2018/19: 第32週陣容總結 – Free Hit大成功
今週用嘅Free Hit嘅成功之處在於大部份嘅球員都至少有一場好波，即使佢哋好多都唔係踢足180分鐘。正選11入當中只有5個球員係兩場都有份正選上陣，喺Free Hit嘅角度嚟講就麻麻地喇，因為一週雙賽用得Free Hit都係想每一位球員兩場都有正選踢，增加佢哋搶分嘅機會。不過，又好好彩地得一場有正選嘅球員大部份都唔差喎，交到表現。最令人失望嘅一定係普巴（Pogba）喇，踢足90分鐘都冇入波或者助攻。因為Double Gameweek嘅緣故同埋有較多嘅玩家用法寶，例如：Free Hit或者Triple Captain，都直接令到今週嘅平均分異常地高。咁依家就睇睇今週筆者嘅陣容踢成點先啦。本週陣容
守門員
阿列沙巴拿加（Kepa Arrizabalaga）—8分
今週嘅第一場比賽，車路士（Chelsea）作客以1比2險勝卡迪夫城（Cardiff）。雖然車路士全場嘅控球率超過70%，但係射門質素就差咗啲，全場只係錄得21射3中。而卡迪夫城就全場錄得8射3中，攻入1球。阿列沙巴拿加喺呢場就拎到2分。喺今週第二場對白禮頓（Brighton）嘅比賽，車路士就主場以3比0大勝白禮頓。車路士呢場嘅控球率都接近70%，而射門次數更加係一面倒。車路士全場錄得17次射門，而白禮頓就只係得3次。所以阿列沙巴拿加都順利喺呢場保持清白之身，拎到6分。阿列沙巴拿加兩場加埋就拎到8分。
後衛
舒洛比（Schlupp）—7分
今週嘅第一場比賽，水晶宮（Crystal Palace）主場就以2比0淨勝哈特斯菲爾德（Hudderdfield），經歷完呢場之後，哈特斯菲爾德就成為咗今季首支降班嘅球隊。雖然雙方嘅控球率同射門次數都相約，哈特斯菲爾德仲係稍高少少嘅一隊添，而中目標嘅射門就大家各有5次，但最終入到波嘅都係水晶宮。舒洛比呢場作出咗2次射門同交出咗1次關鍵傳送。喺呢場舒洛比就為水晶宮保持清白之身，拎到4分不失球分，所以呢場就獲得6分。喺今週第二場作客對熱刺（Spurs）嘅比賽，呢場係熱刺用佢哋新球場嘅第一場比賽，最終水晶宮喺控球率同射門次數都輸晒嘅情況下，輸俾熱刺2比0。水晶宮全場嘅控球率只得34.7%，而全場只係錄得5射1中，同熱刺全場錄得嘅26射10中完全冇得比。舒洛比因為水晶宮失咗2球，而要被扣1分，所以呢場只係拎到1分，兩場加埋就有7分。連迪路夫（Lindelof）—1分
好可惜連迪路夫喺曼聯（Man Utd）今週嘅第一場比賽冇得出場，要去到第二場對狼隊（Wolves）嘅比賽先有得上陣。呢場狼隊就主場以2比1贏咗曼聯。雙方嘅控球率都係各佔一半，而射門就已曼聯較多。曼聯全場錄得18射4中，而狼隊就只係錄得9射2中。狼防憑住祖達（Jota）上半場嘅入波同史摩寧（Smalling）下半場嘅烏龍球以1球擊退曼聯。因為曼聯失咗2球，所以要被扣1分，連迪路夫只係拎到1分。
拿樸迪（Laporte）—18分
今週嘅第一場比賽，曼城（Man City）就作客以0比2輕取富咸（Fulham）。比賽嘅局勢都係一面倒嘅，曼城嘅控球率超過65%，全場錄得24射7中。相反，富咸全場就只係錄得5射0中。拿樸迪憑住穩定嘅表現助球隊保持不失，除咗拎到不失球分外，佢都拎到1分bonus，所以佢喺呢場拎到7分。喺今週第二場對卡迪夫城（Cardiff）嘅比賽，曼城又再一次以2比0擊倒對手。曼城呢場嘅控球率接近80%，而曼城全場就錄得27射11中。相反，卡迪夫城就只係錄得4射1中。所以，亦都如無意外，曼城順利連續兩場都零失球。今場拿樸迪除咗幫助球隊保持不失外，仲交出1個助攻俾迪布尼（）破門，最尾亦拎到2分bonus，喺呢場拎到11分，兩場加埋就獲得18分。
中場
史達寧（Sterling）—3分
史達寧喺今週第一場對富咸嘅比賽入面，表現麻麻。雖然佢全場錄得5次射門，係全隊之冠，但僅得1球係中目標，把握力奇差。另外，佢全場亦交出咗4次關鍵傳送，同貝拿度施華（Bernardo Silva）同根度簡（Gundogan）並列隊中最高。由於曼城仍然係四線作戰，所以哥迪奧拿都喺第二場嘅比賽收起史達寧，令到史達寧喺第二場踢1分鐘嘅機會都冇，所以今週佢都係拎到3分。
普巴（Pogba）—4分
今週嘅第一場比賽，曼聯有驚無險咁主場以2比1贏咗屈福特（Watford）。兩隊嘅控球率都差唔多，但射門次數就以屈福特比較多。曼聯全場只係錄得8射5中，而屈福特就錄得20射8中。普巴喺呢場嘅表現就唔係好掂，全場只係錄得1次唔中目標嘅射門。喺今週第二場對狼隊嘅比賽，其實普巴嘅表現唔差，全場交出5次關鍵傳送，可惜隊友把握唔到，未能將佢嘅傳送轉化成助攻。所以2超加埋，普巴只係拎到4分。
米利禾積域（Milivojevic）—11分
喺今週第一場對哈特斯菲爾德嘅比賽，米利禾積域就憑住射入沙夏（Zaha）搏返嚟嘅十二碼，幫水晶宮先開紀錄。佢喺呢場交出1射1中同1次嘅關鍵傳送，表現都算唔錯，所以都拎到1分bonus，喺呢場總共拎到9分。喺今週第二場作客對熱刺嘅比賽，米利禾積域全場只係錄得1次射門同交出1次關鍵傳送，所以呢場佢只係拎到2分，兩場合共拎到11分。孫興民（Son）—11分
今週嘅第一場比賽，熱刺作客以2比1輸咗俾利物浦（Liverpool）。孫興民只係後備上陣21分鐘，苦無表演機會，只係拎到1分。喺今週第二場對水晶宮嘅比賽，孫興民終於重獲正選，正選擔正嘅孫興民表現非常好，全場錄得4射3中。雖然佢嘅射門次數只係全隊第三高，但中目標嘅射門次數就係隊中之冠。表現出色嘅孫興民最終亦收穫1個入球，呢球仲要係熱刺喺新球場嘅第一球。佢亦都拎到2分bonus，喺呢場拎到10分，兩場加埋就有11分。
夏薩特（Hazard）—15分
喺今週第一場對卡迪夫城嘅比賽，夏薩特只係後備上陣踢咗37分鐘，冇乜表演嘅機會，只係拎到1分。至於喺今週第二場對白禮頓嘅比賽，夏薩特終於重獲正選，踢咗84分鐘並交出上乘嘅表現。佢全場錄得3射1中同交出3次關鍵傳送，最終亦收獲1個入球並助攻隊友路夫度斯卓克（Loftus-Cheek）破門。交出1入球1助攻嘅夏薩特亦拎到3分bonus，喺呢場拎到14分，而兩場加埋就有15分。
前鋒
阿古路（Aguero）—20分（Captain）
阿古路喺今週第一場對富咸嘅比賽入面，表現非常好。佢全場錄得2射1中，並交出3次關鍵傳送，最終亦收穫1個入球同1個助攻。阿古路憑住出色嘅表現拎到2分bonus，呢場拎到10分。可惜嘅係，佢呢場踢咗57分鐘就被換走，為下一場留力，差3分鐘先可以拎多1分出場分。不過，阿古路因傷缺陣曼城一週雙賽嘅第二場賽事，所以總共都係拎到10分。
拉舒福特（Rashford）—7分
喺今週第一場對屈福特嘅比賽，拉舒福特全場錄得2射1中並交出1次關鍵傳送，最終拉舒福特亦憑住一個快速反擊射入呢場曼聯嘅第一球。拉舒福特亦拎到1分bonus，喺呢場拎到7分。不過，拉舒福特因傷未能代表曼聯出戰一週雙賽嘅第二場賽事，所以總共都係拎到7分。
今週成績
本週分數：105
本週平均分：78
總成績：1,923
總排名：37,668
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
守門員
阿列沙巴拿加（Kepa Arrizabalaga）—8分
今週嘅第一場比賽，車路士（Chelsea）作客以1比2險勝卡迪夫城（Cardiff）。雖然車路士全場嘅控球率超過70%，但係射門質素就差咗啲，全場只係錄得21射3中。而卡迪夫城就全場錄得8射3中，攻入1球。阿列沙巴拿加喺呢場就拎到2分。喺今週第二場對白禮頓（Brighton）嘅比賽，車路士就主場以3比0大勝白禮頓。車路士呢場嘅控球率都接近70%，而射門次數更加係一面倒。車路士全場錄得17次射門，而白禮頓就只係得3次。所以阿列沙巴拿加都順利喺呢場保持清白之身，拎到6分。阿列沙巴拿加兩場加埋就拎到8分。
後衛
舒洛比（Schlupp）—7分
今週嘅第一場比賽，水晶宮（Crystal Palace）主場就以2比0淨勝哈特斯菲爾德（Hudderdfield），經歷完呢場之後，哈特斯菲爾德就成為咗今季首支降班嘅球隊。雖然雙方嘅控球率同射門次數都相約，哈特斯菲爾德仲係稍高少少嘅一隊添，而中目標嘅射門就大家各有5次，但最終入到波嘅都係水晶宮。舒洛比呢場作出咗2次射門同交出咗1次關鍵傳送。喺呢場舒洛比就為水晶宮保持清白之身，拎到4分不失球分，所以呢場就獲得6分。喺今週第二場作客對熱刺（Spurs）嘅比賽，呢場係熱刺用佢哋新球場嘅第一場比賽，最終水晶宮喺控球率同射門次數都輸晒嘅情況下，輸俾熱刺2比0。水晶宮全場嘅控球率只得34.7%，而全場只係錄得5射1中，同熱刺全場錄得嘅26射10中完全冇得比。舒洛比因為水晶宮失咗2球，而要被扣1分，所以呢場只係拎到1分，兩場加埋就有7分。連迪路夫（Lindelof）—1分
好可惜連迪路夫喺曼聯（Man Utd）今週嘅第一場比賽冇得出場，要去到第二場對狼隊（Wolves）嘅比賽先有得上陣。呢場狼隊就主場以2比1贏咗曼聯。雙方嘅控球率都係各佔一半，而射門就已曼聯較多。曼聯全場錄得18射4中，而狼隊就只係錄得9射2中。狼防憑住祖達（Jota）上半場嘅入波同史摩寧（Smalling）下半場嘅烏龍球以1球擊退曼聯。因為曼聯失咗2球，所以要被扣1分，連迪路夫只係拎到1分。
拿樸迪（Laporte）—18分
今週嘅第一場比賽，曼城（Man City）就作客以0比2輕取富咸（Fulham）。比賽嘅局勢都係一面倒嘅，曼城嘅控球率超過65%，全場錄得24射7中。相反，富咸全場就只係錄得5射0中。拿樸迪憑住穩定嘅表現助球隊保持不失，除咗拎到不失球分外，佢都拎到1分bonus，所以佢喺呢場拎到7分。喺今週第二場對卡迪夫城（Cardiff）嘅比賽，曼城又再一次以2比0擊倒對手。曼城呢場嘅控球率接近80%，而曼城全場就錄得27射11中。相反，卡迪夫城就只係錄得4射1中。所以，亦都如無意外，曼城順利連續兩場都零失球。今場拿樸迪除咗幫助球隊保持不失外，仲交出1個助攻俾迪布尼（）破門，最尾亦拎到2分bonus，喺呢場拎到11分，兩場加埋就獲得18分。
中場
史達寧（Sterling）—3分
史達寧喺今週第一場對富咸嘅比賽入面，表現麻麻。雖然佢全場錄得5次射門，係全隊之冠，但僅得1球係中目標，把握力奇差。另外，佢全場亦交出咗4次關鍵傳送，同貝拿度施華（Bernardo Silva）同根度簡（Gundogan）並列隊中最高。由於曼城仍然係四線作戰，所以哥迪奧拿都喺第二場嘅比賽收起史達寧，令到史達寧喺第二場踢1分鐘嘅機會都冇，所以今週佢都係拎到3分。
普巴（Pogba）—4分
今週嘅第一場比賽，曼聯有驚無險咁主場以2比1贏咗屈福特（Watford）。兩隊嘅控球率都差唔多，但射門次數就以屈福特比較多。曼聯全場只係錄得8射5中，而屈福特就錄得20射8中。普巴喺呢場嘅表現就唔係好掂，全場只係錄得1次唔中目標嘅射門。喺今週第二場對狼隊嘅比賽，其實普巴嘅表現唔差，全場交出5次關鍵傳送，可惜隊友把握唔到，未能將佢嘅傳送轉化成助攻。所以2超加埋，普巴只係拎到4分。
米利禾積域（Milivojevic）—11分
喺今週第一場對哈特斯菲爾德嘅比賽，米利禾積域就憑住射入沙夏（Zaha）搏返嚟嘅十二碼，幫水晶宮先開紀錄。佢喺呢場交出1射1中同1次嘅關鍵傳送，表現都算唔錯，所以都拎到1分bonus，喺呢場總共拎到9分。喺今週第二場作客對熱刺嘅比賽，米利禾積域全場只係錄得1次射門同交出1次關鍵傳送，所以呢場佢只係拎到2分，兩場合共拎到11分。孫興民（Son）—11分
今週嘅第一場比賽，熱刺作客以2比1輸咗俾利物浦（Liverpool）。孫興民只係後備上陣21分鐘，苦無表演機會，只係拎到1分。喺今週第二場對水晶宮嘅比賽，孫興民終於重獲正選，正選擔正嘅孫興民表現非常好，全場錄得4射3中。雖然佢嘅射門次數只係全隊第三高，但中目標嘅射門次數就係隊中之冠。表現出色嘅孫興民最終亦收穫1個入球，呢球仲要係熱刺喺新球場嘅第一球。佢亦都拎到2分bonus，喺呢場拎到10分，兩場加埋就有11分。
夏薩特（Hazard）—15分
喺今週第一場對卡迪夫城嘅比賽，夏薩特只係後備上陣踢咗37分鐘，冇乜表演嘅機會，只係拎到1分。至於喺今週第二場對白禮頓嘅比賽，夏薩特終於重獲正選，踢咗84分鐘並交出上乘嘅表現。佢全場錄得3射1中同交出3次關鍵傳送，最終亦收獲1個入球並助攻隊友路夫度斯卓克（Loftus-Cheek）破門。交出1入球1助攻嘅夏薩特亦拎到3分bonus，喺呢場拎到14分，而兩場加埋就有15分。
前鋒
阿古路（Aguero）—20分（Captain）
阿古路喺今週第一場對富咸嘅比賽入面，表現非常好。佢全場錄得2射1中，並交出3次關鍵傳送，最終亦收穫1個入球同1個助攻。阿古路憑住出色嘅表現拎到2分bonus，呢場拎到10分。可惜嘅係，佢呢場踢咗57分鐘就被換走，為下一場留力，差3分鐘先可以拎多1分出場分。不過，阿古路因傷缺陣曼城一週雙賽嘅第二場賽事，所以總共都係拎到10分。
拉舒福特（Rashford）—7分
喺今週第一場對屈福特嘅比賽，拉舒福特全場錄得2射1中並交出1次關鍵傳送，最終拉舒福特亦憑住一個快速反擊射入呢場曼聯嘅第一球。拉舒福特亦拎到1分bonus，喺呢場拎到7分。不過，拉舒福特因傷未能代表曼聯出戰一週雙賽嘅第二場賽事，所以總共都係拎到7分。
今週成績
本週分數：105
本週平均分：78
總成績：1,923
總排名：37,668
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/