2018/19: 第38週陣容預告 – 望天打卦
望住今季最後一場嘅陣容，筆者都有啲無語，陣中嘅沙拿（Salah）、羅拔臣（Robertson）同高拿仙歷（Kolasinac）都有傷，仲有孫興民（Son）停賽。依家唯一就係希望佢哋能夠及時康復，可以披甲。不過，都慶幸仲有3個後備球員都應該會有上陣嘅時間，頂住檔先。所以今週嘅免費轉會（Free Transfer）會用落鐵定冇機會上陣嘅孫興民身上。最後，祝大家最後一週會拎到一個滿意嘅分數，為今季劃上完滿嘅句號。
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：4-5-1
本週陣容
球隊價值（Squad value）： 101.7M剩餘資金（In the bank）： 1.2M
轉會
賣出：孫興民（Son）
買入：貝拿度施華（Bernardo Silva）
原因：
賣走孫興民嘅原因就唔洗講啦，因為佢要停賽，都唔會出。至於揀貝拿度施華都係睇中曼城（Man City）依然同利物浦（Liverpool）爭緊英超冠軍，兩隊都一定要贏先捧到盃。所以曼城嘅戰意係唔需要懷疑，但曼城嘅對手係已經護級嘅白禮頓（Brighton），白禮頓又做唔做得成攔路虎呢？無論想邊隊贏都好啦，曼城嘅位置的確係處於上風。正因為咁，就買多個曼城中場加史達寧（Sterling），冒求盡拎曼城嘅分數。雖然貝拿度施華近4場只係入得1球，但曼城近4場嘅贏波都係1球起，2球止，唔會多。所以多一個球員嚟搏下都好。
守門員
艾達臣（Ederson）
今場曼城會作客對白禮頓，兩支球隊嘅近況都幾唔一樣。白禮頓近4場錄得3和1負；而曼城近4場就錄得全勝。曼城近排防守非常穩健，近4場都冇失過波。而白禮頓近4場就只係入得2球，攻力麻麻。所以就機率嚟講，曼城唔失波嘅機會都好大。
後衛
華利尼（Valery）
今場修咸頓（Southampton）會主場對今季榜尾嘅哈特斯菲爾德（Huddersfield），兩支球隊嘅近況都係差唔多，哈特斯菲爾德近4場錄得1和3負，而修咸頓就近4場錄得2和2負。哈特斯菲爾德近4場只係入咗2球，攻力疲弱。雖然修咸頓近4場失咗10球，但係希望佢哋今場對住暫時今季聯賽入球最少嘅球隊可以唔失波啦。羅拔臣（Robertson）
今場利物浦（Liverpool）會主場迎戰狼隊（Wolves）。兩隊嘅近況都唔錯，狼隊近4場錄得3勝1和，而利物浦近4場都錄得全勝。狼隊近4場攻入6球，攻力唔差，其中一場仲贏過阿仙奴（Arsenal）添。不過，利物浦嘅防守都好好，近4場有3場冇失波，只係失咗2球。希望羅拔臣能夠傷癒披甲啦。
高拿仙歷（Kolasinac）
今場阿仙奴會作客對般尼（Burnley），兩隊嘅近況都好差。般尼近4場錄得1勝1和2負，而阿仙奴近4場就只係錄得1和3負，仲衰過般尼。般尼近4場攻入4球，攻力一般。阿仙奴近4場失咗10球，場場有失波，防線大穿窿，今場如果高拿仙歷復出都已經謝天謝地。
梳爾（Shaw）
今場曼聯（Man Utd）會主場迎戰卡迪夫城（Cardiff）。兩隊嘅近況都唔係好，卡迪夫城近4場錄得1勝3負，但曼聯就仲衰，近4場錄得2和2負。卡迪夫城近4場攻入4球，攻力一般。雖然曼聯近4場失咗8球，而且仲係場場都有失波，但都希望佢臨尾踢返好啲，唔好失波啦。
中場
沙拿（Salah）
沙拿近排狀態回升，近4場只係交出咗4入球2助攻，但可惜上輪聯賽勇戰受傷。狼隊近4場只係失咗2球，防守唔錯，希望佢可以復出入波啦。禾特包斯（Ward-Prowse）
禾特包斯近4場入咗1球，以佢價值5.1M嚟講，都算係咁，希望佢今場對榜尾嘅哈特斯菲爾德可以入到波啦。
杜哥利（Doucoure）
今場屈福特（Watford）將會主場對韋斯咸（West Ham）。論近況嘅話，韋斯咸就稍稍佔優，韋斯咸近4場錄得2勝1和1負，而屈福特近4場就錄得1勝1和2負。韋斯咸近4場只係失咗4球，防守唔差。杜哥利近4場交出1個助攻，希望佢今場都能夠入波或者交出助攻啦。
貝拿度施華（Bernardo Silva）
上面嘅轉會原因都交代得好詳細，所以都唔再重複多講喇。
史達寧（Sterling）- Captain
史達寧近4場只係交出咗1個助攻，狀態有所回落。另外，白禮頓近4場只係失咗3球，防守有大大改善，所以要攻破白禮頓嘅大門未必會好似想像中咁易。不過，睇在曼城要搏盡衛冕，所以會揀史達寧做隊長。
前鋒
拿卡錫迪（Lacazette）
拿卡錫迪近4場只係交出1個助攻，表現回落。不過，般尼近4場失咗5球，防守一般，希望拿卡錫迪今場可以終止佢連續6場嘅入球荒啦。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：4-5-1
本週陣容
球隊價值（Squad value）： 101.7M剩餘資金（In the bank）： 1.2M
轉會
賣出：孫興民（Son）
買入：貝拿度施華（Bernardo Silva）
原因：
賣走孫興民嘅原因就唔洗講啦，因為佢要停賽，都唔會出。至於揀貝拿度施華都係睇中曼城（Man City）依然同利物浦（Liverpool）爭緊英超冠軍，兩隊都一定要贏先捧到盃。所以曼城嘅戰意係唔需要懷疑，但曼城嘅對手係已經護級嘅白禮頓（Brighton），白禮頓又做唔做得成攔路虎呢？無論想邊隊贏都好啦，曼城嘅位置的確係處於上風。正因為咁，就買多個曼城中場加史達寧（Sterling），冒求盡拎曼城嘅分數。雖然貝拿度施華近4場只係入得1球，但曼城近4場嘅贏波都係1球起，2球止，唔會多。所以多一個球員嚟搏下都好。
守門員
艾達臣（Ederson）
今場曼城會作客對白禮頓，兩支球隊嘅近況都幾唔一樣。白禮頓近4場錄得3和1負；而曼城近4場就錄得全勝。曼城近排防守非常穩健，近4場都冇失過波。而白禮頓近4場就只係入得2球，攻力麻麻。所以就機率嚟講，曼城唔失波嘅機會都好大。
後衛
華利尼（Valery）
今場修咸頓（Southampton）會主場對今季榜尾嘅哈特斯菲爾德（Huddersfield），兩支球隊嘅近況都係差唔多，哈特斯菲爾德近4場錄得1和3負，而修咸頓就近4場錄得2和2負。哈特斯菲爾德近4場只係入咗2球，攻力疲弱。雖然修咸頓近4場失咗10球，但係希望佢哋今場對住暫時今季聯賽入球最少嘅球隊可以唔失波啦。羅拔臣（Robertson）
今場利物浦（Liverpool）會主場迎戰狼隊（Wolves）。兩隊嘅近況都唔錯，狼隊近4場錄得3勝1和，而利物浦近4場都錄得全勝。狼隊近4場攻入6球，攻力唔差，其中一場仲贏過阿仙奴（Arsenal）添。不過，利物浦嘅防守都好好，近4場有3場冇失波，只係失咗2球。希望羅拔臣能夠傷癒披甲啦。
高拿仙歷（Kolasinac）
今場阿仙奴會作客對般尼（Burnley），兩隊嘅近況都好差。般尼近4場錄得1勝1和2負，而阿仙奴近4場就只係錄得1和3負，仲衰過般尼。般尼近4場攻入4球，攻力一般。阿仙奴近4場失咗10球，場場有失波，防線大穿窿，今場如果高拿仙歷復出都已經謝天謝地。
梳爾（Shaw）
今場曼聯（Man Utd）會主場迎戰卡迪夫城（Cardiff）。兩隊嘅近況都唔係好，卡迪夫城近4場錄得1勝3負，但曼聯就仲衰，近4場錄得2和2負。卡迪夫城近4場攻入4球，攻力一般。雖然曼聯近4場失咗8球，而且仲係場場都有失波，但都希望佢臨尾踢返好啲，唔好失波啦。
中場
沙拿（Salah）
沙拿近排狀態回升，近4場只係交出咗4入球2助攻，但可惜上輪聯賽勇戰受傷。狼隊近4場只係失咗2球，防守唔錯，希望佢可以復出入波啦。禾特包斯（Ward-Prowse）
禾特包斯近4場入咗1球，以佢價值5.1M嚟講，都算係咁，希望佢今場對榜尾嘅哈特斯菲爾德可以入到波啦。
杜哥利（Doucoure）
今場屈福特（Watford）將會主場對韋斯咸（West Ham）。論近況嘅話，韋斯咸就稍稍佔優，韋斯咸近4場錄得2勝1和1負，而屈福特近4場就錄得1勝1和2負。韋斯咸近4場只係失咗4球，防守唔差。杜哥利近4場交出1個助攻，希望佢今場都能夠入波或者交出助攻啦。
貝拿度施華（Bernardo Silva）
上面嘅轉會原因都交代得好詳細，所以都唔再重複多講喇。
史達寧（Sterling）- Captain
史達寧近4場只係交出咗1個助攻，狀態有所回落。另外，白禮頓近4場只係失咗3球，防守有大大改善，所以要攻破白禮頓嘅大門未必會好似想像中咁易。不過，睇在曼城要搏盡衛冕，所以會揀史達寧做隊長。
前鋒
拿卡錫迪（Lacazette）
拿卡錫迪近4場只係交出1個助攻，表現回落。不過，般尼近4場失咗5球，防守一般，希望拿卡錫迪今場可以終止佢連續6場嘅入球荒啦。
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/