2018/19: 第8週球員轉會清單 – 狀態火熱嘅中場
呢個星期同大家睇下3位我認為狀態好而又值得投資落去嘅中場球員。佢哋都係分別嚟自唔同嘅球隊同唔同嘅價位，分別有車路士（Chelsea）嘅夏薩特（Hazard）、李斯特城（Leicester）嘅麥迪遜（Maddison）同般尼（Burnley）嘅古蒙臣（Gudmundsson）。
中場
夏薩特（Hazard）
呢輪夏薩特真係弗到漏油！齋睇佢今季暫時嘅入球同助攻數字已經夠勁，7場英超6入球2助攻。，仲要頭兩場比賽加埋都踢唔夠45分鐘已經交出2個助攻。佢連續兩場對利物浦（Liverpool）都有波入，令佢以6個入球，暫時喺射手榜領先。更加令人咋舌嘅數據係夏薩特嘅超高攻門效率。喺夏薩特入波場波開始計，佢5場英超錄得8次中目標射門，但已經取得6個入球，入球率高達75%。再加上，夏薩特一向係車路士嘅十二碼劊子手，咁又增加咗佢入波嘅機會。車路士嚟緊嘅賽程唔算難打，未來4場嘅賽事，有3場嘅對手都係聯賽榜嘅下半版，而要對嘅Big 6球隊都只係近排有內憂外患嘅曼聯（Man Utd）。車路士連氣勢如虹嘅利物浦都剎得停，冇理由搞唔掂泊大巴嘅曼聯嘅，除非摩連奴俾人炒啦。
麥迪遜（Maddison）
麥迪遜喺近4場嘅比賽入面，交出2個入球同2個助攻。佢喺呢4個星期總共錄得12次射門，同占美華迪（Jamie Vardy）並列隊中之冠。同時，麥迪遜亦有13次嘅關鍵傳送，屬隊中之冠。喺剛過去第7週嘅比賽入面，麥迪遜5次嘅關鍵傳送係全英超最多，同愛華頓（Everton）嘅施古臣（Sigurdsson）並列第一。揀麥迪遜有一個好處，就係佢負責主理李斯特城大部份嘅罰球，而喺對上兩場對哈特斯菲爾德（Huddersfield）嘅比賽入面，麥迪遜就入咗一球靚罰球，可見佢都係新一代嘅罰球專家嚟。嚟緊李斯特城嘅賽程係相當好啊，先講未來4場，有3場嘅對手都屬於聯賽榜嘅下半版；而嚟緊第二場嘅對手就係阿仙奴（Arsenal），係李斯特城未來8週唯一一隊要打嘅Big 6球隊。
古蒙臣（Gudmundsson）
喺對第3週對富咸（Fulham）嘅比賽受傷之後，古蒙臣係喺第5週嘅比賽先至復出。喺第6週般尼大勝般尼茅夫Bournemouth）嘅比賽入面，古蒙臣擔當住一個好重要嘅角色，喺嗰場比賽入面，佢就貢獻咗2個助攻。古蒙臣今季暫時錄得10次嘅射門，係般尼陣中之冠。當中佢就有4次嘅中目標射門，同巴尼斯（Barnes）並列隊中第一。古蒙臣今季7次關鍵傳送亦屬隊中之冠。由此可見，佢就係般尼嘅命脈，般尼食粥定食飯都係睇佢。般尼嚟緊4場比賽都真係一啖砂糖一啖屎，有兩隊弱旅，分別係哈特斯菲爾德同韋斯咸（West Ham）；但亦有兩隊強隊，分別係曼城（Man City）同車路士。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
中場
夏薩特（Hazard）
呢輪夏薩特真係弗到漏油！齋睇佢今季暫時嘅入球同助攻數字已經夠勁，7場英超6入球2助攻。，仲要頭兩場比賽加埋都踢唔夠45分鐘已經交出2個助攻。佢連續兩場對利物浦（Liverpool）都有波入，令佢以6個入球，暫時喺射手榜領先。更加令人咋舌嘅數據係夏薩特嘅超高攻門效率。喺夏薩特入波場波開始計，佢5場英超錄得8次中目標射門，但已經取得6個入球，入球率高達75%。再加上，夏薩特一向係車路士嘅十二碼劊子手，咁又增加咗佢入波嘅機會。車路士嚟緊嘅賽程唔算難打，未來4場嘅賽事，有3場嘅對手都係聯賽榜嘅下半版，而要對嘅Big 6球隊都只係近排有內憂外患嘅曼聯（Man Utd）。車路士連氣勢如虹嘅利物浦都剎得停，冇理由搞唔掂泊大巴嘅曼聯嘅，除非摩連奴俾人炒啦。
麥迪遜（Maddison）
麥迪遜喺近4場嘅比賽入面，交出2個入球同2個助攻。佢喺呢4個星期總共錄得12次射門，同占美華迪（Jamie Vardy）並列隊中之冠。同時，麥迪遜亦有13次嘅關鍵傳送，屬隊中之冠。喺剛過去第7週嘅比賽入面，麥迪遜5次嘅關鍵傳送係全英超最多，同愛華頓（Everton）嘅施古臣（Sigurdsson）並列第一。揀麥迪遜有一個好處，就係佢負責主理李斯特城大部份嘅罰球，而喺對上兩場對哈特斯菲爾德（Huddersfield）嘅比賽入面，麥迪遜就入咗一球靚罰球，可見佢都係新一代嘅罰球專家嚟。嚟緊李斯特城嘅賽程係相當好啊，先講未來4場，有3場嘅對手都屬於聯賽榜嘅下半版；而嚟緊第二場嘅對手就係阿仙奴（Arsenal），係李斯特城未來8週唯一一隊要打嘅Big 6球隊。
古蒙臣（Gudmundsson）
喺對第3週對富咸（Fulham）嘅比賽受傷之後，古蒙臣係喺第5週嘅比賽先至復出。喺第6週般尼大勝般尼茅夫Bournemouth）嘅比賽入面，古蒙臣擔當住一個好重要嘅角色，喺嗰場比賽入面，佢就貢獻咗2個助攻。古蒙臣今季暫時錄得10次嘅射門，係般尼陣中之冠。當中佢就有4次嘅中目標射門，同巴尼斯（Barnes）並列隊中第一。古蒙臣今季7次關鍵傳送亦屬隊中之冠。由此可見，佢就係般尼嘅命脈，般尼食粥定食飯都係睇佢。般尼嚟緊4場比賽都真係一啖砂糖一啖屎，有兩隊弱旅，分別係哈特斯菲爾德同韋斯咸（West Ham）；但亦有兩隊強隊，分別係曼城（Man City）同車路士。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/