2018/19: 第19週陣容預告 – 拆禮物日，最怕輪換
聖誕快車開始喇，又係時候諗諗拆禮物日點排個陣喇。雖然今週阿歷山大阿諾（Alexander-Arnold）仍然有傷，但係陣中嘅4名後衛嘅賽程都唔錯，令我買後衛嘅計劃又要擱置，費事買咗個後衛返嚟又擺喺度唔用咁浪費，此其一。轉會唔係咁迫切，陣間買返嚟又傷埋又頭痕，咁不如睇多個星期先再諗點轉會好。我都仲十五十六緊買愛華頓（Everton）嘅迪治尼（Digne）好定阿仙奴（Arsenal）嘅哥拉辛拿斯（Kolasinac）好。至於前鋒，有鑑於般尼茅夫（Bournemouth）跟住落嚟嘅賽程都變得相當難打，我都諗緊用邊個前鋒換威爾遜（Wilson）好，候選名單有狼隊（Wolves）嘅占美尼斯（Jimenez）、修咸頓（Southampton）嘅艾格斯（Ings）同曼聯（Man Utd）嘅拉舒福特（Rashford）。不過，雖然狼隊同修咸頓之後嘅賽程都非常好，但佢哋喺未來4週都分別要對Big 6球隊。而曼聯就因為啱啱先換領隊，所以都要花啲時間睇下新帥蘇斯克查嘅正選11人係咩陣容同埋睇真啲曼聯嘅狀態係咪真係反彈。咁啱嘅係今個星期陣中嘅5名中場嘅賽程都唔差，令我只要收起威爾遜就好輕易能夠揀出正選嘅中前場，咁但依家就睇睇我今週會點排陣啦。
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：4-5-1
本週陣容
球隊價值（Squad value）： 103.5M剩餘資金（In the bank）： 0.3M
轉會
賣出：賓希姆（Ben Hamer）
買入：畢頓（Button）
原因：由於今週我有2個免費轉會（Free Transfer），但上文都講得好清楚我個陣點解唔洗買賣球員住，但為咗唔好浪費個免費轉會，因為最多只可以儲2個免費轉會，所以先作出呢個轉會。有鑑於白禮頓（Brighton）嘅守門員賴恩（Ryan）好大機會會喺1月嘅時候代表澳洲出戰亞洲盃，所以就入定1個有機會因此而獲得上陣機會價值4.0M嘅後備龍門。
守門員
法比安斯基（Fabianski）
今場韋斯咸（West Ham）會作客近期錄得2連勝嘅修咸頓（Southampton），雖然韋斯咸上場輸咗俾屈福特（Watford），但係佢哋近4場贏咗3場，希望法比安斯基能夠幫助球隊保持清白之身啦。
後衛
雲比沙卡（Wan-Bissaka）
今場水晶宮（Crystal Palace）將會主場出擊依家排喺聯賽榜第17位嘅卡迪夫城（Cardiff），卡迪夫城近4場輸咗3場，兼目上輪慘敗俾曼聯1比5，而水晶宮就啱啱相反，佢哋上場先爆冷擊敗曼城（Man City）。希望今場水晶宮能夠延續上場嘅氣勢啦。
賓納特（Bennett）
狼隊今週將會作客榜尾嘅富咸（Fulham），富咸已經連續5場不勝，兼近4場僅入2球。雖然狼隊上場輸咗俾榜首嘅利物浦（Liverpool），但都係非戰之罪，始終兩隊嘅距離係有差距，而佢哋近4場其實贏咗3場，氣勢唔錯。希望今場佢哋對住攻力疲弱嘅富咸可以唔失波啦。
羅拔臣（Robertson）
今季仍然未嘗一敗嘅利物浦（Liverpool），相信佢哋對住每一隊都冇問題，更何況今場嘅對手只係近4場僅得1勝嘅紐卡素（Newcastle）。紐卡素近4場只係入咗3球，攻力並唔強，而利物浦全季只失7球，更加錄得11場聯賽不失球，相信今場佢哋唔失波嘅機會都好大。
馬高斯阿朗素（Marcos Alonso）
車路士（Chelsea）今場將會作客錄得2連勝嘅屈福特，車路士嘅近況認真麻麻，佢哋全季先輸得3場比賽，但係佢哋近4場已經輸咗2場。阿朗素亦狀態低迷，已經連續7場冇喺進攻上作出貢獻，雖然上場對李斯特城（Leicester），佢有一個大好機會，可惜中柱唔入。希望今場佢能夠助車路士保持清白之身同埋能夠帶嚟進攻上嘅貢獻。
中場
李察利臣（Richarlison）
今場愛華頓將會作客依家排聯賽尾三嘅般尼（Burnley），雖然愛華頓近4場只係得2和2負，但般尼都唔係好得好多，佢哋近4場都只係得1勝3負，仲失咗7球添。今個星期仲唔係愛華頓反彈嘅好機會？李察利臣近排嘅狀態都唔錯，近4場入2球並交出1個助攻，而且佢近4場比賽入面喺禁區嘅射門次數達11次，冠絕英超。
夏薩特（Hazard）
雖然夏薩特上場對李斯特城入唔到波，有一球好唔好彩咁射中楣，但佢嘅近況不俗，近4場交出1入球4助攻。而佢今季嘅助攻數已經累積達到9次，係全英超最多。車路士今場會作客屈福特，而屈福特今季對上4次對住Big 6球隊就失咗9球，預計夏薩特都會入到波或者交到助攻。
安達臣（Anderson）
安達臣近4場交出1入球2助攻，狀態唔錯。今場韋斯咸嘅對手修咸頓，係聯賽失波第4多嘅球隊，失咗33球。而修咸頓近4場亦失咗7球，希望安達臣今場能夠帶嚟進攻上嘅回報啦。
辛尼（Sane）
曼城今場主場對上場擊敗嘅車路士嘅李斯特城，雖然李斯特城近4場只係錄得1勝1和2負，但論近況，曼城都唔係好得去邊，佢哋近4場已經輸咗2場。呢場對曼城嚟講真係不容有失，如果唔係就會進一步俾利物浦喺聯賽拉開。戰意，曼城就有喇；狀態，辛尼都有，佢近4場交出1入球2助攻，表現唔錯，上場亦有一球罰球直射中柱彈出。希望佢今場冇咁黑仔，會入到波啦。孫興民（Son）- Captain
熱刺（Spurs）今場會主場迎戰般尼茅夫，般尼茅夫近4場錄得2勝2負，但熱刺就錄得聯賽4連勝，兼且上輪聯賽大炒愛華頓6比2，氣勢如虹。更重要嘅係，今季般尼茅夫5對Big 6球隊，全部落敗，所以今場熱刺係被睇高一線。而熱刺近4場入咗12球，而當中就有3分之1係孫興民入嘅，即係有4球，包括上場對愛華頓梅開二度。更可怕嘅數據係，孫興民近4場交出4入球3助攻，即係話有一半嘅熱刺入波都係關佢事，你話誇唔誇張？佢由第11週開始，只要佢係正選落場，佢就必定可以入到波或者交到助攻，因為上場佢踢咗78分鐘就被換出，所以我估佢今場會擔正，所以都大膽揀佢做隊長，搏一搏。
前鋒
卡尼（Kane）
卡尼嘅狀態同孫興民都好類近，同樣都係由第11週開始，只要佢係正選落場，就必定可以入到波或者交到助攻。而且佢近4場交出3入球3助攻，即係話熱刺有一半嘅入波，佢都有份，狀態係幾咁火熱。希望佢今場會同孫興民一齊擔正打正選啦。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：4-5-1
本週陣容
球隊價值（Squad value）： 103.5M剩餘資金（In the bank）： 0.3M
轉會
賣出：賓希姆（Ben Hamer）
買入：畢頓（Button）
原因：由於今週我有2個免費轉會（Free Transfer），但上文都講得好清楚我個陣點解唔洗買賣球員住，但為咗唔好浪費個免費轉會，因為最多只可以儲2個免費轉會，所以先作出呢個轉會。有鑑於白禮頓（Brighton）嘅守門員賴恩（Ryan）好大機會會喺1月嘅時候代表澳洲出戰亞洲盃，所以就入定1個有機會因此而獲得上陣機會價值4.0M嘅後備龍門。
守門員
法比安斯基（Fabianski）
今場韋斯咸（West Ham）會作客近期錄得2連勝嘅修咸頓（Southampton），雖然韋斯咸上場輸咗俾屈福特（Watford），但係佢哋近4場贏咗3場，希望法比安斯基能夠幫助球隊保持清白之身啦。
後衛
雲比沙卡（Wan-Bissaka）
今場水晶宮（Crystal Palace）將會主場出擊依家排喺聯賽榜第17位嘅卡迪夫城（Cardiff），卡迪夫城近4場輸咗3場，兼目上輪慘敗俾曼聯1比5，而水晶宮就啱啱相反，佢哋上場先爆冷擊敗曼城（Man City）。希望今場水晶宮能夠延續上場嘅氣勢啦。
賓納特（Bennett）
狼隊今週將會作客榜尾嘅富咸（Fulham），富咸已經連續5場不勝，兼近4場僅入2球。雖然狼隊上場輸咗俾榜首嘅利物浦（Liverpool），但都係非戰之罪，始終兩隊嘅距離係有差距，而佢哋近4場其實贏咗3場，氣勢唔錯。希望今場佢哋對住攻力疲弱嘅富咸可以唔失波啦。
羅拔臣（Robertson）
今季仍然未嘗一敗嘅利物浦（Liverpool），相信佢哋對住每一隊都冇問題，更何況今場嘅對手只係近4場僅得1勝嘅紐卡素（Newcastle）。紐卡素近4場只係入咗3球，攻力並唔強，而利物浦全季只失7球，更加錄得11場聯賽不失球，相信今場佢哋唔失波嘅機會都好大。
馬高斯阿朗素（Marcos Alonso）
車路士（Chelsea）今場將會作客錄得2連勝嘅屈福特，車路士嘅近況認真麻麻，佢哋全季先輸得3場比賽，但係佢哋近4場已經輸咗2場。阿朗素亦狀態低迷，已經連續7場冇喺進攻上作出貢獻，雖然上場對李斯特城（Leicester），佢有一個大好機會，可惜中柱唔入。希望今場佢能夠助車路士保持清白之身同埋能夠帶嚟進攻上嘅貢獻。
中場
李察利臣（Richarlison）
今場愛華頓將會作客依家排聯賽尾三嘅般尼（Burnley），雖然愛華頓近4場只係得2和2負，但般尼都唔係好得好多，佢哋近4場都只係得1勝3負，仲失咗7球添。今個星期仲唔係愛華頓反彈嘅好機會？李察利臣近排嘅狀態都唔錯，近4場入2球並交出1個助攻，而且佢近4場比賽入面喺禁區嘅射門次數達11次，冠絕英超。
夏薩特（Hazard）
雖然夏薩特上場對李斯特城入唔到波，有一球好唔好彩咁射中楣，但佢嘅近況不俗，近4場交出1入球4助攻。而佢今季嘅助攻數已經累積達到9次，係全英超最多。車路士今場會作客屈福特，而屈福特今季對上4次對住Big 6球隊就失咗9球，預計夏薩特都會入到波或者交到助攻。
安達臣（Anderson）
安達臣近4場交出1入球2助攻，狀態唔錯。今場韋斯咸嘅對手修咸頓，係聯賽失波第4多嘅球隊，失咗33球。而修咸頓近4場亦失咗7球，希望安達臣今場能夠帶嚟進攻上嘅回報啦。
辛尼（Sane）
曼城今場主場對上場擊敗嘅車路士嘅李斯特城，雖然李斯特城近4場只係錄得1勝1和2負，但論近況，曼城都唔係好得去邊，佢哋近4場已經輸咗2場。呢場對曼城嚟講真係不容有失，如果唔係就會進一步俾利物浦喺聯賽拉開。戰意，曼城就有喇；狀態，辛尼都有，佢近4場交出1入球2助攻，表現唔錯，上場亦有一球罰球直射中柱彈出。希望佢今場冇咁黑仔，會入到波啦。孫興民（Son）- Captain
熱刺（Spurs）今場會主場迎戰般尼茅夫，般尼茅夫近4場錄得2勝2負，但熱刺就錄得聯賽4連勝，兼且上輪聯賽大炒愛華頓6比2，氣勢如虹。更重要嘅係，今季般尼茅夫5對Big 6球隊，全部落敗，所以今場熱刺係被睇高一線。而熱刺近4場入咗12球，而當中就有3分之1係孫興民入嘅，即係有4球，包括上場對愛華頓梅開二度。更可怕嘅數據係，孫興民近4場交出4入球3助攻，即係話有一半嘅熱刺入波都係關佢事，你話誇唔誇張？佢由第11週開始，只要佢係正選落場，佢就必定可以入到波或者交到助攻，因為上場佢踢咗78分鐘就被換出，所以我估佢今場會擔正，所以都大膽揀佢做隊長，搏一搏。
前鋒
卡尼（Kane）
卡尼嘅狀態同孫興民都好類近，同樣都係由第11週開始，只要佢係正選落場，就必定可以入到波或者交到助攻。而且佢近4場交出3入球3助攻，即係話熱刺有一半嘅入波，佢都有份，狀態係幾咁火熱。希望佢今場會同孫興民一齊擔正打正選啦。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/