【你的離開也是愛】切勿助長垃圾波，阿迷寒冬酋長半空
「愛你變成恨你」、「恨鐵不成鋼」，相信係不少阿仙奴球迷嘅心聲。曼聯、利物浦近年試過沉淪，作為球迷必定不離不棄，但阿仙奴最令球迷失望嘅並唔係輸波，而係冇爭勝心、冇鬥心，一班少爺兵喺場上散步，後衛失波舉手，雲加賴死唔走，如果搞個「不思進取聯賽」，阿仙奴必定可以不敗奪冠。
(利申，一個不離不棄嘅失望憤怒阿迷)
曾經認識一位某英超球隊嘅球迷，佢對於球隊近年嘅戰術風格同排陣用人極度不滿，雖然球隊成績不錯，但佢堅持愛隊必須要降班重建，所以平時睇到愛隊贏波佢會表示有冇搞錯。去到咁極端嘅例好好少見，不過想帶出嘅係，有時候睇到自己嘅愛隊無可救藥，可能都會覺得不如砍掉重練啦，正係基於類似邏輯，其實近年當阿仙奴滿足於爭四之時，已經有不少球迷覺得，不如試下連歐霸都冇得踢，等雲加走咗之後重建可能仲好。
阿仙奴最近連續兩場與英超榜首曼城碰頭，先係喺聯賽盃決賽以0-3敗陣，其中梅斯達菲嘅低級失誤足以令人掟爛電視，全場比賽中阿仙奴喺曼城面前猶如英甲球隊一樣，毫無還撃之力 (對唔住侮辱咗英甲球隊，韋根都可以憑針對部署同將士用命，喺足總盃淘汰曼城) 。呢場令人失望嘅比賽之後，阿仙奴又要喺英超遇上曼城。
直播開始時，已經感到奇怪，因為鏡頭影到酋長球場下層座位疏疏落落，心諗莫非英國阿迷終於狠下心腸，用腳投票罷睇阿仙奴啲垃圾波？絕對唔出奇，如果你有睇聯賽盃決賽，就會明點解球迷都唔想睇呢場波，愛得越深嘅，越難面對呢隊阿仙奴。
聽評述講原來倫敦當日氣溫介乎攝氏 -6 至 -1 度，更曾經刮氣大風雪，所以可能有球迷因為天氣而唔出嚟睇波，不過小弟就認為一定同球隊表現有關，天氣咁凍仲要睇垃圾波？不了。
比賽中，現場仲公布官方入場人數為 58,420 ，唔係篤數咁無恥下化？照計 "Attendance" 應該係計入場人數，而唔係買飛人數，買咗飛唔嚟又何來 "Attend" 呢？根據官方資料，酋長球場容量係
59,867 ，咁即係當日官方入座率達到97.6%，開玩笑？
個人認為利物浦名宿加歷查嘅評論十分中point，佢話：
「上季，我覺得當時有啲球迷對於球會嘅憤怒，同埋出嚟鬧雲加，我覺得係唔尊重。
不過今晚我覺得情況更差，球迷已經冇興趣，嚟都唔嚟，而我都冇辦法指責佢哋。
比賽之後有啲噓聲，不過同上一季嘅憤怒好唔同。今次更加似係放棄，好似大家都喺度等緊雲加走。
而家已經好少阿仙奴球迷支持雲加做埋下一季，呢樣係好令人傷心，因為當我踢緊波嗰陣，佢同費格遜兩位喺巔峰對決，我當時覺得佢真係一個傳奇。
佢哋需要改變，即使今場係阿仙奴贏3-0，都係咁話。」
天真講句，希望所有阿仙奴球迷都罷睇比賽、罷買波衫，球會冇咗球迷咩都唔係，如果阿仙奴蝕大錢，美國佬高安基走人，雲加走人，就算要阿仙奴嚟緊幾季都排第10位，都心甘命抵，起碼試過。
Source: Sky Sports、Metro 、Sportbible
(利申，一個不離不棄嘅失望憤怒阿迷)
曾經認識一位某英超球隊嘅球迷，佢對於球隊近年嘅戰術風格同排陣用人極度不滿，雖然球隊成績不錯，但佢堅持愛隊必須要降班重建，所以平時睇到愛隊贏波佢會表示有冇搞錯。去到咁極端嘅例好好少見，不過想帶出嘅係，有時候睇到自己嘅愛隊無可救藥，可能都會覺得不如砍掉重練啦，正係基於類似邏輯，其實近年當阿仙奴滿足於爭四之時，已經有不少球迷覺得，不如試下連歐霸都冇得踢，等雲加走咗之後重建可能仲好。
阿仙奴最近連續兩場與英超榜首曼城碰頭，先係喺聯賽盃決賽以0-3敗陣，其中梅斯達菲嘅低級失誤足以令人掟爛電視，全場比賽中阿仙奴喺曼城面前猶如英甲球隊一樣，毫無還撃之力 (對唔住侮辱咗英甲球隊，韋根都可以憑針對部署同將士用命，喺足總盃淘汰曼城) 。呢場令人失望嘅比賽之後，阿仙奴又要喺英超遇上曼城。
直播開始時，已經感到奇怪，因為鏡頭影到酋長球場下層座位疏疏落落，心諗莫非英國阿迷終於狠下心腸，用腳投票罷睇阿仙奴啲垃圾波？絕對唔出奇，如果你有睇聯賽盃決賽，就會明點解球迷都唔想睇呢場波，愛得越深嘅，越難面對呢隊阿仙奴。
聽評述講原來倫敦當日氣溫介乎攝氏 -6 至 -1 度，更曾經刮氣大風雪，所以可能有球迷因為天氣而唔出嚟睇波，不過小弟就認為一定同球隊表現有關，天氣咁凍仲要睇垃圾波？不了。
比賽中，現場仲公布官方入場人數為 58,420 ，唔係篤數咁無恥下化？照計 "Attendance" 應該係計入場人數，而唔係買飛人數，買咗飛唔嚟又何來 "Attend" 呢？根據官方資料，酋長球場容量係
59,867 ，咁即係當日官方入座率達到97.6%，開玩笑？
個人認為利物浦名宿加歷查嘅評論十分中point，佢話：
「上季，我覺得當時有啲球迷對於球會嘅憤怒，同埋出嚟鬧雲加，我覺得係唔尊重。
不過今晚我覺得情況更差，球迷已經冇興趣，嚟都唔嚟，而我都冇辦法指責佢哋。
比賽之後有啲噓聲，不過同上一季嘅憤怒好唔同。今次更加似係放棄，好似大家都喺度等緊雲加走。
而家已經好少阿仙奴球迷支持雲加做埋下一季，呢樣係好令人傷心，因為當我踢緊波嗰陣，佢同費格遜兩位喺巔峰對決，我當時覺得佢真係一個傳奇。
佢哋需要改變，即使今場係阿仙奴贏3-0，都係咁話。」
天真講句，希望所有阿仙奴球迷都罷睇比賽、罷買波衫，球會冇咗球迷咩都唔係，如果阿仙奴蝕大錢，美國佬高安基走人，雲加走人，就算要阿仙奴嚟緊幾季都排第10位，都心甘命抵，起碼試過。
Source: Sky Sports、Metro 、Sportbible