​衫領顏色反映工種？白領藍領灰領指嘅係邊類打工仔？

出嚟做野，除左「打工仔」呢個統一稱呼，我地仲會用衫領嘅顏色嚟細分人地係「白領」、「藍領」定係「灰領」，藉此知道其他人嘅工種係咩。坐office嘅人通常係着白色恤衫，唔難解釋「白領」呢個稱呼嘅由來，之但係其他顏色，例如「藍領」、「灰領」同「粉領」，指嘅又係邊一類嘅打工仔呢？咁就要大家比啲想像力，同埋多啲留意下其他行業的工作服喇！
1. 白領 – 管理和辦事人員
按照美國標準的話，「白領」是指有教育背景、年薪約8萬美元、利用知識和智力去賺取報酬的員工。「白領」一詞係源自於西方國家工業化之後，當時的美國經濟學家羅伯特•耐克提出，要將現代勞動力分為生產、服務業，以及解決問題的勞動力。而擔任解決問題工作的人員，番工就一定要着深色西裝、白恤衫加領帶，「白領」(white collar) 呢個稱呼由此誕生。

2. 藍領 – 從事生產行業的勞動階層
「藍領」是從 「blue collar」一字直譯過黎，起源於美國，直指從事體力和技術勞動、番工要着工作服的人員，例如工廠工人、礦場工人、建築工人和碼頭工人等等。而點解係藍色？原來係因為以前的體力勞動階層，為左保護身體、免受環境傷害，着嘅盡係一啲以藍色為主、又平又襟着又厚身嘅工作服，從此就有左「藍領」呢個稱呼。
3. 灰領 – 從事維修、保養工作
「灰領」一詞，顧名思義，就係從員工工作服的顏色得來。灰領可以話比藍領高級少少，因為佢地嘅工作必須結合腦力同勞力，運用技術去造福人群，例如維修工人和技術人員等等。冇佢地咁專業的手藝和技術，我地壞左冷氣都冇人識整，認真要比個like佢地。

4. 粉領 – 以女性居多的職業
粉紅色，通常都會令我地聯想到女性。所以，「粉領」指的多數都係秘書、售貨員、教師、護士和清潔工友等人員。

5. 金領 – 高級領導層
講到明金色，「金領」的來頭一定唔細啦！冇錯！指嘅就係教育程度高、聰明、sociable、公關能力、團隊合作的能力、管理和經營能力都好高嘅管理層，包括經理、CEO、大老闆等領導人員。有錢、有地位，仲係公司員工嘅米飯金主，唔係金領係咩？
。
6. 銀領 – IT人員
銀色令你諗起啲咩？手鏈？銀魂？銀礦灣？我就諗到電子產品喇！而「銀領」正正就係指從事IT科技嘅技術人員，例如programmer、機械設計師和software developer等等。佢地嘅工作又要動腦筋，又要用手，仲需要具備深入嘅IT知識同創新能力。所以，銀領可以話係一班具高級應用技術的白領。
7. 紅領 – 職場新鮮人
紅領係指啱啱 (或年資只有3年或以下) 踏入職場工作嘅新人。點解會用紅色黎代表佢地？只因新一代打工仔都比較有個性、鐘意我行我素。所以就用左鮮艷嘅紅色黎區分佢地嘅角色。

8. 紫領 – 世界仔女/從事獨立行業
紫領係比較特別嘅一群人，佢地可以擔任以上所提及嘅任何一領，並且都能有好好嘅發展，撈得好掂，但同時佢地都可以唔隸屬於任何一間公司，走去自立門戶，運用自己嘅知識、技術、管理和創新能力去創一片天，建立有個人風格特色嘅品牌，職業包括有作家、畫家、設計師等等。

聽完咁多咩領咩領，係咪頭都大埋呢？其實大家都係打份工，不用分那麼細嘛！只要自己做得開心，又可以為社會出一份力，做咩工都一樣咁有意義架姐！

文：Noelle

更多打工仔分享，追蹤 ECjobsonline 專頁 或 瀏覽 www.ECjobsonline.com