2018/19: 第9週陣容預告 – 揀邊個做隊長好？
今個星期陣中有好多球員都有一個唔錯嘅賽程，例如：般尼茅夫（Bournemouth）對修咸頓（Southampton）、曼城（Man City）對般尼（Burnley）、利物浦（Liverpool）作客對哈特斯菲爾德（Huddersfield）、愛華頓（Everton）對水晶宮（Crystal Palace）。今週真係唔知揀邊個做隊長好，大家都見到上週嘅情況，揀唔揀得啱隊長真係差好遠。今篇會花較多筆墨分析有潛質嘅隊長人選。由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：3-5-2
本週陣容
球隊價值（Squad value）： 100.0M剩餘資金（In the bank）： 2.4M
轉會
賣出：盧卡斯摩拉（Lucas Moura）
買入：李察利臣（Richarlison）
原因：喺過去嘅4個星期入面，盧卡斯摩拉都冇入過波或者交出助攻，而熱刺（Spurs）嚟緊嘅賽程都麻麻，未來6場有3場要對Big 6球隊。雖然愛華頓未來6場都有3場係要對Big 6球隊，但其中一場對Big 6球隊嘅比賽只係對住近況麻麻嘅曼聯（Man Utd），同埋中間有水晶宮同卡迪夫城（Cardiff）呢啲較弱嘅對手。而揀呢個時候買入李察利臣就係因為佢喺拎完紅牌之後嘅第3場終於入返波。一見佢入波，就即刻買返佢喇。
守門員
艾達臣（Ederson）
曼城近4場都不失球，防守非常唔錯，而曼城今季只係失咗3球，同利物浦一樣係英超最佳。今場曼城主場對般尼，預計都可以順利拎到不失球。
後衛
賓納特（Bennett）
狼隊（Wolves）近排嘅防守真係唔錯，近5場有4場不失球。今場又咁啱對住近況好差嘅屈福特（Watford），屈福特近2場輸波不特止，仲要冇入波，所以今場狼隊對住屈福特不失球嘅機會都幾大。
馬高斯阿朗素（Marcos Alonso）
今場車路士（Chelsea）嘅對手係上場驚險反勝紐卡素（Newcastle）嘅曼聯。車路士近4場比賽入面有2場不失球同2場只失1球，防守都算唔錯。預計車路士即使未能保持不失球，阿朗素都會喺進攻上帶嚟貢獻。羅拔臣（Robertson）
利物浦嘅情況同車路士差唔多，都係近4場比賽入面有2場不失球同2場只失1球。不過，利物浦嘅對手就弱好多，只係依家排聯賽榜尾三嘅哈特斯菲爾德。哈特斯菲爾德仍然開季未嘗一勝，近4場更加係輸咗3場兼僅入2球。今場利物浦作客對住哈特斯菲爾德，贏波就冇問題嫁喇，應該都可以保持不失球嘅。
中場
李察利臣（Richarlison）
今週李察利臣都係其中一個隊長候選人，會諗揀佢嘅原因最主要係由上場開始，馬高施華推咗佢踢前鋒，意味住巴西人應該會獲得更多嘅射門機會。
藍斯（Ramsey）
雖然藍斯近排受到被輪換嘅風險，但係佢一落到場就交到貨。雖然佢近3場只係踢咗163分鐘，加埋2場都冇，但係佢就交出1入球3助攻，所有我都係會繼續留藍斯喺個陣入面。佢上場只係出場23分鐘，射咗1球同交出1個關鍵傳送，但已經交出1入球1助攻。
麥迪遜（Maddison）
麥迪遜喺近4場比賽交出10個關鍵傳送，表現尚可，希望今場對住阿仙奴（Arsenal）會有好表現啦。
文尼（Mane）
今週文尼原本都係其中一位隊長候選人，但係佢不幸地喺國際賽期間整傷手指。據報，球會證實文尼喺軍醫監督下喺默西賽德嘅一間醫院接受咗手部手術，情況理想，但未知趕唔趕得切喺週末對哈特斯菲爾德嘅賽事中復出。正因為咁，我都唔敢搏，揀文尼做隊長。我仲有諗過賣佢走，換入沙基利（Shaqiri），因為沙拿（Salah）都有輕傷，但都係睇定啲先。夏薩特（Hazard）
夏薩特今季同哥林威爾遜（Wilson）一樣係全英超直接或間接參與入球最多嘅球員，總共有7入球3助攻。夏薩特更加係近4週全英超直接或間接參與入球最多嘅球員，錄得5入球1助攻。佢錄得12次喺禁區內嘅射門次數，係咁多位中場之中最多嘅，只有占美華迪（Jamie Vardy）、哈利卡尼（Harry Kane）同阿古路（Aguero）係比佢多。
前鋒
哥林威爾遜（Wilson）
今週哥林威爾遜都係其中一個隊長候選人，佢今季同夏薩特一樣係全英超直接或間接參與入球最多嘅球員，總共有3入球7助攻。威爾遜近4場交出1入球4助攻，穩定嘅狀態令到我會諗揀唔揀佢做隊長好。依家就睇睇威爾遜今季嘅數據，佢平均每232.3分鐘入1球；平均每174.3分鐘交出1個助攻；平均每63.4分鐘創造1次機會。另一方面，今個星期般尼茅夫嘅對手修咸頓近4場不勝，而佢哋更加係近3場全部輸晒兼0入球，所以無疑般尼茅夫今場係睇高一線。
阿古路（Aguero）- Captain
今週阿古路都係其中一個隊長候選人，會揀阿古路做隊長，好大嘅原因係因為曼城主場，而且今場嘅對手係比較弱嘅般尼。不過，揀阿古路做隊長都唔係話冇隱憂，其中一個原因又係對手般尼，雖然般尼開季真係踢得唔好，但隨住佢哋歐霸外圍賽出局，依家已經喺聯賽榜度升返上嚟，排緊第12位。般尼近排仲錄得兩連勝添。另外，阿古路嘅另一隱憂就係佢嘅出場時間，佢近排有好多場比賽都係踢到大概60分鐘就會被換走，好彩嘅係佢大部份時間都能夠取得入球或者助攻。不過，如果唔好彩，就會好似上場咁，冇入波同助攻，僅得1分。不過，穩陣起見，我都係揀返熱門嘅阿古路做隊長。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
本週陣容
球隊價值（Squad value）： 100.0M剩餘資金（In the bank）： 2.4M
轉會
賣出：盧卡斯摩拉（Lucas Moura）
買入：李察利臣（Richarlison）
原因：喺過去嘅4個星期入面，盧卡斯摩拉都冇入過波或者交出助攻，而熱刺（Spurs）嚟緊嘅賽程都麻麻，未來6場有3場要對Big 6球隊。雖然愛華頓未來6場都有3場係要對Big 6球隊，但其中一場對Big 6球隊嘅比賽只係對住近況麻麻嘅曼聯（Man Utd），同埋中間有水晶宮同卡迪夫城（Cardiff）呢啲較弱嘅對手。而揀呢個時候買入李察利臣就係因為佢喺拎完紅牌之後嘅第3場終於入返波。一見佢入波，就即刻買返佢喇。
守門員
艾達臣（Ederson）
曼城近4場都不失球，防守非常唔錯，而曼城今季只係失咗3球，同利物浦一樣係英超最佳。今場曼城主場對般尼，預計都可以順利拎到不失球。
後衛
賓納特（Bennett）
狼隊（Wolves）近排嘅防守真係唔錯，近5場有4場不失球。今場又咁啱對住近況好差嘅屈福特（Watford），屈福特近2場輸波不特止，仲要冇入波，所以今場狼隊對住屈福特不失球嘅機會都幾大。
馬高斯阿朗素（Marcos Alonso）
今場車路士（Chelsea）嘅對手係上場驚險反勝紐卡素（Newcastle）嘅曼聯。車路士近4場比賽入面有2場不失球同2場只失1球，防守都算唔錯。預計車路士即使未能保持不失球，阿朗素都會喺進攻上帶嚟貢獻。羅拔臣（Robertson）
利物浦嘅情況同車路士差唔多，都係近4場比賽入面有2場不失球同2場只失1球。不過，利物浦嘅對手就弱好多，只係依家排聯賽榜尾三嘅哈特斯菲爾德。哈特斯菲爾德仍然開季未嘗一勝，近4場更加係輸咗3場兼僅入2球。今場利物浦作客對住哈特斯菲爾德，贏波就冇問題嫁喇，應該都可以保持不失球嘅。
中場
李察利臣（Richarlison）
今週李察利臣都係其中一個隊長候選人，會諗揀佢嘅原因最主要係由上場開始，馬高施華推咗佢踢前鋒，意味住巴西人應該會獲得更多嘅射門機會。
藍斯（Ramsey）
雖然藍斯近排受到被輪換嘅風險，但係佢一落到場就交到貨。雖然佢近3場只係踢咗163分鐘，加埋2場都冇，但係佢就交出1入球3助攻，所有我都係會繼續留藍斯喺個陣入面。佢上場只係出場23分鐘，射咗1球同交出1個關鍵傳送，但已經交出1入球1助攻。
麥迪遜（Maddison）
麥迪遜喺近4場比賽交出10個關鍵傳送，表現尚可，希望今場對住阿仙奴（Arsenal）會有好表現啦。
文尼（Mane）
今週文尼原本都係其中一位隊長候選人，但係佢不幸地喺國際賽期間整傷手指。據報，球會證實文尼喺軍醫監督下喺默西賽德嘅一間醫院接受咗手部手術，情況理想，但未知趕唔趕得切喺週末對哈特斯菲爾德嘅賽事中復出。正因為咁，我都唔敢搏，揀文尼做隊長。我仲有諗過賣佢走，換入沙基利（Shaqiri），因為沙拿（Salah）都有輕傷，但都係睇定啲先。夏薩特（Hazard）
夏薩特今季同哥林威爾遜（Wilson）一樣係全英超直接或間接參與入球最多嘅球員，總共有7入球3助攻。夏薩特更加係近4週全英超直接或間接參與入球最多嘅球員，錄得5入球1助攻。佢錄得12次喺禁區內嘅射門次數，係咁多位中場之中最多嘅，只有占美華迪（Jamie Vardy）、哈利卡尼（Harry Kane）同阿古路（Aguero）係比佢多。
前鋒
哥林威爾遜（Wilson）
今週哥林威爾遜都係其中一個隊長候選人，佢今季同夏薩特一樣係全英超直接或間接參與入球最多嘅球員，總共有3入球7助攻。威爾遜近4場交出1入球4助攻，穩定嘅狀態令到我會諗揀唔揀佢做隊長好。依家就睇睇威爾遜今季嘅數據，佢平均每232.3分鐘入1球；平均每174.3分鐘交出1個助攻；平均每63.4分鐘創造1次機會。另一方面，今個星期般尼茅夫嘅對手修咸頓近4場不勝，而佢哋更加係近3場全部輸晒兼0入球，所以無疑般尼茅夫今場係睇高一線。
阿古路（Aguero）- Captain
今週阿古路都係其中一個隊長候選人，會揀阿古路做隊長，好大嘅原因係因為曼城主場，而且今場嘅對手係比較弱嘅般尼。不過，揀阿古路做隊長都唔係話冇隱憂，其中一個原因又係對手般尼，雖然般尼開季真係踢得唔好，但隨住佢哋歐霸外圍賽出局，依家已經喺聯賽榜度升返上嚟，排緊第12位。般尼近排仲錄得兩連勝添。另外，阿古路嘅另一隱憂就係佢嘅出場時間，佢近排有好多場比賽都係踢到大概60分鐘就會被換走，好彩嘅係佢大部份時間都能夠取得入球或者助攻。不過，如果唔好彩，就會好似上場咁，冇入波同助攻，僅得1分。不過，穩陣起見，我都係揀返熱門嘅阿古路做隊長。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/