【認清方向】如何找出自己想要什麼工作
【認清方向】如何找出自己想要什麼工作
刊登日期: 2017-06-20
好多畢業生出到嚟社會都一頭霧水，唔知自己想點 ; 打工仔都一樣，坐得寫字樓多都覺得好乏味，想轉工但又唔知自己想做咩。其實要了解自己的方向一啲都唔難，以下就有幾項建議：
1. 讀書取決於興趣和必要
好多人因為想有更好的前景，大學畢業或者做做下野，都走去讀個碩士、博士，但其實現時好多工作單靠大學程度就已經足夠應付有餘，讀咁多書反而係大材小用。而且，好多人讀完先發現讀嘅野唔係自己想要，甚至冇用，到時就真係浪費金錢又浪費時間。確定自己的心意，如果自己真係有興趣，或者心儀的工作需要更高學歷，先繼續讀上去啦！
2. 作短期實驗
如果仲係三心兩意，咁不如各個範疇都嘗試一下。揀幾個你感興趣的領域，打下短期工或者兼職，就算做落覺得唔啱自己，都叫做體驗過，有個初步的了解。透過這種短期實驗，可以知道自己適唔適合該行業、對該工作有冇興趣。雖然做呢種測試需要花上一段時間，但點都好過你浪費時間做一份自己唔鐘意的工作啊！花短時間去體驗，以避免未來長時間的浪費，值啊！
3. 感覺不錯就不妨待久一點
如果有份工做得唔吃力，冇好開心又唔討厭，不妨在該公司待久一點，觀察自己有冇因為工作逐漸純熟而產生成就感，如果你會為自己擅長一項工作而感到自豪的話，相信你已經喜歡上該工作。相反，如果在嘗試期間已經感到很辛苦，千萬不要以為時間耐左就會習慣，通常只會越來越難受。所以，大家在實驗期都要三思而後行，經驗值係靠累積時間而增加，做得唔好又唔差就走人，就永遠都唔會知道自己想點 ; 做得辛苦又繼續留低，以為自己會克服，都係一個錯誤的決定。
4. 不喜歡就不要死撐
現時好多人都會為左高薪厚職而死頂一份工，但每日起床想到要番工都覺得痛苦、做野又做到你發曬脾氣，壞情緒日積月累只會形成精神問題。工作和讀書一樣，揀一個前途好而你唔鐘意的科目嚟讀，幾勤力幾死忍難忍，成績都係會唔好，終有一日會drop左佢！工作都一樣，寧願人工低啲，都揀份自己鐘意嘅工，自然每日都有好心情啦！
唔知自己想點，通常都係因為對各方面的認識都唔多。多作嘗試多作體驗，知道自己鐘意咩唔鐘意咩，自然會了解未來的方向啦！
文：Noelle
更多打工仔分享，追蹤 ECjobsonline 專頁 或 瀏覽 www.ECjobsonline.com
標籤: 畢業生 高薪厚職 兼職 碩士 博士
刊登日期: 2017-06-20
好多畢業生出到嚟社會都一頭霧水，唔知自己想點 ; 打工仔都一樣，坐得寫字樓多都覺得好乏味，想轉工但又唔知自己想做咩。其實要了解自己的方向一啲都唔難，以下就有幾項建議：
1. 讀書取決於興趣和必要
好多人因為想有更好的前景，大學畢業或者做做下野，都走去讀個碩士、博士，但其實現時好多工作單靠大學程度就已經足夠應付有餘，讀咁多書反而係大材小用。而且，好多人讀完先發現讀嘅野唔係自己想要，甚至冇用，到時就真係浪費金錢又浪費時間。確定自己的心意，如果自己真係有興趣，或者心儀的工作需要更高學歷，先繼續讀上去啦！
2. 作短期實驗
如果仲係三心兩意，咁不如各個範疇都嘗試一下。揀幾個你感興趣的領域，打下短期工或者兼職，就算做落覺得唔啱自己，都叫做體驗過，有個初步的了解。透過這種短期實驗，可以知道自己適唔適合該行業、對該工作有冇興趣。雖然做呢種測試需要花上一段時間，但點都好過你浪費時間做一份自己唔鐘意的工作啊！花短時間去體驗，以避免未來長時間的浪費，值啊！
3. 感覺不錯就不妨待久一點
如果有份工做得唔吃力，冇好開心又唔討厭，不妨在該公司待久一點，觀察自己有冇因為工作逐漸純熟而產生成就感，如果你會為自己擅長一項工作而感到自豪的話，相信你已經喜歡上該工作。相反，如果在嘗試期間已經感到很辛苦，千萬不要以為時間耐左就會習慣，通常只會越來越難受。所以，大家在實驗期都要三思而後行，經驗值係靠累積時間而增加，做得唔好又唔差就走人，就永遠都唔會知道自己想點 ; 做得辛苦又繼續留低，以為自己會克服，都係一個錯誤的決定。
4. 不喜歡就不要死撐
現時好多人都會為左高薪厚職而死頂一份工，但每日起床想到要番工都覺得痛苦、做野又做到你發曬脾氣，壞情緒日積月累只會形成精神問題。工作和讀書一樣，揀一個前途好而你唔鐘意的科目嚟讀，幾勤力幾死忍難忍，成績都係會唔好，終有一日會drop左佢！工作都一樣，寧願人工低啲，都揀份自己鐘意嘅工，自然每日都有好心情啦！
唔知自己想點，通常都係因為對各方面的認識都唔多。多作嘗試多作體驗，知道自己鐘意咩唔鐘意咩，自然會了解未來的方向啦！
文：Noelle
更多打工仔分享，追蹤 ECjobsonline 專頁 或 瀏覽 www.ECjobsonline.com
標籤: 畢業生 高薪厚職 兼職 碩士 博士