【難頂老細】咩老闆最令人想辭職？
【難頂老細】咩老闆最令人想辭職？
刊登日期: 2017-09-12
打工仔的去留，好多時都係取決於公司老闆對員工的態度 : 老闆對啲員工好，做細嘅自然會落力啲做野，人工低啲都唔願走 ; 相反，老細對人差，人工再高都唔會有人肯為佢搏命啦！如果遇着以下呢啲老闆，真係走都走唔切啊！
1. 不尊重員工
做高層唔係大曬，亦都唔代表可以不留情面咁辱罵員工，員工有做得唔好的地方，可以平心靜氣同佢討論，而唔係用粗口鬧人係豬係狗，打工仔都係人，唔係幫公司賣命的奴才，尊重員工，員工才會尊重公司，用心為公司工作。
2. 有彈冇讚
做錯野要話、要罰固然合理，但賞罰應該要分明，員工做得好更應該給予適當的獎勵，鼓勵佢地繼續為公司打拚。做老闆嘅唔能夠只注意員工的不足，而忽略佢地做得好的地方架嘛！
3. 限制員工的能力
老闆雖然有最大話事權，但都唔能夠只有你講冇員工講。喺公司發展的過程上，員工的意見十分重要，佢地若是有能力、有諗頭的話，不妨比個機會佢地嘗試，做到用人唯才，而非局限佢地，一味要求佢地依老闆order行事。
4. 對自己寬容，對員工苛刻
雖然全公司上下的員工都要聽你枝笛，但一啲連自己都達唔到的目標、自己都完成唔到的工作，就唔好剩係識得拋比員工，到頭來仲要嫌班員工做唔到野。
5. 好色沒品
遇着啲終日剩係識得講黃色笑話的老闆，真係想星佢兩巴掌，唔尊重女同事之餘，仲冇品兼咸濕，真係做佢下屬都覺得羞家。被老闆性騷擾或者侵犯，更加要報警將佢繩之以法！
員工需要有份工搵食養家，一間公司何嘗唔係需要一班員工先能夠順利運作呢 ? 想班員工為你落力工作，做老闆嘅係咪應該多關心一下佢地，而唔係剩係識得鬧佢地呢 ? 所謂有點嘅老闆，就有點嘅員工嘛！
文：Noelle
更多打工仔分享，追蹤 ECjobsonline 專頁 或 瀏覽 www.ECjobsonline.com
刊登日期: 2017-09-12
打工仔的去留，好多時都係取決於公司老闆對員工的態度 : 老闆對啲員工好，做細嘅自然會落力啲做野，人工低啲都唔願走 ; 相反，老細對人差，人工再高都唔會有人肯為佢搏命啦！如果遇着以下呢啲老闆，真係走都走唔切啊！
1. 不尊重員工
做高層唔係大曬，亦都唔代表可以不留情面咁辱罵員工，員工有做得唔好的地方，可以平心靜氣同佢討論，而唔係用粗口鬧人係豬係狗，打工仔都係人，唔係幫公司賣命的奴才，尊重員工，員工才會尊重公司，用心為公司工作。
2. 有彈冇讚
做錯野要話、要罰固然合理，但賞罰應該要分明，員工做得好更應該給予適當的獎勵，鼓勵佢地繼續為公司打拚。做老闆嘅唔能夠只注意員工的不足，而忽略佢地做得好的地方架嘛！
3. 限制員工的能力
老闆雖然有最大話事權，但都唔能夠只有你講冇員工講。喺公司發展的過程上，員工的意見十分重要，佢地若是有能力、有諗頭的話，不妨比個機會佢地嘗試，做到用人唯才，而非局限佢地，一味要求佢地依老闆order行事。
4. 對自己寬容，對員工苛刻
雖然全公司上下的員工都要聽你枝笛，但一啲連自己都達唔到的目標、自己都完成唔到的工作，就唔好剩係識得拋比員工，到頭來仲要嫌班員工做唔到野。
5. 好色沒品
遇着啲終日剩係識得講黃色笑話的老闆，真係想星佢兩巴掌，唔尊重女同事之餘，仲冇品兼咸濕，真係做佢下屬都覺得羞家。被老闆性騷擾或者侵犯，更加要報警將佢繩之以法！
員工需要有份工搵食養家，一間公司何嘗唔係需要一班員工先能夠順利運作呢 ? 想班員工為你落力工作，做老闆嘅係咪應該多關心一下佢地，而唔係剩係識得鬧佢地呢 ? 所謂有點嘅老闆，就有點嘅員工嘛！
文：Noelle
更多打工仔分享，追蹤 ECjobsonline 專頁 或 瀏覽 www.ECjobsonline.com