【職場心理學】辦公檯反映性格？

以前聽人講越有創意嘅人張檯就越亂 ; 前排特首選舉辯論又有人指出，張檯整齊潔淨工作先有效率，究竟邊個啱邊個錯呢？單憑一張辦公桌，可以反映出啲咩呢？
1. 辦公桌整齊乾淨 = 工作認真仔細
願意花時間執拾自己的辦公桌，將文件分門別類，好明顯就係一個對自己、對工作、對生活細節都十分有要求的人。但如果剩係識得執靚個檯面，對抽屜的整潔冇咩執着的人，睇怕都只係一個重檯面、輕內涵的人而已！

2. 辦公桌凌亂 = 完美主義者
見到隔離同事張檯成日都成個亂葬崗咁，一睇就知佢唔做得野啦！咁你就可能有眼不識泰山喇！張檯亂嘅人，通常都會靠將啲文件放嚟放去，以提醒自己有咩工作做左、有咩未做，未搞掂嘅野絕對唔係拎出嚟，所以啲野先會越積越多！另外，都有外國研究指出，書桌凌亂反而會令到人更加能集中精神工作，思路更清晰，創意同想像力都會豐富啲添！難怪Steve Jobs同Facebook創辦人朱克伯格張檯都零舍亂啲啦！

3. 辦公桌上擺放許多私人物品 = 對人際關係感到厭惡好多人都鐘意喺自己檯頭放啲私人物件，當係裝飾下自己的工作環境。少量係冇問題嘅，如果係放與工作有關嘅物品，更加可以表現到你對工作的堅持。相反，如果檯上係放有大量與工作無關嘅物品，可能係由於你的「領域意識」在作祟。這樣的人，多數係對公司的人際關係感到厭煩，便渴望透過擺放大量私人物品包圍自己，去劃分自己與他人的界線。

4. 辦公桌上空無一物 = 個性冷酷慢熱
唔鐘意放自己野喺張檯度嘅人，通常都係因為唔想暴露自我比其他人知道。這樣的人，性格都會比較cool同慢熱，需要啲時間溝通先會熟絡到。不過，當你安排工作比佢，佢覺得自己被信賴，好快就會卸下心防，樂意幫助你、同你做朋友嘅。

5. 辦公桌收納得宜 = 甚少需要加班
有啲人總係好鐘意買好多個收納盒番公司，將文具、文件、個人用品等分門別類，每個盒都專放某一類別嘅野，非常有條理。咁井井有條嘅人，一定好識利用同安排時間、做事果斷有條理、自我管理得宜，工作效率自然高。OT？仲邊洗啊 ! 你第一份proposal都未搞掂，佢都可能已經收得工添喇 !

6. 不斷更改桌面外觀 = 工作容易不集中有啲人日日對住同一張檯見悶悶地，總係鐘意幫佢重新佈置。咁得閒嘅人，好明顯就係工作容易分心的人。做做下野，鐘意無啦啦幫隻公仔轉下pose、幫盆植物移下個位，整下呢樣整下嗰樣，咁就六點喇。

張檯亂就一定係唔好？又唔一定嘅。話明係辦公桌，張檯亂又好，整齊又好，最重要都係自己做到野，辦到公就係一張好嘅辦公桌啦！

文：Noelle


更多打工仔分享，追蹤 ECjobsonline 專頁 或 瀏覽 www.ECjobsonline.com