需要一個真正假期或調整工作量。

6. 身邊充斥負能量
心情不能好好放鬆，內心滿是抑壓，精神狀態欠佳，令人變得極度敏感。就算很微小的事情，也刺激到你大發脾氣，或胡思亂想一番，讓負能量終日包圍著你，做事也容易爆發不滿。

資料來源：lifehack


更多打工仔分享，追蹤 ECjobsonline 專頁 或 瀏覽 www.ECjobsonline.com