【網民熱話】睇Pantry就可以知間公司對員工好唔好?

「英國水果茶包、名牌咖啡、無限量嘅薯片汽水供應......我朋友嘅公司就有嘅，只係我呢間細公司就無囉...... 只係得啲好普通嘅茶包、同埋唔係幾好食嘅餅乾，食左(咗)一塊你都唔會想食第二塊。咖啡機係有嘅，不過公司無咩人飲咖啡，所以長期都係無咖啡豆...... 」
以上係一位啱啱畢業嘅網友講嘅心聲，據呢位絲打形容佢畢業後就搵到一份喺小型貿易公司度做文職嘅工，不過佢話公司個pantry乜都冇，同佢個朋友做嗰間簡直係2 個世界。之後呢位網友仲話：「有朋友同我講，睇間公司好唔好做，對啲員工好唔好，望下個pantry就知。」

年輕一代嘅思想真係與別不同，真係睇到都「O」晒嘴，其實打工仔都係想搵份人工高、福利好嘅工啦，不過公司有個豪華pantry就係好公司同福利好？好似有啲膚淺喎！所以唔少網友都唔多認同，仲話打工勿貪pantry啲飲品食物，認為最緊要係人工要高，到時想買咩畀自己都得啦。如果有間公司有豪華pantry兼畀員工任飲任食，但唔係年年有得加人工，唔知呢位絲打又點睇呢間公司呢？

更多打工仔分享，追蹤 ECjobsonline 專頁 或 瀏覽 www.ECjobsonline.com