討人喜歡的球隊——華倫西亞

我個人係會將華倫西亞尊稱為「視覺藝術大師」。蝙蝠造型既隊徽，全白色黑邊既波衫，是但問個球迷，我諗對佢既評價都會好高。第一印象好緊要，話知第時衰到貼地，都會俾人拎出黎懷緬。本來當年歐聯四強華倫西亞淘汰列斯聯，我應該憎死華倫西亞，但因為對佢既第一印象太好，最後竟然嬲唔落，反而以後每一個賽季西甲落幕，我最想知道既就係：「華倫西亞排第幾？拎唔拎到歐聯參賽資格？有冇拎到杯賽冠軍？」.

講完第一印象，就要講下點解華倫西亞會咁得人鐘意。皆因佢地每一個時期都會出到d好有靈氣既球星，令人好難忘。例如艾馬，維辛迪，祖亞昆，大衛施華，馬達等等。何為有靈氣既球星？首先腳法一定要好，其次就係精伶乖巧，踢法醒目。往往呢類球員最得人歡心，華倫西亞就從來唔缺呢類球星。而且猛將如雲諸如文迪達，艾耶拉，安古路，巴拉查，簡尼沙利斯，大衛韋拿等等，咁既華倫西亞，點會唔令人心動？
第三，既保得住西甲席位，歐戰賽場又周不時見到佢地。99-00 00-01賽季連續兩次殺入歐聯決賽，雖然好可惜只得到亞軍。但00-01 03-04賽季捧起西甲冠軍，03-04賽季拎埋歐洲足協杯冠軍，而個屆既教練正係賓尼迪斯。

所以，無論華倫西亞家下喺西甲有幾兜踎，我精神上都會支持佢地，提起西甲，好難唔提起華倫西亞，同埋好難唔對佢地豎起大拇指。

搵資料個陣見到 藍斯有波講波 原來寫過兩篇華倫西亞既文章，歡迎大家有興趣就睇睇。

低迷中的華倫西亞：

http://football.fanpiece.com/…/%E4%BD%8E%E8%BF%B7%E4%B8%AD%…
山窮水盡疑無路 , 柳暗花明又一村 --- 華倫西亞：

http://football.fanpiece.com/…/%E5%B1%B1%E7%AA%AE%E6%B0%B4%…

而我，打BFB見人抽到一個屈機技能既安古路，所以醒起要出文讃下華倫西亞。

[喜歡我的文章又不想錯過的朋友，可以在like 專頁，並且在專頁右上角Liked/已讚好,按下Get Notifications/接收通知。]
https://www.facebook.com/footballtellhistory/