2018/19: 第31週陣容預告 – Blank Gameweek來了
入正題之前，想同大家講講依家有一個Football Blogging Awards，都幾有趣，係俾大家投票支持下一啲寫關於足球嘅blogger。詳情可以去呢度睇：http://www.footballbloggingawards.co.uk/
咁大家就去投下票支持下你哋平時睇開嘅頻道或者blogger啦。
今個星期只係得5場比賽，10支球隊踢。Big 6球隊當中，只係得車路士（Chelsea）同利物浦（Liverpool）有比賽。本身諗住都夠10個人用，但係上輪聯賽紐卡素（Newcastle）嘅舒哈（Schar）拎咗今季第10張黃牌，搞到要停賽2場，第31週冇得出場。所以今個星期只係得9名球員上陣。都可以喺度講下筆者點解咁抗拒扣分買人啦，因為上季試過一次因為一週雙賽而扣分買人，結果嗰位球員只係拎到2分。我扣4分買佢，佢拎得2分，即係話佢嘅淨得分係-2分。就算我換佢之前嗰位球員只係普普通通拎到基本嘅2分，嗰度都差成4分，咁即係唔用好過用。同埋，一用開就好似有癮咁成日用，所以為咗令自己習慣要計劃得長遠啲同周詳啲。尤其是依家好多賽事都未知幾時會踢，所以都係寧願忍痛出少2個先。以筆者個陣嚟講，賣普巴（Pogba），入費沙（Fraser）或者一個李斯特城（Leicester）嘅中場可能都係一個唔錯嘅選擇。不過，筆者始終都係唔敢搏，姑且就睇下筆者今週會點排陣啦。
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：3-4-1
本週陣容
球隊價值（Squad value）： 103.2M剩餘資金（In the bank）： 1.2M
轉會
賣出：占美利斯（Jimenez）
買入：威爾遜（Wilson）
原因：
賣走占美利斯而買入威爾遜嘅原因係占美利斯今週冇比賽而威爾遜有比賽。除此之外，仲考慮到般尼茅夫（Bournemouth）嘅賽程同威爾遜嘅狀態。般尼茅夫喺第33週都有比賽，而狼隊（Wolves）喺第33週係冇比賽。同埋，般尼茅夫直到季尾都只係需要對熱刺（Spurs）一支Big 6球隊，仲要係喺第37週，所以都唔洗擔心般尼茅夫嘅賽程。相反，狼隊由依家直到去季尾都仲要對3支Big 6球隊，喺爭冠同爭前4咁激烈嘅時刻，呢幾場聯賽，列強都一定會同你搏命。雖然占美利斯嘅狀態的確唔錯，但因為狼隊冇比賽同埋賽程係咁，都要放走佢，最多中間入佢用一兩週。另外，威爾遜嘅狀態同樣係唔錯，佢因傷抖咗6週，一復出上場就即刻交出1入球1助攻。今個星期，般尼茅夫會主場迎戰紐卡素。論近況，紐卡素的確係較好嘅一方，但上次都有提到般尼茅夫輸親都係對Big 6球隊。紐卡素近4場錄得3勝1負；而般尼茅夫就近4場錄得1勝1和2負。紐卡素近4場失咗4球，已經係連續失2球，希望今場威爾遜能夠打開缺口。
守門員
保路錫（Boruc）
今場般尼茅夫嘅對手紐卡素近4場攻入7球，攻力唔錯。保路錫近4場作出咗10個撲救，上場亦幫助球隊保持不失球，表現都唔錯。雖然般尼茅夫近4場失咗7球，但希望佢哋可以好似上場咁保持清白之身啦。
後衛
彭利拿（Pereira）
今場李斯特城會作客對般尼（Burnley），兩支球隊嘅近況都麻麻，般尼近4場錄得1勝3負，而李斯特城就近4場錄得2勝2負。般尼近4場入5球，雖然攻力唔強，但李斯特城近4場失咗8球。今場不失球嘅機會唔大，但希望都可以唔失波啦。
阿歷山大阿諾（Alexander-Arnold）＆ 羅拔臣（Robertson）
今場利物浦（Liverpool）作客對排尾二嘅富咸（Fulham）。富咸近4場全敗，已經連續輸咗6場；而利物浦近4場就錄得2勝2和，保持不敗。富咸近4場只係攻入3球，攻力麻麻。利物浦嘅防守就相當厲害，近4場有3場能夠保持不失，只係失咗2球。今個星期冇乜人用，係咪都出晒阿歷山大阿諾同羅拔臣。阿歷山大阿諾近4場交出3個助攻，而羅拔臣都唔差，近4場交出2個助攻。
中場沙拿（Salah）- Captain
沙拿近排陷入入球荒，近4場竟然0入球，好彩嘅係上場都有個助攻。富咸近4場勁失10球，防線穿晒窿，希望沙拿今場能夠打破入球荒啦。值得一提嘅係，沙拿近4場作客嘅比賽，表現係比文尼（Mane）好嘅。雖然大家同樣只係入得1球，但沙拿就錄得10射6中兼交出4次關鍵傳送，而文尼只係錄得3射2中同交出2次關鍵傳送。希望今場證明到揀沙拿做隊長係冇錯啦。
辛迪加斯（Snodgrass）
今場韋斯咸（West Ham）會主場迎戰依家排榜尾嘅哈特斯菲爾德（Huddersfield），哈特斯菲爾德近4場錄得1勝3負，而韋斯咸近4場就錄得2勝2負。哈特斯菲爾德近4場失咗5球，失球數字唔算超級多，但佢哋係今季聯賽失球第5多嘅球隊，可見佢嘅防守都係麻麻地。辛迪加斯近4場交出2個助攻，表現都唔錯，希望今場都能夠為球隊帶嚟進攻上嘅貢獻。
李察利臣（Richarlison）
今場愛華頓（Everton）將會主場對車路士（Chelsea），愛華頓近4場錄得1勝1和2負，近況麻麻。不過，車路士都唔係好好，近4場錄得2勝1和1負。車路士近4場聯賽有3場都有失波，近4場失咗8球，當中有一場係對曼城（Man City）失6球。李察利臣於上輪聯賽終於打破連續6場嘅入球荒，收穫1個入球。今場對住防守唔太穩健嘅車路士，都唔係話冇能力入球。夏薩特（Hazard）
夏薩特連續2場聯賽交出1入球1助攻，表現有所回勇，希望佢今場對住上輪聯賽對紐卡素都失3球嘅愛華頓會入到波或者交到助攻啦。
前鋒
威爾遜（Wilson）
上面嘅轉會原因都交代得好詳細，所以都唔再重複多講喇。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
咁大家就去投下票支持下你哋平時睇開嘅頻道或者blogger啦。
今個星期只係得5場比賽，10支球隊踢。Big 6球隊當中，只係得車路士（Chelsea）同利物浦（Liverpool）有比賽。本身諗住都夠10個人用，但係上輪聯賽紐卡素（Newcastle）嘅舒哈（Schar）拎咗今季第10張黃牌，搞到要停賽2場，第31週冇得出場。所以今個星期只係得9名球員上陣。都可以喺度講下筆者點解咁抗拒扣分買人啦，因為上季試過一次因為一週雙賽而扣分買人，結果嗰位球員只係拎到2分。我扣4分買佢，佢拎得2分，即係話佢嘅淨得分係-2分。就算我換佢之前嗰位球員只係普普通通拎到基本嘅2分，嗰度都差成4分，咁即係唔用好過用。同埋，一用開就好似有癮咁成日用，所以為咗令自己習慣要計劃得長遠啲同周詳啲。尤其是依家好多賽事都未知幾時會踢，所以都係寧願忍痛出少2個先。以筆者個陣嚟講，賣普巴（Pogba），入費沙（Fraser）或者一個李斯特城（Leicester）嘅中場可能都係一個唔錯嘅選擇。不過，筆者始終都係唔敢搏，姑且就睇下筆者今週會點排陣啦。
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：3-4-1
本週陣容
球隊價值（Squad value）： 103.2M剩餘資金（In the bank）： 1.2M
轉會
賣出：占美利斯（Jimenez）
買入：威爾遜（Wilson）
原因：
賣走占美利斯而買入威爾遜嘅原因係占美利斯今週冇比賽而威爾遜有比賽。除此之外，仲考慮到般尼茅夫（Bournemouth）嘅賽程同威爾遜嘅狀態。般尼茅夫喺第33週都有比賽，而狼隊（Wolves）喺第33週係冇比賽。同埋，般尼茅夫直到季尾都只係需要對熱刺（Spurs）一支Big 6球隊，仲要係喺第37週，所以都唔洗擔心般尼茅夫嘅賽程。相反，狼隊由依家直到去季尾都仲要對3支Big 6球隊，喺爭冠同爭前4咁激烈嘅時刻，呢幾場聯賽，列強都一定會同你搏命。雖然占美利斯嘅狀態的確唔錯，但因為狼隊冇比賽同埋賽程係咁，都要放走佢，最多中間入佢用一兩週。另外，威爾遜嘅狀態同樣係唔錯，佢因傷抖咗6週，一復出上場就即刻交出1入球1助攻。今個星期，般尼茅夫會主場迎戰紐卡素。論近況，紐卡素的確係較好嘅一方，但上次都有提到般尼茅夫輸親都係對Big 6球隊。紐卡素近4場錄得3勝1負；而般尼茅夫就近4場錄得1勝1和2負。紐卡素近4場失咗4球，已經係連續失2球，希望今場威爾遜能夠打開缺口。
守門員
保路錫（Boruc）
今場般尼茅夫嘅對手紐卡素近4場攻入7球，攻力唔錯。保路錫近4場作出咗10個撲救，上場亦幫助球隊保持不失球，表現都唔錯。雖然般尼茅夫近4場失咗7球，但希望佢哋可以好似上場咁保持清白之身啦。
後衛
彭利拿（Pereira）
今場李斯特城會作客對般尼（Burnley），兩支球隊嘅近況都麻麻，般尼近4場錄得1勝3負，而李斯特城就近4場錄得2勝2負。般尼近4場入5球，雖然攻力唔強，但李斯特城近4場失咗8球。今場不失球嘅機會唔大，但希望都可以唔失波啦。
阿歷山大阿諾（Alexander-Arnold）＆ 羅拔臣（Robertson）
今場利物浦（Liverpool）作客對排尾二嘅富咸（Fulham）。富咸近4場全敗，已經連續輸咗6場；而利物浦近4場就錄得2勝2和，保持不敗。富咸近4場只係攻入3球，攻力麻麻。利物浦嘅防守就相當厲害，近4場有3場能夠保持不失，只係失咗2球。今個星期冇乜人用，係咪都出晒阿歷山大阿諾同羅拔臣。阿歷山大阿諾近4場交出3個助攻，而羅拔臣都唔差，近4場交出2個助攻。
中場沙拿（Salah）- Captain
沙拿近排陷入入球荒，近4場竟然0入球，好彩嘅係上場都有個助攻。富咸近4場勁失10球，防線穿晒窿，希望沙拿今場能夠打破入球荒啦。值得一提嘅係，沙拿近4場作客嘅比賽，表現係比文尼（Mane）好嘅。雖然大家同樣只係入得1球，但沙拿就錄得10射6中兼交出4次關鍵傳送，而文尼只係錄得3射2中同交出2次關鍵傳送。希望今場證明到揀沙拿做隊長係冇錯啦。
辛迪加斯（Snodgrass）
今場韋斯咸（West Ham）會主場迎戰依家排榜尾嘅哈特斯菲爾德（Huddersfield），哈特斯菲爾德近4場錄得1勝3負，而韋斯咸近4場就錄得2勝2負。哈特斯菲爾德近4場失咗5球，失球數字唔算超級多，但佢哋係今季聯賽失球第5多嘅球隊，可見佢嘅防守都係麻麻地。辛迪加斯近4場交出2個助攻，表現都唔錯，希望今場都能夠為球隊帶嚟進攻上嘅貢獻。
李察利臣（Richarlison）
今場愛華頓（Everton）將會主場對車路士（Chelsea），愛華頓近4場錄得1勝1和2負，近況麻麻。不過，車路士都唔係好好，近4場錄得2勝1和1負。車路士近4場聯賽有3場都有失波，近4場失咗8球，當中有一場係對曼城（Man City）失6球。李察利臣於上輪聯賽終於打破連續6場嘅入球荒，收穫1個入球。今場對住防守唔太穩健嘅車路士，都唔係話冇能力入球。夏薩特（Hazard）
夏薩特連續2場聯賽交出1入球1助攻，表現有所回勇，希望佢今場對住上輪聯賽對紐卡素都失3球嘅愛華頓會入到波或者交到助攻啦。
前鋒
威爾遜（Wilson）
上面嘅轉會原因都交代得好詳細，所以都唔再重複多講喇。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/