巴塞話你知足球有幾大經濟貢獻
曾經有位特首話過體育界無仼何經濟貢獻，呢句說話當然惹嚟唔少非議。而有睇開足球財經呢個專欄嘅讀者，就更加知道足球以至體育產業，背後軒涉唔少資金。咁一支歐洲頂級球會， 其實有幾大經濟貢獻呢？
巴塞羅拿早前委託四大會計師行之一羅兵咸永道(PwC)就球會喺2018/19球季對巴塞羅拿市以至整個加泰隆尼亞地區嘅經濟貢獻作出調查報告。巴塞之前亦曾經委托另一間Big4 德勤(Deloitte)就2014/15球季數據作同類調查，今次就可以睇到兩個時期之間嘅變化。
PwC嘅報告指，巴塞期內對巴塞市嘅經濟貢獻，由2014/15年嘅9.06億歐羅上升至11.9億歐羅，增長達到31%. 佔咗整個市嘅國民生產總值(GDP)嘅1.46%, 當中，單單係由球會直接貢獻嘅各種稅項(包括銷售稅同利得稅等等)就佔3.66億歐羅，比上一份報告上升67%，亦相等於整個巴塞市政府嘅開支預算13.8%. 而對於整個加泰地區，貢獻金額更達到13.94億歐羅，佔整個加泰地區GDP 0.57%.
而除咗同球會直接相關嘅稅項之外，巴塞當然亦都帶動咗當地嘅就業。報告指出，巴塞總共帶動咗市內19,451個就業機會，相等於整個巴塞市總就業人口嘅2.65%，較上一份報告嘅16,620上升17%. 報告亦指，巴塞自己每創造一個職位可以帶動市內創造多12個職位。如果延伸至整個加泰地區，帶動嘅職位總數更加達到23,351, 佔整個地區總就業人口0.69%.
而最受惠巴塞帶動嘅週邊產業，當然就係旅遊同酒店業啦。單係2018/19球季，估計因為受巴塞吸引到訪嘅旅客數字，就相當於143萬次嘅過夜住宿。
好明顯，一支足球隊表現越好，週邊成個地區就越受惠。呢啲就係真正嘅「同市光榮論」喇！
參與資料：巴塞官網 “FC Barcelona contributes 1,191 million euros to the wealth of the city in 2018/19”
各位想追蹤更多足球界嘅財經新聞，可以like 足球財經嘅 Facebook page
巴塞羅拿早前委託四大會計師行之一羅兵咸永道(PwC)就球會喺2018/19球季對巴塞羅拿市以至整個加泰隆尼亞地區嘅經濟貢獻作出調查報告。巴塞之前亦曾經委托另一間Big4 德勤(Deloitte)就2014/15球季數據作同類調查，今次就可以睇到兩個時期之間嘅變化。
PwC嘅報告指，巴塞期內對巴塞市嘅經濟貢獻，由2014/15年嘅9.06億歐羅上升至11.9億歐羅，增長達到31%. 佔咗整個市嘅國民生產總值(GDP)嘅1.46%, 當中，單單係由球會直接貢獻嘅各種稅項(包括銷售稅同利得稅等等)就佔3.66億歐羅，比上一份報告上升67%，亦相等於整個巴塞市政府嘅開支預算13.8%. 而對於整個加泰地區，貢獻金額更達到13.94億歐羅，佔整個加泰地區GDP 0.57%.
而除咗同球會直接相關嘅稅項之外，巴塞當然亦都帶動咗當地嘅就業。報告指出，巴塞總共帶動咗市內19,451個就業機會，相等於整個巴塞市總就業人口嘅2.65%，較上一份報告嘅16,620上升17%. 報告亦指，巴塞自己每創造一個職位可以帶動市內創造多12個職位。如果延伸至整個加泰地區，帶動嘅職位總數更加達到23,351, 佔整個地區總就業人口0.69%.
而最受惠巴塞帶動嘅週邊產業，當然就係旅遊同酒店業啦。單係2018/19球季，估計因為受巴塞吸引到訪嘅旅客數字，就相當於143萬次嘅過夜住宿。
好明顯，一支足球隊表現越好，週邊成個地區就越受惠。呢啲就係真正嘅「同市光榮論」喇！
參與資料：巴塞官網 “FC Barcelona contributes 1,191 million euros to the wealth of the city in 2018/19”
各位想追蹤更多足球界嘅財經新聞，可以like 足球財經嘅 Facebook page