​【政府筍工】康文署時薪$52請兼職帶位員 DSE學歷可申請

寓工作於娛樂再也不是夢！皆因康文署現正招聘兼職合約帶位員，時薪 $52，只要有DSE學歷就可以申請。今次的工作地點仲要係紅館，有得一邊做嘢一邊睇演唱會，唔怪得次次出招聘post都爭崩頭啦！
根據康樂及文化事務署的網頁，part-time合約帶位員的時薪為 $52。申請人只要DSE 5科考獲level 2或以上的成績（包括中、英文），或具同等學歷；能操流利的廣東話、英語及普通話；以及在取得有關學歷後，擁有3年或以上的全職工作經驗，便符合入職條件，具顧客服務工作相關經驗者或可獲優先考慮。

兼職合約帶位員的職責，主要是協助驗票、帶位、執行場地規則和維持場內秩序等等。獲取錄人士，將會按非公務員合約條款聘用，工作地點為香港體育館，期間受聘者人須穿着制服，並須在舞台燈光及音響效果下工作，亦要長時間上落樓梯、站立或步行，大家要做定心理準備份工會比較攰，亦需要不定時、夜間、一連七日和於公眾假期工作。至於面試方面，不外乎都係考吓你對呢份工嘅了解，出幾條處境題畀你，相信難唔倒各位。

有興趣人士，可於2018年4月19或之前，將申請表寄送至九龍紅磡暢運道9號康樂及文化事務署體育館辦事處（請註明「申請兼職合約帶位員（香港體育館）職位」）。申請表格可向民政諮詢中心或就業中心索取，亦可從公務員事務局網站下載。申請人如獲選參加面試，將會在截止申請後的4個月內收到通知，希望大家順利入到場睇show，啊唔係，係入場帶位先啱！
兼職帶位員職位詳情：http://bit.ly/2vkQReg

更多打工仔分享，追蹤 ECjobsonline 專頁 或 瀏覽 www.ECjobsonline.com