2018/19: 第15週陣容預告 – 係時候賣阿古路？
踏入十二月份，又係開快車嘅時候，雖然聖誕仲未到，但係今個星期週中英超一樣有比賽，所以大家又要轉下會同執下陣喇。唉，排陣真係多嘢搞，轉完會後先發現，利物浦（Liverpool）嘅文尼（Mane）同羅拔臣（Robertson）都有傷，有可能喺對般尼（Burnley）嘅比賽唔出得。不過，無論如何，我都要等多個星期，靜觀其變先，再睇下佢哋嘅傷勢嚴唔嚴重，至決定賣唔賣佢哋。萬一佢哋兩個都要抖一段時間嘅話，咁我準備要賣嘅球員就會包括佢哋兩個同巴克里（Barkley）。咁依家就睇下今週會點排陣啦。
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：4-4-2本週陣容
球隊價值（Squad value）： 100.4M剩餘資金（In the bank）： 2.8M
轉會
賣出：阿古路（Aguero）
買入：卡尼（Kane）
原因：阿古路傷勢雖然唔算嚴重，但預計哥迪奧拿今場都會繼續收起阿古路。亦因為咁，今週就變成一個最佳時間賣走阿古路，轉而買入卡尼。曼城（Man City）嚟緊嘅賽程雖然唔係話好難踢，但係就一定唔係易踢，同埋冇開季咁易踢。加上快車檔期，哥迪奧拿應該會更加頻密輪換阿古路，俾多啲出場機會俾耶穌（Jesus）。另一方面，熱刺（Spurs）嘅賽程變得非常好踢，未來7場比賽都唔洗對Big 6球隊，而直到第27週嘅比賽，都只係得第22週需要對Big 6球隊之一嘅曼聯（Man Utd）。所以依家就係最好嘅時機買入卡尼。
守門員
法比安斯基（Fabianski）
今場韋斯咸（West Ham）會主場出擊對上週贏咗狼隊（Wolves）嘅卡迪夫城（Cardiff），同上場一樣，韋斯咸嘅對手都係近況回勇，卡迪夫城近4場贏咗2場。上場韋斯咸先以3比0擊敗對上4場聯賽錄得3勝1和嘅紐卡素（Newcastle），所以今場我並唔擔心韋斯咸嘅防守。
後衛
阿歷山大阿諾（Alexander-Arnold）
今場利物浦將會作客般尼，般尼近6場僅入3球，係咁多隊英超當中最少嘅。作為英超失球最少嘅利物浦，如無意外應該都唔會有失波嘅。
雲比沙卡（Wan-Bissaka）
水晶宮（Crystal Palace）已經連續2場不失球，防守非常好。預計今場作客白禮頓（Brighton）應該都可以唔失波。
羅拔臣（Robertson）
雖然據報羅拔臣有傷，咁就好大機會會俾高普喺對般尼嘅賽事中將佢輪換，俾佢休息一下，但係如果佢有落場嘅話，佢就有更大嘅機會拎到不失球分數。希望佢今場有得出場啦。
馬高斯阿朗素（Marcos Alonso）
今場車路士（Chelsea）嘅對手係近6場不勝嘅狼隊（Wolves），而車路士就喺呢6場比賽入面，有3場保持不失球。隨住對手陷入低潮期，車路士應該都可以做到0失球嘅。
中場
李察利臣（Richarlison）
雖然李察利臣近況低迷，已經連續3場冇入波同冇助攻。今場愛華頓（Everton）會主場迎戰紐卡素，紐卡素上場先慘敗俾韋斯咸3比0，希望李察利臣都入到波啦。安達臣（Anderson）
呢排最弗嘅中場，非安達臣莫屬，佢近4場入4球，狀態火熱。對住近4場都有失波嘅卡迪夫城，安達臣要入波都應該冇乜難度。
文尼（Mane）
據報文尼腳部受傷，咁就好大機會會俾高普喺對般尼嘅賽事中將佢輪換，同羅拔臣嘅處境一樣。我唯有希望文尼冇乜大礙，可以落場啦，因為般尼都係比較弱，暫時排喺聯賽榜嘅尾二。如果文尼有得上陣，咁佢就好大機會喺進攻上帶嚟貢獻。但係喺教練嘅角度嚟講，喺快車檔期對弱旅，就係輪換嘅最佳時機，俾一班主力抖抖。
夏薩特（Hazard）
今週車路士嘅對手—狼隊，近4場失咗8球，防守唔係幾好。雖然夏薩特近4場只係交出咗2個助攻，但對面防守咁弱，呢個係夏薩特重拾射門鞋嘅好時機，希望今場夏薩特可以入到波。
前鋒
威爾遜（Wilson）
雖然般尼茅夫（Bournemouth）近4場全敗，但係威爾遜嘅表現並冇受影響，佢對住曼市雙雄都一樣入到波。今週般尼茅夫嘅對手只係聯賽榜排第17位嘅哈特斯菲爾德（Huddersfield），都係般尼茅夫反彈嘅好時機，亦都係威爾遜入波嘅機會。
卡尼（Kane）- Captain今週熱刺將會主場迎戰修咸頓（Southampton），修咸頓近10場不勝，兼近4場失12球，近況係咁多隊當中最差。而卡尼就咁啱調返轉，狀態大勇，佢近4場交出3入球1助攻，表現非常好，所以今場都揀佢做隊長。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：4-4-2本週陣容
球隊價值（Squad value）： 100.4M剩餘資金（In the bank）： 2.8M
轉會
賣出：阿古路（Aguero）
買入：卡尼（Kane）
原因：阿古路傷勢雖然唔算嚴重，但預計哥迪奧拿今場都會繼續收起阿古路。亦因為咁，今週就變成一個最佳時間賣走阿古路，轉而買入卡尼。曼城（Man City）嚟緊嘅賽程雖然唔係話好難踢，但係就一定唔係易踢，同埋冇開季咁易踢。加上快車檔期，哥迪奧拿應該會更加頻密輪換阿古路，俾多啲出場機會俾耶穌（Jesus）。另一方面，熱刺（Spurs）嘅賽程變得非常好踢，未來7場比賽都唔洗對Big 6球隊，而直到第27週嘅比賽，都只係得第22週需要對Big 6球隊之一嘅曼聯（Man Utd）。所以依家就係最好嘅時機買入卡尼。
守門員
法比安斯基（Fabianski）
今場韋斯咸（West Ham）會主場出擊對上週贏咗狼隊（Wolves）嘅卡迪夫城（Cardiff），同上場一樣，韋斯咸嘅對手都係近況回勇，卡迪夫城近4場贏咗2場。上場韋斯咸先以3比0擊敗對上4場聯賽錄得3勝1和嘅紐卡素（Newcastle），所以今場我並唔擔心韋斯咸嘅防守。
後衛
阿歷山大阿諾（Alexander-Arnold）
今場利物浦將會作客般尼，般尼近6場僅入3球，係咁多隊英超當中最少嘅。作為英超失球最少嘅利物浦，如無意外應該都唔會有失波嘅。
雲比沙卡（Wan-Bissaka）
水晶宮（Crystal Palace）已經連續2場不失球，防守非常好。預計今場作客白禮頓（Brighton）應該都可以唔失波。
羅拔臣（Robertson）
雖然據報羅拔臣有傷，咁就好大機會會俾高普喺對般尼嘅賽事中將佢輪換，俾佢休息一下，但係如果佢有落場嘅話，佢就有更大嘅機會拎到不失球分數。希望佢今場有得出場啦。
馬高斯阿朗素（Marcos Alonso）
今場車路士（Chelsea）嘅對手係近6場不勝嘅狼隊（Wolves），而車路士就喺呢6場比賽入面，有3場保持不失球。隨住對手陷入低潮期，車路士應該都可以做到0失球嘅。
中場
李察利臣（Richarlison）
雖然李察利臣近況低迷，已經連續3場冇入波同冇助攻。今場愛華頓（Everton）會主場迎戰紐卡素，紐卡素上場先慘敗俾韋斯咸3比0，希望李察利臣都入到波啦。安達臣（Anderson）
呢排最弗嘅中場，非安達臣莫屬，佢近4場入4球，狀態火熱。對住近4場都有失波嘅卡迪夫城，安達臣要入波都應該冇乜難度。
文尼（Mane）
據報文尼腳部受傷，咁就好大機會會俾高普喺對般尼嘅賽事中將佢輪換，同羅拔臣嘅處境一樣。我唯有希望文尼冇乜大礙，可以落場啦，因為般尼都係比較弱，暫時排喺聯賽榜嘅尾二。如果文尼有得上陣，咁佢就好大機會喺進攻上帶嚟貢獻。但係喺教練嘅角度嚟講，喺快車檔期對弱旅，就係輪換嘅最佳時機，俾一班主力抖抖。
夏薩特（Hazard）
今週車路士嘅對手—狼隊，近4場失咗8球，防守唔係幾好。雖然夏薩特近4場只係交出咗2個助攻，但對面防守咁弱，呢個係夏薩特重拾射門鞋嘅好時機，希望今場夏薩特可以入到波。
前鋒
威爾遜（Wilson）
雖然般尼茅夫（Bournemouth）近4場全敗，但係威爾遜嘅表現並冇受影響，佢對住曼市雙雄都一樣入到波。今週般尼茅夫嘅對手只係聯賽榜排第17位嘅哈特斯菲爾德（Huddersfield），都係般尼茅夫反彈嘅好時機，亦都係威爾遜入波嘅機會。
卡尼（Kane）- Captain今週熱刺將會主場迎戰修咸頓（Southampton），修咸頓近10場不勝，兼近4場失12球，近況係咁多隊當中最差。而卡尼就咁啱調返轉，狀態大勇，佢近4場交出3入球1助攻，表現非常好，所以今場都揀佢做隊長。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/