真心為球壇！費Sir退而不休，傳支持短訊保「雲」
阿仙奴領隊雲加一直備受壓力，由搬入酋長球場開始，球隊就走入低谷。起初，雲加仲可以用還債作為擋箭牌，佢喺財政緊拙情況下，以一批年輕球員加上一啲平庸嘅球員，能夠連年力保歐聯資格，確實係極不容易。
不過隨球隊還清債務，能大手買入奧斯爾、山齊士等球星後，阿仙奴成績不進反退，今季終於要轉戰歐霸，以今季聯賽走勢，重奪歐聯資格只能靠歐霸奪冠。現時，就算係所謂「保雲黨」，或者都終於醒覺，雲加作為教練，已經被球壇所淘汰。唔好誤會，咁樣講絕對唔係對呢位球會傳奇不滿，佢確實係一個極其出色嘅球會管理者，對球員而言亦可能係一個「人生教練」，但喺現今球壇越嚟越講究細節調整嘅情況下，雲加呢種只會設下基本思路，任由球員踢天才波嘅教練，往往會被其他教練嘅針對部署「睇住嚟食」。
近期，阿仙奴陷入前所未有嘅低潮，連負予曼城，再被白禮頓打得毫無脾氣，只係喺歐霸作客擊敗該仗踢得更差嘅AC米蘭，稍作反彈。「Wenger out」嘅聲音自然更大，呢個時候，大概只有其他球隊嘅球迷先會力主「保雲」，因為雲加留任就代表英超有一隊易食指數爆燈嘅對手。
雲加近日就透露，原來昔日經常同佢以宿敵身分示人嘅曼聯傳奇領隊費格遜，一直喺背後默默支持佢，特別係近日喺佢陷入低谷之時：
「我收到好多現任或前任領隊嘅支持。我同費格遜現時保持好好嘅關係，冇錯佢有時會傳短訊俾我，特別係當事情唔順利嘅時候。
我哋知道大家都係坐埋一條船。我明白每一個領隊都有佢嘅問題，每一日都要面對佢自己嘅唔同情況。
我哋好團結，我都永遠支持其他領隊，我哋大家都會咁做。我帶隊出戰過820場英超同200場歐洲賽，冇唔受苦嘅可能，一定要承受唔好嘅結果。
每一個領隊都會同你講，當佢成績唔好時，第一樣影響嘅就係心情，會瞓得唔好。呢個係工作嘅一部分，如果你係一個年輕主帥，你會夢想贏下每一場比賽，但事實唔係咁樣，呢份工係關於如何面對失望同解決問題。
我收到好多人支持我嘅訊息，我好多謝佢哋。」
可惜我係一個阿迷，如果我係其他領隊，都一定會支持雲加留任啦，你話係咪？
By 誠實阿迷
Source: independent
不過隨球隊還清債務，能大手買入奧斯爾、山齊士等球星後，阿仙奴成績不進反退，今季終於要轉戰歐霸，以今季聯賽走勢，重奪歐聯資格只能靠歐霸奪冠。現時，就算係所謂「保雲黨」，或者都終於醒覺，雲加作為教練，已經被球壇所淘汰。唔好誤會，咁樣講絕對唔係對呢位球會傳奇不滿，佢確實係一個極其出色嘅球會管理者，對球員而言亦可能係一個「人生教練」，但喺現今球壇越嚟越講究細節調整嘅情況下，雲加呢種只會設下基本思路，任由球員踢天才波嘅教練，往往會被其他教練嘅針對部署「睇住嚟食」。
近期，阿仙奴陷入前所未有嘅低潮，連負予曼城，再被白禮頓打得毫無脾氣，只係喺歐霸作客擊敗該仗踢得更差嘅AC米蘭，稍作反彈。「Wenger out」嘅聲音自然更大，呢個時候，大概只有其他球隊嘅球迷先會力主「保雲」，因為雲加留任就代表英超有一隊易食指數爆燈嘅對手。
雲加近日就透露，原來昔日經常同佢以宿敵身分示人嘅曼聯傳奇領隊費格遜，一直喺背後默默支持佢，特別係近日喺佢陷入低谷之時：
「我收到好多現任或前任領隊嘅支持。我同費格遜現時保持好好嘅關係，冇錯佢有時會傳短訊俾我，特別係當事情唔順利嘅時候。
我哋知道大家都係坐埋一條船。我明白每一個領隊都有佢嘅問題，每一日都要面對佢自己嘅唔同情況。
我哋好團結，我都永遠支持其他領隊，我哋大家都會咁做。我帶隊出戰過820場英超同200場歐洲賽，冇唔受苦嘅可能，一定要承受唔好嘅結果。
每一個領隊都會同你講，當佢成績唔好時，第一樣影響嘅就係心情，會瞓得唔好。呢個係工作嘅一部分，如果你係一個年輕主帥，你會夢想贏下每一場比賽，但事實唔係咁樣，呢份工係關於如何面對失望同解決問題。
我收到好多人支持我嘅訊息，我好多謝佢哋。」
可惜我係一個阿迷，如果我係其他領隊，都一定會支持雲加留任啦，你話係咪？
By 誠實阿迷
Source: independent