2018/19: 第20週陣容預告 – 適時放棄
聖誕快車繼續行進，未到新年都唔會停落嚟。今個星期嘅焦點賽事一定係利物浦（Liverpool）對阿仙奴（Arsenal），即管就睇下過咗半季都未輸過嘅利物浦係咪繼續可以傲視群雄，筆者應該都會睇呢場比賽，同埋都睇好今場利物浦可以贏到阿仙奴。我哋就即管睇下係唔係啦，希望唔好俾我燈到啦。咁依家就睇睇我今週會點排陣啦。
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：3-5-2
本週陣容
球隊價值（Squad value）： 101.7M剩餘資金（In the bank）： 1.8M
轉會
賣出：馬高斯阿朗素（Marcos Alonso）
買入：迪治尼（Digne）
原因：呢個係一個好沉重嘅決定，所以都係冇幾耐之前先確定賣走阿朗素嘅，已經等到佢個價跌到落去6.8M先至決定。咁我就講下係咩原因令到我唔捨得賣走佢，又係咩原因令到我要放棄佢。唔捨得佢嘅原因係佢係今季英超射中柱最多嘅球員，亦即係話佢如果好運少少就已經係入多5球，作為一名後衛，呢個數據其實都幾恐怖。同埋佢近幾場都已經試過唔止一次中柱，令到我有種感覺就係下次就一定入嫁喇。另外，佢依然係最多玩家擁有嘅球員，總共有42.1%嘅玩家有買阿朗素，亦即係意味住阿朗素一拎到高分，我就會俾接近一半嘅玩家拉開個分數。而且今週車路士（Chelsea）只係對住水晶宮（Crystal Palace），佢都好大機會拎到高分，同埋車路士未來3場嘅賽事都幾好踢下。咁點解都仲要放棄佢呢？我已經等佢有入波或者助攻，等咗8場，但佢完全交唔到貨，對唔住佢嘅高價。同埋車路士打完曼城（Man City）之後嘅賽程明明幾易踢，期望車路士係能夠保持清白之身，但結果呢？佢哋連續3場都失1球，真係激死人。另外，我仲睇到篇報導話車路士領隊沙利不滿阿朗素近排狀態低迷，有機會貶佢做後備。用6.8M留一個打後備嘅後衛？不了。依家阿朗素嘅處境猶如雞肋，食之無味，棄之可惜。咁放棄阿朗素，我就轉向愛華頓（Everton）嘅迪治尼，簡單嚟講，點解買佢呢？我當佢係平價阿朗素咁看待。首先，愛華頓未來7場都唔洗對Big 6球隊，大大增加咗佢哋保持不失嘅機會。而今週愛華頓嘅對手係白禮頓（Brighton），白禮頓近4場不勝，更加只係入得2球。對住咁嘅球隊，仲唔係時候拎到不失球分？另外，迪治尼近排嘅狀態好好，上場先拎到17分，佢近4場交出3入球1助攻，猶如季初嘅阿朗素。仲要當中有2球罰球直射入網，英超從此又多一個司職後衛嘅罰球專家喇。買迪治尼嘅其中一個原因就係就算愛華頓有失波，佢都仲有得分嘅能力。
守門員
法比安斯基（Fabianski）
今場韋斯咸（West Ham）會作客近期頹到爆炸嘅般尼（Burnley），般尼依家聯賽3連敗，而且近4場只係入咗3球，呢個係韋斯咸保持不失球嘅絕佳機會。
後衛
阿歷山大阿諾（Alexander-Arnold） & 羅拔臣（Robertson）
今場利物浦會主場迎戰阿仙奴，今季仍然未嘗一敗嘅利物浦將為保佢哋嘅金漆招牌，定必奪力迎擊。雖然利物浦全季只失7球，更加錄得12場聯賽不失球，但對手始終係Big 6之一，而且近4場僅得1敗，所以放2個利物浦後衛都係好高風險，今場都係搏一搏。一個係今季最高分嘅後衛，而另一個就係性價比最高嘅後衛，試問又點賣得落手呢？咁唯有2個同時上陣。
迪治尼（Digne）
上面嘅轉會原因都交代得好詳細，所以都唔再重複多講喇。
中場
李察利臣（Richarlison）
今場愛華頓將會作客近4場錄得1和3負嘅白禮頓，白禮頓近4場失6球，雖然愛華頓近4場都只係得1勝1和2負，但佢哋近4場入咗10球，上場對般尼（Burnley）更加係入咗5球，今場絕對有機會攻破白禮頓嘅大門。而李察利臣近排嘅狀態都唔錯，近4場入2球並交出1個助攻。夏薩特（Hazard）
今場車路士要作客近4場僅輸1場嘅水晶宮，呢場絕對唔係好似想像中咁易打嫁，強如曼城（Man City）都要輸俾水晶宮就略知一二啦。不過，夏薩特近排都狀態火熱，近4場交出3入球3助攻，而車路士近4場亦只係入咗6球，亦即係車路士食粥食飯都係睇夏薩特。
安達臣（Anderson）
安達臣近4場交出3入球2助攻，狀態好好。今場韋斯咸嘅對手般尼，係聯賽失波第2多嘅球隊，失咗41球。而般尼近4場亦失咗9球，上場更加失咗5球，而安達臣就上場先起孖，希望今場佢繼續有波入啦。
辛尼（Sane）
曼城今場要作客對修咸頓（Southampton），修咸頓嘅近況仲要比曼城好，修咸頓近4場錄得2勝2負，而曼城近4場只係錄得1勝3負，仲要係連輸2場，再輸就真係世界變。辛尼近4場交出2個助攻，希望佢今場有好表現，幫助曼城重回勝軌啦。
孫興民（Son）- Captain
熱刺（Spurs）今場會主場迎戰狼隊（Wolves），狼隊近4場錄得2勝1和1負，而熱刺就錄得聯賽5連勝。熱刺近2輪聯賽更加係大炒對手添，狂轟11球，而當中有超過一半都同孫興民有關，因為佢呢2場入咗4球兼交出2個助攻，表現驚入。佢近4場更加係入咗5球同交出3個助攻，喺FPL帶嚟49分，係呢4個星期最高得分嘅球員。試問佢狀態咁好，又點能夠唔揀佢做隊長呢？順手提一提大家，孫興民打完第22週對曼聯（Man Utd）嘅比賽之後就要代表南韓國家隊參加亞洲盃，趁有得用佢就好用喇。
前鋒
威爾遜（Wilson）
今場般尼茅夫（Bournemouth）要作客曼聯，般尼茅夫近4場只得1勝3負，而換咗領隊嘅曼聯真係成隊唔同晒，聯賽2連勝兼狂轟8球。般尼茅夫會係俾人睇低嘅一隊，咁又點？冇理由出要對車路士嘅雲比沙卡（Wan-Bissaka）同要對熱刺嘅賓納特（Bennett）嫁？真係扣分都俾人扣死。同埋唔好唔記得今季聯賽兩隊已經碰過頭，雖然當時般尼茅夫輸波，但威爾遜對曼聯依然攻入1球，希望威爾遜能夠再一次射破曼聯嘅大門啦。
卡尼（Kane）
卡尼嘅狀態同孫興民都好類近，同樣都係由第11週開始，只要佢係正選落場，就必定可以入到波或者交到助攻，當中就入咗7球同交出4個助攻，而且佢近4場交出3入球2助攻，狀態好好。希望佢今場會同孫興民一齊擔正打正選啦。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：3-5-2
本週陣容
球隊價值（Squad value）： 101.7M剩餘資金（In the bank）： 1.8M
轉會
賣出：馬高斯阿朗素（Marcos Alonso）
買入：迪治尼（Digne）
原因：呢個係一個好沉重嘅決定，所以都係冇幾耐之前先確定賣走阿朗素嘅，已經等到佢個價跌到落去6.8M先至決定。咁我就講下係咩原因令到我唔捨得賣走佢，又係咩原因令到我要放棄佢。唔捨得佢嘅原因係佢係今季英超射中柱最多嘅球員，亦即係話佢如果好運少少就已經係入多5球，作為一名後衛，呢個數據其實都幾恐怖。同埋佢近幾場都已經試過唔止一次中柱，令到我有種感覺就係下次就一定入嫁喇。另外，佢依然係最多玩家擁有嘅球員，總共有42.1%嘅玩家有買阿朗素，亦即係意味住阿朗素一拎到高分，我就會俾接近一半嘅玩家拉開個分數。而且今週車路士（Chelsea）只係對住水晶宮（Crystal Palace），佢都好大機會拎到高分，同埋車路士未來3場嘅賽事都幾好踢下。咁點解都仲要放棄佢呢？我已經等佢有入波或者助攻，等咗8場，但佢完全交唔到貨，對唔住佢嘅高價。同埋車路士打完曼城（Man City）之後嘅賽程明明幾易踢，期望車路士係能夠保持清白之身，但結果呢？佢哋連續3場都失1球，真係激死人。另外，我仲睇到篇報導話車路士領隊沙利不滿阿朗素近排狀態低迷，有機會貶佢做後備。用6.8M留一個打後備嘅後衛？不了。依家阿朗素嘅處境猶如雞肋，食之無味，棄之可惜。咁放棄阿朗素，我就轉向愛華頓（Everton）嘅迪治尼，簡單嚟講，點解買佢呢？我當佢係平價阿朗素咁看待。首先，愛華頓未來7場都唔洗對Big 6球隊，大大增加咗佢哋保持不失嘅機會。而今週愛華頓嘅對手係白禮頓（Brighton），白禮頓近4場不勝，更加只係入得2球。對住咁嘅球隊，仲唔係時候拎到不失球分？另外，迪治尼近排嘅狀態好好，上場先拎到17分，佢近4場交出3入球1助攻，猶如季初嘅阿朗素。仲要當中有2球罰球直射入網，英超從此又多一個司職後衛嘅罰球專家喇。買迪治尼嘅其中一個原因就係就算愛華頓有失波，佢都仲有得分嘅能力。
守門員
法比安斯基（Fabianski）
今場韋斯咸（West Ham）會作客近期頹到爆炸嘅般尼（Burnley），般尼依家聯賽3連敗，而且近4場只係入咗3球，呢個係韋斯咸保持不失球嘅絕佳機會。
後衛
阿歷山大阿諾（Alexander-Arnold） & 羅拔臣（Robertson）
今場利物浦會主場迎戰阿仙奴，今季仍然未嘗一敗嘅利物浦將為保佢哋嘅金漆招牌，定必奪力迎擊。雖然利物浦全季只失7球，更加錄得12場聯賽不失球，但對手始終係Big 6之一，而且近4場僅得1敗，所以放2個利物浦後衛都係好高風險，今場都係搏一搏。一個係今季最高分嘅後衛，而另一個就係性價比最高嘅後衛，試問又點賣得落手呢？咁唯有2個同時上陣。
迪治尼（Digne）
上面嘅轉會原因都交代得好詳細，所以都唔再重複多講喇。
中場
李察利臣（Richarlison）
今場愛華頓將會作客近4場錄得1和3負嘅白禮頓，白禮頓近4場失6球，雖然愛華頓近4場都只係得1勝1和2負，但佢哋近4場入咗10球，上場對般尼（Burnley）更加係入咗5球，今場絕對有機會攻破白禮頓嘅大門。而李察利臣近排嘅狀態都唔錯，近4場入2球並交出1個助攻。夏薩特（Hazard）
今場車路士要作客近4場僅輸1場嘅水晶宮，呢場絕對唔係好似想像中咁易打嫁，強如曼城（Man City）都要輸俾水晶宮就略知一二啦。不過，夏薩特近排都狀態火熱，近4場交出3入球3助攻，而車路士近4場亦只係入咗6球，亦即係車路士食粥食飯都係睇夏薩特。
安達臣（Anderson）
安達臣近4場交出3入球2助攻，狀態好好。今場韋斯咸嘅對手般尼，係聯賽失波第2多嘅球隊，失咗41球。而般尼近4場亦失咗9球，上場更加失咗5球，而安達臣就上場先起孖，希望今場佢繼續有波入啦。
辛尼（Sane）
曼城今場要作客對修咸頓（Southampton），修咸頓嘅近況仲要比曼城好，修咸頓近4場錄得2勝2負，而曼城近4場只係錄得1勝3負，仲要係連輸2場，再輸就真係世界變。辛尼近4場交出2個助攻，希望佢今場有好表現，幫助曼城重回勝軌啦。
孫興民（Son）- Captain
熱刺（Spurs）今場會主場迎戰狼隊（Wolves），狼隊近4場錄得2勝1和1負，而熱刺就錄得聯賽5連勝。熱刺近2輪聯賽更加係大炒對手添，狂轟11球，而當中有超過一半都同孫興民有關，因為佢呢2場入咗4球兼交出2個助攻，表現驚入。佢近4場更加係入咗5球同交出3個助攻，喺FPL帶嚟49分，係呢4個星期最高得分嘅球員。試問佢狀態咁好，又點能夠唔揀佢做隊長呢？順手提一提大家，孫興民打完第22週對曼聯（Man Utd）嘅比賽之後就要代表南韓國家隊參加亞洲盃，趁有得用佢就好用喇。
前鋒
威爾遜（Wilson）
今場般尼茅夫（Bournemouth）要作客曼聯，般尼茅夫近4場只得1勝3負，而換咗領隊嘅曼聯真係成隊唔同晒，聯賽2連勝兼狂轟8球。般尼茅夫會係俾人睇低嘅一隊，咁又點？冇理由出要對車路士嘅雲比沙卡（Wan-Bissaka）同要對熱刺嘅賓納特（Bennett）嫁？真係扣分都俾人扣死。同埋唔好唔記得今季聯賽兩隊已經碰過頭，雖然當時般尼茅夫輸波，但威爾遜對曼聯依然攻入1球，希望威爾遜能夠再一次射破曼聯嘅大門啦。
卡尼（Kane）
卡尼嘅狀態同孫興民都好類近，同樣都係由第11週開始，只要佢係正選落場，就必定可以入到波或者交到助攻，當中就入咗7球同交出4個助攻，而且佢近4場交出3入球2助攻，狀態好好。希望佢今場會同孫興民一齊擔正打正選啦。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/