​【快樂大本營】6大幸福企業必備元素

宜家除咗人工高、福利好，打工仔仲會要求公司可以俾到金錢以外嘅滿足感，作為管理層唔想同事日日返工好似行屍走肉咁，返工等放工，就要先了解員工需要啲咩。一間公司要具備啲咩要素，先會令到一班員工做得開心幸福，就算辛苦都「樂在其中」呢？
1. 上司願意聆聽員工心聲
一間公司唔應該只由僱主一方安排一切，內部溝通可是非常重要。上司多與員工交流意見，以第一身了解他們的需要，雙方之間的矛盾才能得到化解。如果長期都係只有老闆有老闆自己講，員工有不滿卻無法表達，只會惡化整個工作環境，降低員工的工作效率，搞到大家都做得唔開心。

2. 良好的工作環境
員工工作時容易變得脾氣暴躁、壓力大、頭痛，可能係因為辦公室環境過度封密和高壓，在這種高度緊張的環境下工作，係人個腦都work唔到啦！所以，辦公室有一個優質的空間，員工才能在舒適放鬆的狀態下工作。各位老闆甚至可以考慮下增設一個遊憩室比員工舒壓，等員工做到攰可以攤抖下再繼續拚搏，效率可能都會高啲架 !

3. 彈性的上下班時間和地方有時候，限死班員工幾點返工放工，可能會引來反效果，為員工帶來心理壓力。如果老闆願意將工作時數調整成一個可任意改動的彈性時間表，擺脫傳統的朝九晚五式打卡，或捨棄舊時勞力時代的架構，容許有需要的員工採home office的模式工作，一切由員工自行安排，工作效率可能都會高啲架！公司仲可以節省資源添！

4. 公司要有明確方向和目標
老闆就係公司的leader，員工做細嘅當然就係聽老闆支笛，不過如果連個leader都唔知自己想點，一陣叫人去東 ; 一陣叫人去西，只會浪費大家時間、增加額外成本，兼降低公司的團結力，搞到大家好似一盤散沙咁。試問在一間冇方向、冇目標的公司工作，有邊個會開心？

5. 重視家庭和生活質素
一間公司要令員工做到開心同幸福，就要多照顧他們的感受，唔可以一味為了追業績而奴役他們。員工都係人，大家都有平等的權力去享受生活。所謂修身齊家才能治國平天下，把家務都安置妥當，員工才能投放全副心思在工作上，如果老闆肯通情達理，比有小朋友的員工早啲放工，或者為他們提供家庭津貼，員工一定會感受到公司的體貼，以後就會更比心機做野。

6. 薪金與福利優厚要令員工做得開心，都係離不開人工和福利架喇 ! 人工太低、福利又差，員工自然就冇動力為公司效力。能力與人工成正比、福利好，員工先會奮發向上，努力工作。而且，薪酬加幅最好就與員工一起商討，大家有商有量，才能達致win win雙贏的局面架嘛！

員工是一間公司最大的財富，令到班員工做野開心、享受返工比搵多啲錢更加重要！員工表現好，加佢地人工又有咩所謂呢？

文：Noelle

更多打工仔分享，追蹤 ECjobsonline 專頁 或 瀏覽 www.ECjobsonline.com