「可以笑的話不會哭」—悲情王子唔淨止係巴治奧，仲有德國天才迪斯拿
熱身賽，德國隊既列奧斯慘遭受傷，無奈地對今屆世界盃「Say goodbye」，好多人安慰佢，唔緊要啦，咁後生，下屆大把世界，從人群既祝福聲中我漸漸憶起2002年世界盃前夕，迪斯拿又係因為熱身賽受傷無奈退出比賽，但幸運女神從來都冇眷顧過迪斯拿，佢既職業生涯唔係傷腳踝，就係傷十字韌帶，傷得多加上壓力大，結果曾經患上抑鬱症，幾經波折，迪斯拿於27歲已經宣布退役。
千禧年初，德國足球百廢待興，難得有迪斯拿、波歷克同高路斯呢類超級新星，自然被過份關注，而被譽為「新碧根鮑華」既迪斯拿似乎肩負起振興德國足球既重任。出道於慕遜加柏，後來轉會哈化柏林開始發揮出「Winning Eleven妖人」級數，迪斯拿司職右翼，速度奇快，控球技術細膩，尤其以傳中落點精準同罰球極具殺傷力聞名國內外，當時哈化柏林係聯賽前五既強隊，迪斯拿既表演實在太搶眼，以至99年至02年開始睇佢踢波既人，無不讚賞佢既才華橫溢。
「When a man loves the football，can't keep his legs on nothing happened⋯」，我忽然醒起呢句歌詞可以改成迪斯拿版本，縱使佢再「技術超班」，都無法保證自己雙腿安然無恙，喺轉會拜仁之後，傷病開始來得頻密，折磨並且摧毀緊迪斯拿既職業生涯，雖然復出都有好表現，總能夠令隊友舒服接應去既傳球，「力水剛剛好」唔單止需要超高技術，仲需要冷靜清晰既頭腦，正當你讚嘆迪斯拿如何完美之際，對不起 ，佢又受傷了。
射失一球十二碼，你可以喺下一屆捲土重來，又或者好似碧咸98年世界盃被紅牌出場，受盡千夫所指，四年後韓日世界盃咪又做返「天之驕子」，但迪斯拿既悲劇色彩實在太濃郁，因傷連續缺席02、06世界盃同04歐國盃，喺拜仁傷多過踢，令到苛刻既傳媒開始「寸」迪斯拿脆弱，球迷對迪斯拿既記憶開始慢慢模糊，其實傷病固然影響迪斯拿，但國內對佢過高既期望已經成為佢巨大壓力既來源，一個熱愛足球既人何嘗唔想上場踢波，唔痛特登扮傷「逗人工」咩？但無情既人總愛說無情的說話，輿論既無情令到迪斯拿患上抑鬱症，更加令迪斯拿陷入低谷。
「哭泣聲絕冇意義，它不會扭轉分開的心意」。2006年底一場德甲聯賽，正當漢堡1：0領先拜仁之際，復出既迪斯拿交出兩球靚助攻，協助拜仁反勝，正當球迷歡喜若狂地慶祝迪斯拿回歸，一個月後迪斯拿選擇退役！27歲，黃金年齡，佢既退役應該曾經令到好多球迷「哭泣聲絕冇意義，它不會扭轉分開的心意」，「真係喊出黎」，好一個令人無限惋惜既淒美故事。
如今德國隊已經「勢頭正旺」，成為今年奪冠大熱門，迪斯拿已經從球場上既英雄變成電視機前既觀眾，作為球迷既懷念佢，又想祝福佢，開頭既然以王傑既歌詞帶入情感，最後就用葉振棠既歌詞結尾吧：「任笑聲，送走舊愁，讓美酒，洗清前事。」祝迪斯拿快樂！
PS：附上迪斯拿精華片段：http://m.youtube.com/watch?v=qVGv4boDJ0c
千禧年初，德國足球百廢待興，難得有迪斯拿、波歷克同高路斯呢類超級新星，自然被過份關注，而被譽為「新碧根鮑華」既迪斯拿似乎肩負起振興德國足球既重任。出道於慕遜加柏，後來轉會哈化柏林開始發揮出「Winning Eleven妖人」級數，迪斯拿司職右翼，速度奇快，控球技術細膩，尤其以傳中落點精準同罰球極具殺傷力聞名國內外，當時哈化柏林係聯賽前五既強隊，迪斯拿既表演實在太搶眼，以至99年至02年開始睇佢踢波既人，無不讚賞佢既才華橫溢。
「When a man loves the football，can't keep his legs on nothing happened⋯」，我忽然醒起呢句歌詞可以改成迪斯拿版本，縱使佢再「技術超班」，都無法保證自己雙腿安然無恙，喺轉會拜仁之後，傷病開始來得頻密，折磨並且摧毀緊迪斯拿既職業生涯，雖然復出都有好表現，總能夠令隊友舒服接應去既傳球，「力水剛剛好」唔單止需要超高技術，仲需要冷靜清晰既頭腦，正當你讚嘆迪斯拿如何完美之際，對不起 ，佢又受傷了。
射失一球十二碼，你可以喺下一屆捲土重來，又或者好似碧咸98年世界盃被紅牌出場，受盡千夫所指，四年後韓日世界盃咪又做返「天之驕子」，但迪斯拿既悲劇色彩實在太濃郁，因傷連續缺席02、06世界盃同04歐國盃，喺拜仁傷多過踢，令到苛刻既傳媒開始「寸」迪斯拿脆弱，球迷對迪斯拿既記憶開始慢慢模糊，其實傷病固然影響迪斯拿，但國內對佢過高既期望已經成為佢巨大壓力既來源，一個熱愛足球既人何嘗唔想上場踢波，唔痛特登扮傷「逗人工」咩？但無情既人總愛說無情的說話，輿論既無情令到迪斯拿患上抑鬱症，更加令迪斯拿陷入低谷。
「哭泣聲絕冇意義，它不會扭轉分開的心意」。2006年底一場德甲聯賽，正當漢堡1：0領先拜仁之際，復出既迪斯拿交出兩球靚助攻，協助拜仁反勝，正當球迷歡喜若狂地慶祝迪斯拿回歸，一個月後迪斯拿選擇退役！27歲，黃金年齡，佢既退役應該曾經令到好多球迷「哭泣聲絕冇意義，它不會扭轉分開的心意」，「真係喊出黎」，好一個令人無限惋惜既淒美故事。
如今德國隊已經「勢頭正旺」，成為今年奪冠大熱門，迪斯拿已經從球場上既英雄變成電視機前既觀眾，作為球迷既懷念佢，又想祝福佢，開頭既然以王傑既歌詞帶入情感，最後就用葉振棠既歌詞結尾吧：「任笑聲，送走舊愁，讓美酒，洗清前事。」祝迪斯拿快樂！
PS：附上迪斯拿精華片段：http://m.youtube.com/watch?v=qVGv4boDJ0c