2018/19: 第4週陣容預告 – 曼城主場就cap阿古路？
話咁快英超就要進行第4週嘅比賽喇！今週早場有李斯特城（Leicester）主場迎戰利物浦（Liverpool），又即管睇下沙拿會唔會連續4個星期都有入波或者助攻。今篇會同大家講下我嚟緊第4週嘅比賽會排咩陣。由於距離截止時間都仲有一日，陣容都有機會因球員受傷情況或有關出場嘅消息而改變。預計陣容：3-5-2
本週陣容
球隊價值（Squad value）： 100.6M剩餘資金（In the bank）： 0.5M
轉會
賣出：李察利臣（Richarlison）
買入：米希達恩（Mkhitaryan）
原因：李察利臣面臨停賽3場，我冇理由唔賣走佢，齋放佢喺度。本身我就有3位候選人去代替佢嘅，分別係米希達恩、柏度（Pedro）同禾確特（Walcott）。而揀米希達恩最大嘅原因就係阿仙奴（Arsenal）嘅賽程，阿仙奴嚟緊嘅賽程相當好踢，要去到第11週先會遇上Big 6球隊，絕對係一個長線投資嘅好選擇。就算唔係買米希達恩，我應該都會入返個阿仙奴球員。（詳細原因可以睇返2018/19：第4週球員轉會清單 – 邊個至係李察利臣最佳代替者？）
守門員
艾達臣（Ederson）
曼城（Man City）對上兩場都係全場攻勢佔優下有失球，都有少少唔好彩嘅，但係曼城防守唔穩健都唔係今日嘅事。曼城一直都係以攻代守，減低後防壓力。希望今場曼城對住開季仍然未贏過波同3場僅入2球嘅紐卡素（Newcastle）可以順利贏波兼不失球啦。
後衛
雲比沙卡（Wan-Bissaka）
水晶宮（Crystal Palace）今場嘅對手係近況都幾差下嘅修咸頓（Southampton），修咸頓開季3場不勝，兼僅入2球。雖然水晶宮對上兩場，每場都失足2球，但其中一場係對利物浦，情有可原，而另一場就雲比沙卡缺陣。今季唯一一場有雲比沙卡嘅比賽，水晶宮就零封對手，希望佢今場復出可以幫到水晶宮拎返場不失球啦。馬高斯阿朗素（Marcos Alonso）
車路士（Chelsea）近況不俗，而阿朗素更加係狀態大勇，開季1入球4助攻。喺英超，冇球員比起佢參與5個入球嘅機會多，亦令阿朗素成為暫時FPL最高分嘅球員。車路士今場嘅對手係開季錄得2勝1和嘅般尼茅夫（Bournemouth），雖然對手狀態唔錯，但就算阿朗素拎唔到不失球分，進攻上應該都有唔少機會拎到分，事關對手般尼茅夫上兩場都有失波。
羅拔臣（Robertson）
今場利物浦需要作客對李斯特城，應該會係開季4場最難打嘅一場。不過，面對因為停賽冇成日對Big 6球隊入波嘅華迪（Vardy）嘅李斯特城，繼續保持金身嘅機率又大咗。希望今場羅拔臣除咗繼續利物浦保持清白之身外，仲希望佢能夠交到助攻，因為每場都見到佢創造到好靚嘅機會，只係隊友把握唔到。
中場
沙拿（Salah）
沙拿開季咁多場都冇令人失望過，每場都入到波或者交到助攻，所以今場唔揀佢做隊長都有啲擔心。今季沙拿已經為利物浦攻入咗2球，交出2個助攻，希望佢今場對李斯特城都會有好表現啦。
米希達恩（Mkhitaryan）
阿仙奴今場只係對住開季仍然未贏過波嘅卡迪夫城（Cardiff），兼且係一球未入嘅球隊，今次仲唔係阿仙奴球員搶分嘅最佳機會？米希達恩開季3場比賽，錄得7次嘗試助攻，屬全隊之冠，預計阿仙奴嘅入波都會同佢有關。尼維斯（Neves）
狼隊（Wolves）今場對住榜尾輸足3場嘅韋斯咸（West Ham），仲唔係狼隊搶分嘅好機會？韋斯咸平均每場失3球，而狼隊嘅攻力雖然唔高，但亦唔弱，見佢哋對住曼城都有波入就知（雖然係一個問題球），不過預計狼隊都可以喺咁弱嘅韋斯咸身上取得入球嘅。
艾歷臣（Eriksen）
艾歷臣上場嘅表現有好轉，對曼聯（Man Utd）交出1個助攻，助熱刺（Spurs）3球輕取曼聯。其實，喺上場比賽都見到艾歷臣慢慢入局，有一球差少少就助攻到阿里（Alli），同埋自己都有射門嘅機會。今場即使要對住同樣係開季全勝嘅屈福特（Watford），但始終熱刺球員係高一班，自然被睇高一線。
貝拿度施華（Bernardo Silva）
上場對住狼隊，貝拿度施華只係踢咗61分鐘，表現唔太好，好彩踢夠60分鐘，拎到2分。希望今曼城主場對紐卡素，佢嘅表現會有所提升啦，如果唔係，佢好快就會俾哥迪奧拿貶返做後備。
前鋒
韋費特沙夏（Zaha）
今季水晶宮入嘅3個入球，有2球係韋費特沙夏入嘅，可見佢對水晶宮進攻上嘅重要性。今場對住近況幾差嘅修咸頓，對上兩場都係失2球，預計又係水晶宮首席射手入波嘅好機會。阿古路（Aguero）- Captain
曼城今場主場對紐卡素，預計阿古路應該都能夠搶到分。紐卡素上季全季失47球，但單單喺作客就失咗30個入球，恰巧又遇上主場入球王阿古路，睇怕都係凶多吉少。阿古路上季全季攻入21球，而當中就有15球嚟自主場。今季阿古路依然延續主場王嘅本色，開季兩場作客顆粒無收，但唯一一場主場比賽就大演帽子戲法加1助攻。所以，我決定食老本，用返同一個原理去揀阿古路做隊長。更重要嘅係，阿古路過去11次對住紐卡素，入咗14球。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
本週陣容
球隊價值（Squad value）： 100.6M剩餘資金（In the bank）： 0.5M
轉會
賣出：李察利臣（Richarlison）
買入：米希達恩（Mkhitaryan）
原因：李察利臣面臨停賽3場，我冇理由唔賣走佢，齋放佢喺度。本身我就有3位候選人去代替佢嘅，分別係米希達恩、柏度（Pedro）同禾確特（Walcott）。而揀米希達恩最大嘅原因就係阿仙奴（Arsenal）嘅賽程，阿仙奴嚟緊嘅賽程相當好踢，要去到第11週先會遇上Big 6球隊，絕對係一個長線投資嘅好選擇。就算唔係買米希達恩，我應該都會入返個阿仙奴球員。（詳細原因可以睇返2018/19：第4週球員轉會清單 – 邊個至係李察利臣最佳代替者？）
守門員
艾達臣（Ederson）
曼城（Man City）對上兩場都係全場攻勢佔優下有失球，都有少少唔好彩嘅，但係曼城防守唔穩健都唔係今日嘅事。曼城一直都係以攻代守，減低後防壓力。希望今場曼城對住開季仍然未贏過波同3場僅入2球嘅紐卡素（Newcastle）可以順利贏波兼不失球啦。
後衛
雲比沙卡（Wan-Bissaka）
水晶宮（Crystal Palace）今場嘅對手係近況都幾差下嘅修咸頓（Southampton），修咸頓開季3場不勝，兼僅入2球。雖然水晶宮對上兩場，每場都失足2球，但其中一場係對利物浦，情有可原，而另一場就雲比沙卡缺陣。今季唯一一場有雲比沙卡嘅比賽，水晶宮就零封對手，希望佢今場復出可以幫到水晶宮拎返場不失球啦。馬高斯阿朗素（Marcos Alonso）
車路士（Chelsea）近況不俗，而阿朗素更加係狀態大勇，開季1入球4助攻。喺英超，冇球員比起佢參與5個入球嘅機會多，亦令阿朗素成為暫時FPL最高分嘅球員。車路士今場嘅對手係開季錄得2勝1和嘅般尼茅夫（Bournemouth），雖然對手狀態唔錯，但就算阿朗素拎唔到不失球分，進攻上應該都有唔少機會拎到分，事關對手般尼茅夫上兩場都有失波。
羅拔臣（Robertson）
今場利物浦需要作客對李斯特城，應該會係開季4場最難打嘅一場。不過，面對因為停賽冇成日對Big 6球隊入波嘅華迪（Vardy）嘅李斯特城，繼續保持金身嘅機率又大咗。希望今場羅拔臣除咗繼續利物浦保持清白之身外，仲希望佢能夠交到助攻，因為每場都見到佢創造到好靚嘅機會，只係隊友把握唔到。
中場
沙拿（Salah）
沙拿開季咁多場都冇令人失望過，每場都入到波或者交到助攻，所以今場唔揀佢做隊長都有啲擔心。今季沙拿已經為利物浦攻入咗2球，交出2個助攻，希望佢今場對李斯特城都會有好表現啦。
米希達恩（Mkhitaryan）
阿仙奴今場只係對住開季仍然未贏過波嘅卡迪夫城（Cardiff），兼且係一球未入嘅球隊，今次仲唔係阿仙奴球員搶分嘅最佳機會？米希達恩開季3場比賽，錄得7次嘗試助攻，屬全隊之冠，預計阿仙奴嘅入波都會同佢有關。尼維斯（Neves）
狼隊（Wolves）今場對住榜尾輸足3場嘅韋斯咸（West Ham），仲唔係狼隊搶分嘅好機會？韋斯咸平均每場失3球，而狼隊嘅攻力雖然唔高，但亦唔弱，見佢哋對住曼城都有波入就知（雖然係一個問題球），不過預計狼隊都可以喺咁弱嘅韋斯咸身上取得入球嘅。
艾歷臣（Eriksen）
艾歷臣上場嘅表現有好轉，對曼聯（Man Utd）交出1個助攻，助熱刺（Spurs）3球輕取曼聯。其實，喺上場比賽都見到艾歷臣慢慢入局，有一球差少少就助攻到阿里（Alli），同埋自己都有射門嘅機會。今場即使要對住同樣係開季全勝嘅屈福特（Watford），但始終熱刺球員係高一班，自然被睇高一線。
貝拿度施華（Bernardo Silva）
上場對住狼隊，貝拿度施華只係踢咗61分鐘，表現唔太好，好彩踢夠60分鐘，拎到2分。希望今曼城主場對紐卡素，佢嘅表現會有所提升啦，如果唔係，佢好快就會俾哥迪奧拿貶返做後備。
前鋒
韋費特沙夏（Zaha）
今季水晶宮入嘅3個入球，有2球係韋費特沙夏入嘅，可見佢對水晶宮進攻上嘅重要性。今場對住近況幾差嘅修咸頓，對上兩場都係失2球，預計又係水晶宮首席射手入波嘅好機會。阿古路（Aguero）- Captain
曼城今場主場對紐卡素，預計阿古路應該都能夠搶到分。紐卡素上季全季失47球，但單單喺作客就失咗30個入球，恰巧又遇上主場入球王阿古路，睇怕都係凶多吉少。阿古路上季全季攻入21球，而當中就有15球嚟自主場。今季阿古路依然延續主場王嘅本色，開季兩場作客顆粒無收，但唯一一場主場比賽就大演帽子戲法加1助攻。所以，我決定食老本，用返同一個原理去揀阿古路做隊長。更重要嘅係，阿古路過去11次對住紐卡素，入咗14球。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/