球圈中的足球財經人
有留意 NBA 或者其他美式運動嘅朋友，一定知道美國嘅大學聯賽發展得非常蓬勃，唔少球星都擁有大學學位。但係歐洲嘅足球壇，即使以今時今日英超為例，唔少球會都會同所在城市嘅中學合作，為旗下嘅青訓球員提供A Level 程度嘅教育(當年華舒福英超處子戰射入阿仙奴兩球之後一日要返學考 Chem，大家應該仲記憶猶新吧)，但相對都好少聽到有球員會讀大學。
不過，凡事都有例外，迎合返”足球財經”呢個主題，今次同大家介紹幾位喺成為全職球員之前或者期間拎到商科或者金融相關資歷嘅球星：
甘賓尼 (Vincent Kompany)
曼徹斯特除咗足球聞名於世之外，原來仲係歐洲擁有最多學生人口嘅城市。效力咗曼城十一個年頭，啱啱宣布離隊重返母會安德列治嘅甘賓尼，原來自 2013 年起以 part time 形式修讀曼徹斯特大學商學院嘅 MBA (工商管理碩士) 課程，仲喺 2017 年尾成功畢業，當時更加以英超球隊點樣運用主場之利作為佢嘅畢業論文。唔知第時甘賓尼會唔會好似雲達沙咁，成為球隊嘅 CEO 呢？
基亞連尼 (Giorgio Chiellini)
擁有 MBA 學位嘅唔只甘賓尼，仲有同樣都係中堅嘅基亞連尼。自2005 年起效力祖雲達斯嘅佢，先喺2010 年喺都靈大學修畢經濟及商業學士，跟住再喺2016 年拎埋個MBA. 而佢畢業論文嘅題材，就係”從國際角度看祖雲達斯商業模式”。咁咪好屈機？
郭甫(Steve Coppell)
講開讀經濟嘅球圈人物，相信唔少都會即時諗到雲加，但原來曼聯都有一位代表。1973 年，18歲嘅郭甫加盟丙組嘅燦美爾，同時佢亦都獲得利物浦大學收錄入讀經濟史學士課程，於是郭甫就一邊讀書一邊踢波。去到 1975 年二月，郭甫得到當季喺乙組嘅曼聯青睞，仲同意俾佢繼續完成埋個學位(當年未有轉會窗呢回事，球會除咗季尾最後幾個禮拜外，一路都可以買人)。踢右翼嘅郭甫馬上取得正選，當季為曼聯上陣十場，協助曼聯升返上甲組。之後一季仲犀利，一邊讀Final year, 一邊喺甲組同各項本土杯賽為曼聯上陣共49場，拎埋甲組季軍同足總盃亞軍。
郭甫最終效力曼聯八年，上陣共396 場入70 球，期間仲為英格蘭國家隊上陣42次，可惜喺28歲因為傷患掛靴。退役後，郭甫曾四度出任水晶宮領隊，近年就轉戰喺印度超級聯賽掛帥。
長友佑都 (Yuto Nagamoto)
讀經濟嘅除咗雲爺爺同郭甫之外，仲有效力咗國際米蘭八年嘅，為日本國家隊上陣超過一百次嘅後衛長友佑都。據講，長友細細個讀書成績已經好好，中學畢業之後仲考到入名校明治大學，2007 年大學未畢業就已經得到FC東京招攬踢 J. League. 同郭甫一樣，佢都堅持要完成埋個學位，喺 2009 年順利畢業，之後嗰年就開始意甲生涯。2018 年頭轉戰土耳其班霸加拉塔沙雷。九月先至滿33歲嘅佢，應該仲有能力踢多幾年先退休。
簡迪 (N’Golo Kante)
簡迪點樣先後喺李斯特城同車路士連贏兩季英超冠軍嘅故事，相信唔雖要多講。但原來簡迪喺法國中學畢業之後，擔心踢低組別球會唔夠揾食，於是進修咗兩年會計，仲考埋個牌添！咁講法，簡迪先至係真正嘅”球場會計佬”。
會計師俾人嘅印象往往都係識得借助法律漏洞而幫客戶避稅，但原來簡迪加盟車路士嗰陣，就一口拒絕球會以成立離岸公司支付肖像權費用嘅形式幫佢慳稅嘅建議，仲話只係想用正當嘅途徑收人工，簡直係球壇嘅一股清泉！
各位想追蹤更多足球界嘅財經新聞，可以like 足球財經嘅 Facebook page!
參考資料：
Premier League Club Captain graduates with degree from Alliance Manchester Business School
Giorgio Chiellini graduates from the University of Turin, receiving top marks in a Masters degree for Business Administration
How student of the game Steve Coppell became a legend at Manchester United and Crystal Palace
Meiji University Alumnus Yuto Nagatomo Selected to Compete for Japan National Football Team in the 2018 FIFA World Cup
Chelsea’s N’Golo Kanté is the hero that football needs
N'Golo Kante trained as an accountant before becoming professional footballer
不過，凡事都有例外，迎合返”足球財經”呢個主題，今次同大家介紹幾位喺成為全職球員之前或者期間拎到商科或者金融相關資歷嘅球星：
甘賓尼 (Vincent Kompany)
曼徹斯特除咗足球聞名於世之外，原來仲係歐洲擁有最多學生人口嘅城市。效力咗曼城十一個年頭，啱啱宣布離隊重返母會安德列治嘅甘賓尼，原來自 2013 年起以 part time 形式修讀曼徹斯特大學商學院嘅 MBA (工商管理碩士) 課程，仲喺 2017 年尾成功畢業，當時更加以英超球隊點樣運用主場之利作為佢嘅畢業論文。唔知第時甘賓尼會唔會好似雲達沙咁，成為球隊嘅 CEO 呢？
基亞連尼 (Giorgio Chiellini)
擁有 MBA 學位嘅唔只甘賓尼，仲有同樣都係中堅嘅基亞連尼。自2005 年起效力祖雲達斯嘅佢，先喺2010 年喺都靈大學修畢經濟及商業學士，跟住再喺2016 年拎埋個MBA. 而佢畢業論文嘅題材，就係”從國際角度看祖雲達斯商業模式”。咁咪好屈機？
郭甫(Steve Coppell)
講開讀經濟嘅球圈人物，相信唔少都會即時諗到雲加，但原來曼聯都有一位代表。1973 年，18歲嘅郭甫加盟丙組嘅燦美爾，同時佢亦都獲得利物浦大學收錄入讀經濟史學士課程，於是郭甫就一邊讀書一邊踢波。去到 1975 年二月，郭甫得到當季喺乙組嘅曼聯青睞，仲同意俾佢繼續完成埋個學位(當年未有轉會窗呢回事，球會除咗季尾最後幾個禮拜外，一路都可以買人)。踢右翼嘅郭甫馬上取得正選，當季為曼聯上陣十場，協助曼聯升返上甲組。之後一季仲犀利，一邊讀Final year, 一邊喺甲組同各項本土杯賽為曼聯上陣共49場，拎埋甲組季軍同足總盃亞軍。
郭甫最終效力曼聯八年，上陣共396 場入70 球，期間仲為英格蘭國家隊上陣42次，可惜喺28歲因為傷患掛靴。退役後，郭甫曾四度出任水晶宮領隊，近年就轉戰喺印度超級聯賽掛帥。
長友佑都 (Yuto Nagamoto)
讀經濟嘅除咗雲爺爺同郭甫之外，仲有效力咗國際米蘭八年嘅，為日本國家隊上陣超過一百次嘅後衛長友佑都。據講，長友細細個讀書成績已經好好，中學畢業之後仲考到入名校明治大學，2007 年大學未畢業就已經得到FC東京招攬踢 J. League. 同郭甫一樣，佢都堅持要完成埋個學位，喺 2009 年順利畢業，之後嗰年就開始意甲生涯。2018 年頭轉戰土耳其班霸加拉塔沙雷。九月先至滿33歲嘅佢，應該仲有能力踢多幾年先退休。
簡迪 (N’Golo Kante)
簡迪點樣先後喺李斯特城同車路士連贏兩季英超冠軍嘅故事，相信唔雖要多講。但原來簡迪喺法國中學畢業之後，擔心踢低組別球會唔夠揾食，於是進修咗兩年會計，仲考埋個牌添！咁講法，簡迪先至係真正嘅”球場會計佬”。
會計師俾人嘅印象往往都係識得借助法律漏洞而幫客戶避稅，但原來簡迪加盟車路士嗰陣，就一口拒絕球會以成立離岸公司支付肖像權費用嘅形式幫佢慳稅嘅建議，仲話只係想用正當嘅途徑收人工，簡直係球壇嘅一股清泉！
各位想追蹤更多足球界嘅財經新聞，可以like 足球財經嘅 Facebook page!
參考資料：
Premier League Club Captain graduates with degree from Alliance Manchester Business School
Giorgio Chiellini graduates from the University of Turin, receiving top marks in a Masters degree for Business Administration
How student of the game Steve Coppell became a legend at Manchester United and Crystal Palace
Meiji University Alumnus Yuto Nagatomo Selected to Compete for Japan National Football Team in the 2018 FIFA World Cup
Chelsea’s N’Golo Kanté is the hero that football needs
N'Golo Kante trained as an accountant before becoming professional footballer