2018/19: 第7週陣容預告 – 瘋狂對沖
第6週比賽過後，雖然我陣中嘅大衛施華（David Silva）上場冇出，但都只係近4場第一次比賽冇上陣，所以我都繼續會俾機會佢，唔會咁快賣佢走嘅。同埋，今週我都冇咩心水球員好推介，所以都冇出到球員列表。但如果硬係要我推介一個球員嘅話，我都係會推介呢個星期嘅大熱門—麥迪遜（Maddison），皆因李斯特城（Leicester）嘅賽程唔錯，直到第15週，都只係需要對阿仙奴（Arsenal）一隊Big 6球隊。另外，今週仲有一個大問題，就係我個陣入面有好多球員對沖，因為今週車路士（Chelsea）主場會對利物浦（Liverpool）同埋般尼茅夫（Bournemouth）會對水晶宮（Crystal Palace）。由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：3-5-2本週陣容
球隊價值（Squad value）： 101.8M剩餘資金（In the bank）： 0.1M
守門員
艾達臣（Ederson）
曼城（Man City）已經連續兩場冇失波喇。曼城今場將會主場迎戰白禮頓（Brighton），白禮頓今季3場作客僅1和2負，未贏過，兼只係入得2球。曼城今場不失球理應冇難度。
後衛
賓納特（Bennett）
狼隊（Wolves）今場將會主場對修咸頓（Southampton），修咸頓開季僅得1勝，相反狼隊嘅狀態就好好，近4場都保持不敗，當中仲有兩場曼市雙雄添。同埋狼隊開季6場都冇一場係失超過2球，防守都有啲保證。
馬高斯阿朗素（Marcos Alonso）＆羅拔臣（Robertson）
今週矚目大戰，非車路士（Chelsea）主場對利物浦（Liverpool）莫屬喇。睇返過往對賽成績，雙方交手52次，車路士贏20次，而利物浦就贏19次，大家不分高下。睇返近5次對賽（上圖），全部入波都唔多，所以同時放晒兩邊嘅左閘都唔會擔心被扣分。再加上阿朗素同羅拔臣都有返咁上下攻擊力，分分鐘有助攻，甚至有波入添。更重要嘅係，兩邊狀態都好好，雙方都聯賽不敗，真係估唔到邊邊有較大機會贏或者唔失波，所以都唔會冒險收起其中一個，萬一收起咗比較高分嗰位就真係欲哭無淚。雖然車路士喺啱啱踢完嘅聯賽盃以2比1贏咗利物浦，但係喺雙方都收起部份主力嘅比賽下，都好難作準。
中場
盧卡斯摩拉（Lucas Moura）
熱刺（Spurs）嚟緊對住嘅係榜尾嘅哈特斯菲爾德（Huddersfield），今季哈特斯菲爾德失咗14球，係全英超最多。只要盧卡斯摩拉保得住個正選位置，入波嘅機會都好大，畢竟佢暫時同哈利卡尼（Harry Kane）一樣都係球隊嘅首席射手，6場入3球。
藍斯（Ramsey）
藍斯上場表現非常之好，交出2個助攻。藍斯喺阿仙奴（Arsenal）嘅陣式都擔當住一個好重要嘅角色，既要負責串聯，又要成日向前插。除咗藍斯之外，就冇其他阿仙奴嘅球員做到佢嘅角色。阿仙奴今場主場對住近兩場不勝嘅屈福特（Watford），應該都可以乘勝追擊，再贏多場嘅。阿仙奴有冇好表現，都好睇藍斯進攻上交唔交到貨。
大衛施華（David Silva）
好不幸地大衛施華上場冇得出，呢個亦都係用曼城球員要承受被輪換嘅風險。不過，大衛施華喺今季有出場嘅4場比賽裏入面，總共交出咗16次關鍵傳送，即係每場平均4次，係全隊之冠。雖然佢今季仲未為隊友送出助攻，不過應該只係時間嘅問題。希望今場對白禮頓，佢有得出啦。
文尼（Mane）＆夏薩特（Hazard）
同阿朗素＆羅拔臣嘅處境一樣，都係唔敢冒險收起佢哋是但一個。再加上，佢哋兩個都係各自隊中嘅首席射手，夏薩特今季已入5球，而文尼就收穫4球，兩個嘅表現都好好。
前鋒
哥林威爾遜（Wilson）
今場般尼茅夫（Bournemouth）主場對水晶宮（Crystal Palace），雖然水晶宮近況不俗，但係今季般尼茅夫主場未嘗一敗，所以都係比較睇好有主場之利嘅般尼茅夫。
阿古路（Aguero）- Captain
曼城主場對住今季失咗11球嘅白禮頓，又係阿古路嘅天下喇。唔洗睇對手，基本上曼城一主場就可以揀阿古路做隊長，再加上上季阿古路只係喺曼城對白禮頓嘅一場比賽有上陣，仲要入咗1球添，試問仲可以點唔睇好阿古路呢？今季阿古路3場主場嘅聯賽入面，都能夠入波或者助攻，喺FPL平均每場帶嚟11分。不過，阿古路－唯一隱憂係，近兩場比賽都好早就俾哥迪奧拿換走，希望佢今場都可以喺被換走之前有進攻上嘅貢獻啦。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
球隊價值（Squad value）： 101.8M剩餘資金（In the bank）： 0.1M
守門員
艾達臣（Ederson）
曼城（Man City）已經連續兩場冇失波喇。曼城今場將會主場迎戰白禮頓（Brighton），白禮頓今季3場作客僅1和2負，未贏過，兼只係入得2球。曼城今場不失球理應冇難度。
後衛
賓納特（Bennett）
狼隊（Wolves）今場將會主場對修咸頓（Southampton），修咸頓開季僅得1勝，相反狼隊嘅狀態就好好，近4場都保持不敗，當中仲有兩場曼市雙雄添。同埋狼隊開季6場都冇一場係失超過2球，防守都有啲保證。
馬高斯阿朗素（Marcos Alonso）＆羅拔臣（Robertson）
今週矚目大戰，非車路士（Chelsea）主場對利物浦（Liverpool）莫屬喇。睇返過往對賽成績，雙方交手52次，車路士贏20次，而利物浦就贏19次，大家不分高下。睇返近5次對賽（上圖），全部入波都唔多，所以同時放晒兩邊嘅左閘都唔會擔心被扣分。再加上阿朗素同羅拔臣都有返咁上下攻擊力，分分鐘有助攻，甚至有波入添。更重要嘅係，兩邊狀態都好好，雙方都聯賽不敗，真係估唔到邊邊有較大機會贏或者唔失波，所以都唔會冒險收起其中一個，萬一收起咗比較高分嗰位就真係欲哭無淚。雖然車路士喺啱啱踢完嘅聯賽盃以2比1贏咗利物浦，但係喺雙方都收起部份主力嘅比賽下，都好難作準。
中場
盧卡斯摩拉（Lucas Moura）
熱刺（Spurs）嚟緊對住嘅係榜尾嘅哈特斯菲爾德（Huddersfield），今季哈特斯菲爾德失咗14球，係全英超最多。只要盧卡斯摩拉保得住個正選位置，入波嘅機會都好大，畢竟佢暫時同哈利卡尼（Harry Kane）一樣都係球隊嘅首席射手，6場入3球。
藍斯（Ramsey）
藍斯上場表現非常之好，交出2個助攻。藍斯喺阿仙奴（Arsenal）嘅陣式都擔當住一個好重要嘅角色，既要負責串聯，又要成日向前插。除咗藍斯之外，就冇其他阿仙奴嘅球員做到佢嘅角色。阿仙奴今場主場對住近兩場不勝嘅屈福特（Watford），應該都可以乘勝追擊，再贏多場嘅。阿仙奴有冇好表現，都好睇藍斯進攻上交唔交到貨。
大衛施華（David Silva）
好不幸地大衛施華上場冇得出，呢個亦都係用曼城球員要承受被輪換嘅風險。不過，大衛施華喺今季有出場嘅4場比賽裏入面，總共交出咗16次關鍵傳送，即係每場平均4次，係全隊之冠。雖然佢今季仲未為隊友送出助攻，不過應該只係時間嘅問題。希望今場對白禮頓，佢有得出啦。
文尼（Mane）＆夏薩特（Hazard）
同阿朗素＆羅拔臣嘅處境一樣，都係唔敢冒險收起佢哋是但一個。再加上，佢哋兩個都係各自隊中嘅首席射手，夏薩特今季已入5球，而文尼就收穫4球，兩個嘅表現都好好。
前鋒
哥林威爾遜（Wilson）
今場般尼茅夫（Bournemouth）主場對水晶宮（Crystal Palace），雖然水晶宮近況不俗，但係今季般尼茅夫主場未嘗一敗，所以都係比較睇好有主場之利嘅般尼茅夫。
阿古路（Aguero）- Captain
曼城主場對住今季失咗11球嘅白禮頓，又係阿古路嘅天下喇。唔洗睇對手，基本上曼城一主場就可以揀阿古路做隊長，再加上上季阿古路只係喺曼城對白禮頓嘅一場比賽有上陣，仲要入咗1球添，試問仲可以點唔睇好阿古路呢？今季阿古路3場主場嘅聯賽入面，都能夠入波或者助攻，喺FPL平均每場帶嚟11分。不過，阿古路－唯一隱憂係，近兩場比賽都好早就俾哥迪奧拿換走，希望佢今場都可以喺被換走之前有進攻上嘅貢獻啦。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/