2018/19: 第29週陣容預告 – 點排好？揀邊個做隊長好？
今個星期遇到排陣同揀隊長嘅難題，點算好？首先，放後備嘅一定係屈福特（Watford）嘅瑟薩斯（Success）同愛華頓（Everton）嘅李察利臣（Richarlison），咁淨低又應該放邊個喺後備席好呢？今場諗住繼續押重落狼隊（Wolves）同埋利物浦（Liverpool），咁即係話淨低一個正選位係李斯特城（Leicester）嘅彭利拿（Pereira）同新買入嘅紐卡素（Newcastle）後衛舒哈（Schar）之爭。點揀好呢？另外，到揀隊長喇，今個星期都冇乜邊個係一見到揀佢就冇死嘅選擇，好多都係差唔多。今次隊長嘅潛在人選包括阿古路（Aguero）、夏薩特（Hazard）、普巴（Pogba）同占美利斯（Jimenez）。咁我就用排除法逐個逐個篩，第一個篩走嘅竟然係阿古路，原因係今場曼城（Man City）要作客，而對手係般尼茅夫（Bournemouth），都唔係話好弱。不過，阿古路今季10次正選參與曼城作客嘅比賽，佢只係得5場入到波或者交到助攻。由此可見，阿古路一作客就威力減半。跟住要篩走嘅係占美利斯，雖然狼隊（Wolves）只係對卡迪夫城（Cardiff），但係狼隊嘅狀態突然回落，上輪聯賽對住榜尾嘅哈特斯菲爾德（Huddersfield）唔單止入唔到波，仲輸埋波添。咁淨返就係夏薩特同普巴之爭，先講普巴，普巴喺蘇斯克查嘅帶領之下，表現真係好穩定，11場賽事中就有9場有入波或者助攻。不過，佢哋今場嘅對手修咸頓（Southampton）近期回勇，而且失波又唔算多，所以搞到唔知揀唔揀佢好。而夏薩特就應該係呢度咁多個當中近期表現最差嘅一個，但點解仲諗佢呢？一，今場車路士（Chelsea）嘅對手係富咸（Fulham），近4場全部輸晒兼係聯賽失波最多嘅球隊。二，車路士上場聯賽贏咗熱刺（Spurs），見到佢哋都上下一心，有回勇嘅跡象。三，夏薩特嘅入波同助攻絕大部份都係來自非Big 6球隊，佢今季一共入咗12球同交出10個助攻，而當中有11個入球同7個助攻係喺非Big 6球隊身上取得。不過，唯一擔心嘅就係佢嘅狀態問題。
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：4-4-2
本週陣容
球隊價值（Squad value）： 103.5M剩餘資金（In the bank）： 0.7M
轉會
賣出：雲比沙卡（Wan-Bissaka）
買入：舒哈（Schar）
原因：
今個星期呢個轉會其實都係被迫，因為已經儲咗2個免費轉會（Free Transfer），再唔用就會冇，所以今週先會買人。不過，換邊個其實就選擇唔多，如果睇狀態，最先要清走嘅瘀血應該係愛華頓（Everton）嘅李察利臣（Richarlison）同車路士（Chelsea）嘅夏薩特（Hazard），但好唔好彩，佢哋喺第31週又有比賽喎，所以就變咗要繼續留住佢哋喇。依家可以做嘅就希望佢哋可以回勇啦，尤其是李察利臣，佢再繼續咁落去，真係驚佢分分鐘到第31週連球隊嘅正選位置都冇埋。講返轉頭，咁首先要換嘅位置都好明顯，今個星期狼隊（Wolves）對卡迪夫城（Cardiff），又會再一次押晒落狼隊度，所以3個狼隊球員都唔賣得。而雲比沙卡又傷咗喎，都唔知幾時會復出，咁賣佢就變得好理所當然喇。雲比沙卡都算唔錯嫁喇，開季已4.0M買入，去到依家第29週升到4.5M，賣返出去都賺到0.2M。睇返5.0M或以下嘅後衛當中，近排跑出嘅係紐卡素（Newcastle）嘅舒哈。舒哈近4場交出1入球1助攻，助球隊拎到2場不失球，喺FPL拎到27分，場均6.75分。紐卡素嚟緊嘅賽程同近況都唔錯，而且紐卡素喺第31週會有比賽，對般尼茅夫（Bournemouth），所以紐卡素球員都係一個唔錯嘅選擇。今個星期佢哋要對韋斯咸（West Ham），韋斯咸近4場錄得1勝2和1負，狀態一般。而紐卡素近4場就錄得2勝1和1負，狀態幾好。紐卡素近4場有2場不失球，而且只係失咗2球，防守都好穩健。
守門員
艾法列治（Etheridge）
卡迪夫城今場會作客對狼隊。兩隊嘅近況都唔係太好，卡迪夫城近4場錄得2勝2負，而狼隊就近4場錄得1勝2和1負。狼隊喺呢4場入面入咗5球，攻力唔係太差，但卡迪夫城喺呢4場入面就失咗9球，防守認真唔掂。今場都唔期望卡迪夫城唔失波嫁喇，但求艾法列治救多幾球波拎撲救分算。
後衛
阿歷山大阿諾（Alexander-Arnold）＆ 羅拔臣（Robertson）
今場利物浦（Liverpool）將會作客對愛華頓（Everton）。愛華頓近4場錄得1勝3負，近況認真麻麻，而利物浦近4場就保持不敗，錄得2勝2和。愛華頓近4場攻入4球，有2場係冇波入，攻力一般。利物浦已經係連續3場都能夠保持清白之身，見到佢哋回勇，我都放心返同時放阿歷山大阿諾同羅拔臣落場。上場利物浦大炒屈福特（Watford）5比0，都係全靠佢哋兩個嘅助攻。佢哋兩個包辦晒所有入球嘅助攻，當中阿歷山大阿諾就上演助攻帽子戲法，而羅拔臣就貢獻2個助攻。希望今場佢哋喺進攻同防守上都有貢獻啦。
賓納特（Bennett）
今場狼隊會主場出擊對卡迪夫城，狼隊已經連續4場都有失波。老老實實，佢哋上場對哈特斯菲爾德已經係佢哋最易能夠保持不失球嘅一場，但佢哋都係把握唔到。今場係佢哋嘅最後機會，雖然卡迪夫城近4場入咗5球，但係如果咁都有失波，咁嚟緊嘅賽程睇嚟都好難再相信狼隊嘅後防喇。舒哈（Schar）
上面嘅轉會原因都交代咗，所以都唔多講喇。
中場
沙拿（Salah）
沙拿近排嘅狀態真係有啲回塘嘅感覺，近4場只係入得1球。愛華頓近4場失咗6球，防守一般。從數據上睇，其實沙拿嘅表現唔差，佢近4場錄得16射7中，無論係射門次數定中龍次數都係全隊最多。好可惜，佢只係入得1球，但係佢嘅隊友文尼（Mane）近4場只係錄得9射5中，已經入咗4球，入球轉化率相當高。希望沙拿今場喺默西塞德郡打吡能夠重拾射門鞋啦。
普巴（Pogba）
今場曼聯（Man Utd）會主場迎戰修咸頓，修咸頓近4場錄得1勝1和2負。而曼聯就近4場錄得3勝1和。雖然修咸頓係輸多贏少，但近4場只係失咗5球，防守唔係話太差。不過，普巴近4場交出2入球2助攻，狀態非常好，期望佢今場都繼續交出好表現。
摩天奴（Moutinho）
摩天奴近4場只係交出咗1個助攻，雖然係咁，但佢係全隊作出關鍵傳送最多嘅球員，近4場交出咗14次關鍵傳送。雖然佢近3場都冇交出助攻，狀態沉咗少少，但佢負責處理狼隊大部份嘅死球，應該都不乏助攻嘅機會。
夏薩特（Hazard）- Captain今場車路士將會作客對今季第二次炒領隊嘅富咸，富咸近4場全敗，而車路士近4場就錄得2勝2負。今場對住4場失10球嘅富咸，絕對係車路士反底同夏薩特爭取入球嘅良機。雖然夏薩特近排嘅狀態就麻麻，近4場只係入得2球，但上面都提到夏薩特絕對係一名弱隊殺手，希望佢今場對住聯賽失波最多嘅球隊，可以重打破入球荒啦。今週就放手一搏，揀夏薩特做隊長。
前鋒
阿古路（Aguero）
今場曼城將會作客對般尼茅夫，般尼茅夫近4場不勝，錄得1和3負，近況頹到爆。而曼城就近4場全勝，近況好好。般尼茅夫近4場失咗11球，而曼城就近4場狂轟12球，攻力驚人。而阿古路就包辦咗當中超過一半嘅入球，個人獨取7球。
占美利斯（Jimenez）
占美利斯近4場交出2個入球，表現有少少回落，但都仲係好穩定。今場仲要撞正今季失球第二多嘅卡迪夫城，暫時失咗55球。佢哋近4場失咗9球，係近4場失波第二多嘅球隊。面對住防線穿晒窿嘅卡迪夫城，相信占美利斯會獲得唔少破門嘅機會。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：4-4-2
本週陣容
球隊價值（Squad value）： 103.5M剩餘資金（In the bank）： 0.7M
轉會
賣出：雲比沙卡（Wan-Bissaka）
買入：舒哈（Schar）
原因：
今個星期呢個轉會其實都係被迫，因為已經儲咗2個免費轉會（Free Transfer），再唔用就會冇，所以今週先會買人。不過，換邊個其實就選擇唔多，如果睇狀態，最先要清走嘅瘀血應該係愛華頓（Everton）嘅李察利臣（Richarlison）同車路士（Chelsea）嘅夏薩特（Hazard），但好唔好彩，佢哋喺第31週又有比賽喎，所以就變咗要繼續留住佢哋喇。依家可以做嘅就希望佢哋可以回勇啦，尤其是李察利臣，佢再繼續咁落去，真係驚佢分分鐘到第31週連球隊嘅正選位置都冇埋。講返轉頭，咁首先要換嘅位置都好明顯，今個星期狼隊（Wolves）對卡迪夫城（Cardiff），又會再一次押晒落狼隊度，所以3個狼隊球員都唔賣得。而雲比沙卡又傷咗喎，都唔知幾時會復出，咁賣佢就變得好理所當然喇。雲比沙卡都算唔錯嫁喇，開季已4.0M買入，去到依家第29週升到4.5M，賣返出去都賺到0.2M。睇返5.0M或以下嘅後衛當中，近排跑出嘅係紐卡素（Newcastle）嘅舒哈。舒哈近4場交出1入球1助攻，助球隊拎到2場不失球，喺FPL拎到27分，場均6.75分。紐卡素嚟緊嘅賽程同近況都唔錯，而且紐卡素喺第31週會有比賽，對般尼茅夫（Bournemouth），所以紐卡素球員都係一個唔錯嘅選擇。今個星期佢哋要對韋斯咸（West Ham），韋斯咸近4場錄得1勝2和1負，狀態一般。而紐卡素近4場就錄得2勝1和1負，狀態幾好。紐卡素近4場有2場不失球，而且只係失咗2球，防守都好穩健。
守門員
艾法列治（Etheridge）
卡迪夫城今場會作客對狼隊。兩隊嘅近況都唔係太好，卡迪夫城近4場錄得2勝2負，而狼隊就近4場錄得1勝2和1負。狼隊喺呢4場入面入咗5球，攻力唔係太差，但卡迪夫城喺呢4場入面就失咗9球，防守認真唔掂。今場都唔期望卡迪夫城唔失波嫁喇，但求艾法列治救多幾球波拎撲救分算。
後衛
阿歷山大阿諾（Alexander-Arnold）＆ 羅拔臣（Robertson）
今場利物浦（Liverpool）將會作客對愛華頓（Everton）。愛華頓近4場錄得1勝3負，近況認真麻麻，而利物浦近4場就保持不敗，錄得2勝2和。愛華頓近4場攻入4球，有2場係冇波入，攻力一般。利物浦已經係連續3場都能夠保持清白之身，見到佢哋回勇，我都放心返同時放阿歷山大阿諾同羅拔臣落場。上場利物浦大炒屈福特（Watford）5比0，都係全靠佢哋兩個嘅助攻。佢哋兩個包辦晒所有入球嘅助攻，當中阿歷山大阿諾就上演助攻帽子戲法，而羅拔臣就貢獻2個助攻。希望今場佢哋喺進攻同防守上都有貢獻啦。
賓納特（Bennett）
今場狼隊會主場出擊對卡迪夫城，狼隊已經連續4場都有失波。老老實實，佢哋上場對哈特斯菲爾德已經係佢哋最易能夠保持不失球嘅一場，但佢哋都係把握唔到。今場係佢哋嘅最後機會，雖然卡迪夫城近4場入咗5球，但係如果咁都有失波，咁嚟緊嘅賽程睇嚟都好難再相信狼隊嘅後防喇。舒哈（Schar）
上面嘅轉會原因都交代咗，所以都唔多講喇。
中場
沙拿（Salah）
沙拿近排嘅狀態真係有啲回塘嘅感覺，近4場只係入得1球。愛華頓近4場失咗6球，防守一般。從數據上睇，其實沙拿嘅表現唔差，佢近4場錄得16射7中，無論係射門次數定中龍次數都係全隊最多。好可惜，佢只係入得1球，但係佢嘅隊友文尼（Mane）近4場只係錄得9射5中，已經入咗4球，入球轉化率相當高。希望沙拿今場喺默西塞德郡打吡能夠重拾射門鞋啦。
普巴（Pogba）
今場曼聯（Man Utd）會主場迎戰修咸頓，修咸頓近4場錄得1勝1和2負。而曼聯就近4場錄得3勝1和。雖然修咸頓係輸多贏少，但近4場只係失咗5球，防守唔係話太差。不過，普巴近4場交出2入球2助攻，狀態非常好，期望佢今場都繼續交出好表現。
摩天奴（Moutinho）
摩天奴近4場只係交出咗1個助攻，雖然係咁，但佢係全隊作出關鍵傳送最多嘅球員，近4場交出咗14次關鍵傳送。雖然佢近3場都冇交出助攻，狀態沉咗少少，但佢負責處理狼隊大部份嘅死球，應該都不乏助攻嘅機會。
夏薩特（Hazard）- Captain今場車路士將會作客對今季第二次炒領隊嘅富咸，富咸近4場全敗，而車路士近4場就錄得2勝2負。今場對住4場失10球嘅富咸，絕對係車路士反底同夏薩特爭取入球嘅良機。雖然夏薩特近排嘅狀態就麻麻，近4場只係入得2球，但上面都提到夏薩特絕對係一名弱隊殺手，希望佢今場對住聯賽失波最多嘅球隊，可以重打破入球荒啦。今週就放手一搏，揀夏薩特做隊長。
前鋒
阿古路（Aguero）
今場曼城將會作客對般尼茅夫，般尼茅夫近4場不勝，錄得1和3負，近況頹到爆。而曼城就近4場全勝，近況好好。般尼茅夫近4場失咗11球，而曼城就近4場狂轟12球，攻力驚人。而阿古路就包辦咗當中超過一半嘅入球，個人獨取7球。
占美利斯（Jimenez）
占美利斯近4場交出2個入球，表現有少少回落，但都仲係好穩定。今場仲要撞正今季失球第二多嘅卡迪夫城，暫時失咗55球。佢哋近4場失咗9球，係近4場失波第二多嘅球隊。面對住防線穿晒窿嘅卡迪夫城，相信占美利斯會獲得唔少破門嘅機會。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/