2018/19: 第13週陣容預告 – 以不變應萬變
上個星期明明個陣容都幾好，冇乜嘢要執，但只係過咗一個星期，所有嘢都變得好快，好多個位都好似要執咁。先講後防，本來早幾個星期至買入嘅班捷文文迪（Benjamin Mendy）係主要用嚟拎曼城（Man City）嘅不失球分數同佢助攻嘅分。不過，由於佢膝傷要開刀做手術，預計都要抖一段時間，亦因為咁，令到本來諗住有佢而可以放走艾達臣（Ederson）嘅計劃要終止。本來後防係諗住要有一個曼城球員同一個韋斯咸（West Ham）球員就唔會變，要變嘅係艾達臣配個韋斯咸後衛定法比安斯基（Fabianski）配個曼城後衛。至於中場方面，我要諗究竟仲應唔應該留住文尼（Mane），利物浦（Liverpool）中場應該要邊個？沙拿（Salah）定沙基利（Shaqiri）？巴克里（Barkley）又係咪回塘，要賣？至於前鋒方面，般尼茅夫（Bournemouth）個賽程咁難打，係咪時候要賣哥林威爾遜（Wilson）？但問題係我只係得1個免費轉會，都做唔到啲咩，咁就等多一個星期睇定啲先，睇下究竟邊個位置係最迫切要換。
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：3-5-2
本週陣容
球隊價值（Squad value）： 102.5M剩餘資金（In the bank）： 1.1M
守門員
艾達臣（Ederson）
曼城今場嘅對手係近4仗僅得1勝嘅韋斯咸，而曼城就係近4仗4戰全勝兼2場零封對手，預計今場曼城贏波同拎到不失球都係意料中事。
後衛
馬高斯阿朗素（Marcos Alonso）
今場車路士（Chelsea）嘅對手係近4場錄得3勝1負嘅熱刺（Spurs）。車路士近4場比賽入面有2場不失球，防守都算唔錯。阿朗素就近4場交出2助攻，上場仲有1球中柱添。阿朗素係至今整個聯賽射門中柱最多嘅球員之一，其餘3位包括有曼城嘅首席射手阿古路（Aguero）。即使車路士未能保持不失球，阿朗素應該都可以喺進攻上帶嚟貢獻。
班納特（Bennett）
雖然狼隊（Wolves）近況勁頹，近4仗1和3負，但係今場佢哋對住暫時英超僅得1勝嘅哈特斯菲爾德（Huddersfield），應該都係時候由谷底反彈。狼隊防守其實唔錯，由開季到依家拎到4場不失球，只係比車路士、利物浦、曼城同熱刺少。如果呢場狼隊呢場都未能保持不失球，咁仲等幾時呢？
羅拔臣（Robertson）
今場利物浦（Liverpool）將會作客屈福特（Watford），屈福特近4場錄得2勝1和1負。雖然呢場看似唔易打，但利物浦貴為英超失球最少嘅球隊之一，對佢哋嘅防守都投下信心嘅一票。羅拔臣上場仲交出1個助攻添，希望佢可以延續佢嘅勇態啦。
中場
李察利臣（Richarlison）- Captain李察利臣近4場交出2入球1助攻，今場對住近4場失8球嘅卡迪夫城（Cardiff），預計入到波嘅機會都大。由於卡迪夫城對上4場場均失2球，加上李察利臣狀態唔錯，同埋愛華頓（Everton）主場出擊，所以今週我會揀佢做隊長。
巴克里（Barkley）
巴克里近4場只係得1場係踢足90分鐘，上場更加只係得可憐嘅8分鐘上陣時間。唔通佢曾幾可時嘅3場比賽3入球3助攻，就只係得3場貨仔？希望佢今場對熱刺，正選又好，後備又好，最緊要一落場就交到表現。
安達臣（Anderson）
雖然安達臣嘅狀態非常之好，近2場入3球，但今週韋斯咸要主場對今季仍然不敗嘅曼城，老實講，我都唔對佢抱有太大期望。只不過如果曼城未能保持不失，咁希望會係安達臣破門啦。
文尼（Mane）
今週利物浦嘅對手係屈福特，屈福特表面上就近2場不勝，但係就近4場只失2球，要攻破佢哋嘅大門一啲都唔容易。文尼近4場有3場食白果，我都替佢有啲擔心，希望佢今場打返場好波，射門準啲啦。佢上場對富咸錄得4次射門，但當中僅得1球中龍。
夏薩特（Hazard）
車路士今週作客熱刺，會係今季第4次對Big 6球隊。今季夏薩特3次對Big 6球隊交出1入球1助攻，表現唔錯。適逢熱刺後防傷兵滿營，查比亞（Trippier）、達雲臣山齊士（Davinson Sanchez）、丹尼路斯（Danny Rose）同華湯根（Vertonghen）全部有傷，希望佢今場能夠作出進攻上嘅貢獻啦。
前鋒
哥林威爾遜（Wilson）
今週般尼茅夫會主場迎戰近10場不敗嘅阿仙奴（Arsenal），呢場將會係一場硬仗。不過，威爾遜又唔係冇入波嘅機會，皆因阿仙奴對上5場比賽都有失波，今季亦只得2場不失球；而威爾遜嘅狀態亦唔錯，近4場交出3個入球。希望佢今場會成功破門啦。
阿古路（Aguero）
曼城今週會作客今季只得1場不失球嘅韋斯咸。雖然阿古路作客嘅表現一向麻麻，但韋斯咸嘅防守亦麻麻。不過，阿古路嘅上陣時間預計都會唔足，所以今週就唔揀佢做隊長喇，但都希望佢入到波。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：3-5-2
本週陣容
球隊價值（Squad value）： 102.5M剩餘資金（In the bank）： 1.1M
守門員
艾達臣（Ederson）
曼城今場嘅對手係近4仗僅得1勝嘅韋斯咸，而曼城就係近4仗4戰全勝兼2場零封對手，預計今場曼城贏波同拎到不失球都係意料中事。
後衛
馬高斯阿朗素（Marcos Alonso）
今場車路士（Chelsea）嘅對手係近4場錄得3勝1負嘅熱刺（Spurs）。車路士近4場比賽入面有2場不失球，防守都算唔錯。阿朗素就近4場交出2助攻，上場仲有1球中柱添。阿朗素係至今整個聯賽射門中柱最多嘅球員之一，其餘3位包括有曼城嘅首席射手阿古路（Aguero）。即使車路士未能保持不失球，阿朗素應該都可以喺進攻上帶嚟貢獻。
班納特（Bennett）
雖然狼隊（Wolves）近況勁頹，近4仗1和3負，但係今場佢哋對住暫時英超僅得1勝嘅哈特斯菲爾德（Huddersfield），應該都係時候由谷底反彈。狼隊防守其實唔錯，由開季到依家拎到4場不失球，只係比車路士、利物浦、曼城同熱刺少。如果呢場狼隊呢場都未能保持不失球，咁仲等幾時呢？
羅拔臣（Robertson）
今場利物浦（Liverpool）將會作客屈福特（Watford），屈福特近4場錄得2勝1和1負。雖然呢場看似唔易打，但利物浦貴為英超失球最少嘅球隊之一，對佢哋嘅防守都投下信心嘅一票。羅拔臣上場仲交出1個助攻添，希望佢可以延續佢嘅勇態啦。
中場
李察利臣（Richarlison）- Captain李察利臣近4場交出2入球1助攻，今場對住近4場失8球嘅卡迪夫城（Cardiff），預計入到波嘅機會都大。由於卡迪夫城對上4場場均失2球，加上李察利臣狀態唔錯，同埋愛華頓（Everton）主場出擊，所以今週我會揀佢做隊長。
巴克里（Barkley）
巴克里近4場只係得1場係踢足90分鐘，上場更加只係得可憐嘅8分鐘上陣時間。唔通佢曾幾可時嘅3場比賽3入球3助攻，就只係得3場貨仔？希望佢今場對熱刺，正選又好，後備又好，最緊要一落場就交到表現。
安達臣（Anderson）
雖然安達臣嘅狀態非常之好，近2場入3球，但今週韋斯咸要主場對今季仍然不敗嘅曼城，老實講，我都唔對佢抱有太大期望。只不過如果曼城未能保持不失，咁希望會係安達臣破門啦。
文尼（Mane）
今週利物浦嘅對手係屈福特，屈福特表面上就近2場不勝，但係就近4場只失2球，要攻破佢哋嘅大門一啲都唔容易。文尼近4場有3場食白果，我都替佢有啲擔心，希望佢今場打返場好波，射門準啲啦。佢上場對富咸錄得4次射門，但當中僅得1球中龍。
夏薩特（Hazard）
車路士今週作客熱刺，會係今季第4次對Big 6球隊。今季夏薩特3次對Big 6球隊交出1入球1助攻，表現唔錯。適逢熱刺後防傷兵滿營，查比亞（Trippier）、達雲臣山齊士（Davinson Sanchez）、丹尼路斯（Danny Rose）同華湯根（Vertonghen）全部有傷，希望佢今場能夠作出進攻上嘅貢獻啦。
前鋒
哥林威爾遜（Wilson）
今週般尼茅夫會主場迎戰近10場不敗嘅阿仙奴（Arsenal），呢場將會係一場硬仗。不過，威爾遜又唔係冇入波嘅機會，皆因阿仙奴對上5場比賽都有失波，今季亦只得2場不失球；而威爾遜嘅狀態亦唔錯，近4場交出3個入球。希望佢今場會成功破門啦。
阿古路（Aguero）
曼城今週會作客今季只得1場不失球嘅韋斯咸。雖然阿古路作客嘅表現一向麻麻，但韋斯咸嘅防守亦麻麻。不過，阿古路嘅上陣時間預計都會唔足，所以今週就唔揀佢做隊長喇，但都希望佢入到波。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/