網絡爆紅：一句話惹毛具性／別意識者大賽

【Ｇ點電視綜合報導】臉書近日興起｢一句話惹毛xx大賽｣，風氣由台灣直捲香港，大專同志行動昨日（21/8）亦發起了｢一句話惹毛具性／別意識者大賽｣，網民留言顯露香港各種性別及性傾向的定型觀念和歧視，總括一下至截稿為止的留言類型：
性別定型定過定型噴霧類

世上只有媽媽好
仔女梗係跟老竇姓㗎啦！
給女孩一個家，就是嫁
好心你唔好成個男仔咁。
尼d 粗重野梗係留番俾男人做
短頭髮嘅女仔一定打波好叻
守過旺角的男人先嫁得過
讓我來跟大家介紹這位美女老師。
我好尊重女性架，唔係佢地嘅話我地點會生存係呢個世上？
女仔之家晚晚去男朋友度訓送外賣，妳俾人地屋企睇妳唔起呀！
男人老狗竟然驚曱甴！！
總之你係我女人就唔可以xxxxx
女仔之家好心你留番長頭髮著番條裙女仔點可以講粗口架
(撞左車) 個司機肯定係女人嚟嘅
唔食煙、唔飲酒、唔講粗口，都唔係男人嚟
等我地男人來..
女仔自己一個去旅行，仲去埋呢啲地方，其實我好唔鼓勵。
男人守旺角, 女人守金鐘。
任何用「女仔之家…」開頭的句子。

而我不知性權為何物類

你比人非禮？no你唔可以咁諗，當你諗野進步就唔會當佢係非禮
你都係留意下好，女仔之家係facebook咁公開講性，會比人感覺好隨便。
你去得蒲就預咗比人搞
送比我都唔屌
畀我都唔屌
下，老婆點可以告老公強姦嫁，一係你就唔好嫁佢啦。

對性小眾徹底地無知類／性小眾被標籤類

做gay做得咁sissy不如直接做女人啦
你攣架? 天生定後天架? 後天有得醫架!佢gay/les都係因為未遇啱嗟。我見幾多人到最後咪又拗返直！
tb無m
你同女仔拍拖?!嘥左喎
呢個人係我嘅同志朋友。
你咁短頭髮都唔係TB？
佢les㗎？但係佢咁靚！
你個基friend係做男定做女？
你男又得女又得咁真係唔夠你玩喎
it’s gay.
Gay 唔緊要 但可唔可以唔好係公眾地方做出黎?
點解gay咁濫係仔都上？
你係gay既？會唔會搞我架
我點會恐同，我有一個gay friend！！
你未遇到岩你嘅男仔姐，遇到嘅時候你就會變番直架啦^_^
你仲細姐，之後實會揀返男人嫁 :o）
(解釋完一番pansexual的定義)
車，咪即係Bi..
我唔係歧視, 我好尊重你地架, 不過…
咁你即係（一段關係裡面的）男嗰邊定女嗰邊？
(形容跨性別朋友) 咁如果佢地今日想做女人，聽日又想做返男人，又由得佢地啦喎？咁個社會咪好亂？
看不起性別研究類／誤解性別研究類

性別議題都冇咩好做，咁多精力既不如搞下李嘉誠呀地產商呢d階級野，打下大佬仲好喇
你除左父權同情慾自主之外有冇其他野可以講？
「我要民主！」
「性別關民主咩事」
「性別關政治咩事」
GENDER係啲好小眾好小眾既事
你地班左膠淨係識轉移視線，關性別野咩事
你讀gender先係咁諗je。
講咩性別，呢個世界有更多更重要嘅事要關心
咪鬧女人呀，陣間班女性主義者又話你物化女性乜乜乜
性別研究還是略顯膚淺 就是你們女人和性小眾的研究 而我是一個heterosexual male.
以上的說話你有說過嗎？一句說話能惹毛別人，一句說話也能改變世界。從今天起，在說話前多想一點吧！

資料整理：Mo（女同學社 x Ｇ點電視義工）