2018/19：第3週球員轉會清單 - 要爆佢！！
球員轉會列表會列出3至5位喺嚟緊一週值得留意嘅球員，包括：我自己個陣嘅心水轉會同我認為需要有嘅球員。希望透過少少嘅介紹，令大家有一個更清晰嘅概念自己個陣應該入啲咩球員。因為FPL係用英文嘅，所以為咗方便大家玩FPL嗰陣對應返，列表會用英文表示。以下係列表會考慮嘅因素：
Selected by: 市場佔有率
PPM: 場均得分
Price: 價值
Next 4 Fixtures: 下4週賽程
H: 主場
A: 作客
後衛
馬高斯阿朗素（Marcos Alonso）
雖然今季馬高斯阿朗素由去季3-4-3陣式中嘅左翼衛打後一格變成沙利4-3-3中嘅左閘，但係咁樣並冇影響到佢進攻端上嘅表現。喺頭兩個比賽週入面，阿朗素拎到24分，係全英超第二高，僅次於文尼。事實上，同上一季相比，佢嘅統計數據睇嚟都係好強勁。上季喺干地麾下，阿朗素平均每44分鐘作出一次射門，但喺沙利嘅帶領下，佢進步到平均每30分鐘就有一次射門。而佢創造機會嘅平均時間亦由84.1分鐘提升到60分鐘。
喺頭兩場分別對住哈特斯菲爾德（Huddersfield）同阿仙奴（Arsenal）嘅聯賽入面，阿朗素就交出1入球2助攻，表現非常突出。喺頭兩週，阿朗素總共做出6次射門，係咁多位後衛之中嘅最多，次數比曼城（Man City）嘅班捷文文迪同熱刺（Spurs）嘅賓戴維斯（Ben Davies）嘅5次都要多。另一方面，阿朗素亦有3次嘅嘗試助攻，喺頭兩週嘅後衛中就只有捷維爾（Chilwell）、賓戴維斯、班捷文文迪同賀利巴斯（Holebas）係比佢好。車路士（Chelsea）未來嘅4場賽事都非常好踢，無論係主場定作客嘅賽事，預計都可以入到波同保持不失球。
班捷文文迪（Benjamin Mendy）
班捷文文迪喺頭兩週憑住4個助攻同1場保持不失，令佢拎到23分咁高分。喺分別對住阿仙奴同哈特斯菲爾德嘅兩場聯賽入面，文迪總共做出5次關鍵傳送，只係僅次於隊友大衛施華（David Silva）嘅6次，同耶穌（Gabriel Jesus）並列全隊第二高，由此可見點解文迪喺兩場比賽入面交出咁多助攻。另外，佢亦做出5次射門，同樣屬於全隊第二高，僅次於曼城嘅首席射手阿古路（Aguero）。以一個後衛嚟講，進攻上有咁嘅數據真係好難得。另外，防守方面，曼城同暫時英超唯一一隊未失過波嘅利物浦一樣，被對方射中龍嘅次數都係得4次，係全英超最少。因為咁，曼城嚟緊幾場波能夠做到零封對手嘅機會都幾大下。再加上曼城未來4場嘅比賽中，就有3場係對住升班馬，可以話係一眾曼城球員喺FPL搶分嘅好機會。
中場李察利臣（Richarlison）*
李察利臣頭兩場聯賽4射3中入3球，為佢帶嚟23分。同時，亦都見到李察利臣嘅把握力之高，同阿古路相比，阿古路總共射咗12球先至為佢帶嚟3個入球。把握力咁高而價錢又唔太貴嘅球員，試問又點叫人抗拒呢。不過，喺交出助攻方面，佢就比較失色啲，喺兩場聯賽入面，佢都只係交出2個關鍵傳送，咁亦都預視到李察利臣唔會係靠助攻嚟拎分，雖則上場對修咸頓（Southampton），佢都有一球差少少助攻到禾確特（Walcott）。但係李察利臣靠嘅係佢禁區內嘅把握力。
文尼（Mane）
文尼開季嘅表現非常搶鏡，取得3入球，成為利物浦陣中嘅首席射手。頭兩場比賽，雖然文尼只得6次嘅射門機會，但已經收穫3球，比起沙拿嘅10次射門僅入1球，有效率得多。雖然文尼暫時仍未為隊友送出助攻，但佢平均每場送出2.5個關鍵傳送，屬全隊第二高，僅次於沙拿嘅平均3次，並同羅拔臣（Robertson）並列隊中第二。另外，利物浦今季穩定嘅防線，亦能夠為佢帶嚟額外嘅分數。就未來4週嘅賽程嚟講，利物浦嘅賽程唔可以話係相當易踢，皆因白禮頓（Brighton）上場先主場以3比2擊敗曼聯（Man Utd），第3場又要作客熱刺。不過，好消息係有得對住因為領紅牌停賽而冇華迪（Vardy）嘅李斯特城（Leicester），都叫做比原本嘅賽程易踢咗。
*為球員已在陣中
以上呢幾位球員都係呢排嘅搶手貨，為防升價，大家有買趁早喇！
資料來源：https://www.premierleague.com/news/824883
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
Selected by: 市場佔有率
PPM: 場均得分
Price: 價值
Next 4 Fixtures: 下4週賽程
H: 主場
A: 作客
後衛
馬高斯阿朗素（Marcos Alonso）
雖然今季馬高斯阿朗素由去季3-4-3陣式中嘅左翼衛打後一格變成沙利4-3-3中嘅左閘，但係咁樣並冇影響到佢進攻端上嘅表現。喺頭兩個比賽週入面，阿朗素拎到24分，係全英超第二高，僅次於文尼。事實上，同上一季相比，佢嘅統計數據睇嚟都係好強勁。上季喺干地麾下，阿朗素平均每44分鐘作出一次射門，但喺沙利嘅帶領下，佢進步到平均每30分鐘就有一次射門。而佢創造機會嘅平均時間亦由84.1分鐘提升到60分鐘。
喺頭兩場分別對住哈特斯菲爾德（Huddersfield）同阿仙奴（Arsenal）嘅聯賽入面，阿朗素就交出1入球2助攻，表現非常突出。喺頭兩週，阿朗素總共做出6次射門，係咁多位後衛之中嘅最多，次數比曼城（Man City）嘅班捷文文迪同熱刺（Spurs）嘅賓戴維斯（Ben Davies）嘅5次都要多。另一方面，阿朗素亦有3次嘅嘗試助攻，喺頭兩週嘅後衛中就只有捷維爾（Chilwell）、賓戴維斯、班捷文文迪同賀利巴斯（Holebas）係比佢好。車路士（Chelsea）未來嘅4場賽事都非常好踢，無論係主場定作客嘅賽事，預計都可以入到波同保持不失球。
班捷文文迪（Benjamin Mendy）
班捷文文迪喺頭兩週憑住4個助攻同1場保持不失，令佢拎到23分咁高分。喺分別對住阿仙奴同哈特斯菲爾德嘅兩場聯賽入面，文迪總共做出5次關鍵傳送，只係僅次於隊友大衛施華（David Silva）嘅6次，同耶穌（Gabriel Jesus）並列全隊第二高，由此可見點解文迪喺兩場比賽入面交出咁多助攻。另外，佢亦做出5次射門，同樣屬於全隊第二高，僅次於曼城嘅首席射手阿古路（Aguero）。以一個後衛嚟講，進攻上有咁嘅數據真係好難得。另外，防守方面，曼城同暫時英超唯一一隊未失過波嘅利物浦一樣，被對方射中龍嘅次數都係得4次，係全英超最少。因為咁，曼城嚟緊幾場波能夠做到零封對手嘅機會都幾大下。再加上曼城未來4場嘅比賽中，就有3場係對住升班馬，可以話係一眾曼城球員喺FPL搶分嘅好機會。
中場李察利臣（Richarlison）*
李察利臣頭兩場聯賽4射3中入3球，為佢帶嚟23分。同時，亦都見到李察利臣嘅把握力之高，同阿古路相比，阿古路總共射咗12球先至為佢帶嚟3個入球。把握力咁高而價錢又唔太貴嘅球員，試問又點叫人抗拒呢。不過，喺交出助攻方面，佢就比較失色啲，喺兩場聯賽入面，佢都只係交出2個關鍵傳送，咁亦都預視到李察利臣唔會係靠助攻嚟拎分，雖則上場對修咸頓（Southampton），佢都有一球差少少助攻到禾確特（Walcott）。但係李察利臣靠嘅係佢禁區內嘅把握力。
文尼（Mane）
文尼開季嘅表現非常搶鏡，取得3入球，成為利物浦陣中嘅首席射手。頭兩場比賽，雖然文尼只得6次嘅射門機會，但已經收穫3球，比起沙拿嘅10次射門僅入1球，有效率得多。雖然文尼暫時仍未為隊友送出助攻，但佢平均每場送出2.5個關鍵傳送，屬全隊第二高，僅次於沙拿嘅平均3次，並同羅拔臣（Robertson）並列隊中第二。另外，利物浦今季穩定嘅防線，亦能夠為佢帶嚟額外嘅分數。就未來4週嘅賽程嚟講，利物浦嘅賽程唔可以話係相當易踢，皆因白禮頓（Brighton）上場先主場以3比2擊敗曼聯（Man Utd），第3場又要作客熱刺。不過，好消息係有得對住因為領紅牌停賽而冇華迪（Vardy）嘅李斯特城（Leicester），都叫做比原本嘅賽程易踢咗。
*為球員已在陣中
以上呢幾位球員都係呢排嘅搶手貨，為防升價，大家有買趁早喇！
資料來源：https://www.premierleague.com/news/824883
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/