球迷「反雲」呼聲愈見高漲？雲加：「我受到年齡歧視」
雲加執教阿仙奴超過20年，雖然佢曾經帶領阿仙奴不敗奪得英超冠軍，但2003-04球季就正係阿仙奴上一次贏得聯賽冠軍嘅時候，至今已經14季，球迷對雲加嘅領軍方式愈覺不滿， "Wenger Out" 嘅呼聲亦越嚟越強烈。
喺遷入酋長球場初時，雲加為咗球會財政而「限米煮限飯」，尚且可以保住歐聯參賽資格，的確係一大奇蹟。不過，近年戰術潮流多番改變，不少新派教練冒起，阿仙奴喺球會還清債務、有力收購貴價球星之時，成績每況愈下，球迷自然認為雲加嘅執教方式或者已經被球壇淘汰。
雲加現年已經68歲，外界不時猜測雲加何時退休或離開阿仙奴，近日德國傳媒《Kicker》報導，前多蒙特主帥杜曹為執教阿仙奴而拒絕拜仁慕尼黑邀請，假若消息屬實，相信佢接手嘅日子一定不遠。
雲加接受《beIN SPORTS》訪問，認為外間不斷討論佢嘅去留，以及球迷對佢敵意漸濃，係涉及年齡歧視：
「當我年紀漸大嘅時候，只會專注為球會做到最好，忽略其他嘢。
年紀越大嘅時候，就越容易被人年齡歧視。成績唔好嘅時候要負上責任，我接受。不過如果係話因為我已經留喺球會好長時間，同埋因為我年紀大，咁就好難接受。
不過講到尾，我都要接受一切批評，畢竟呢份工受到公眾關注，而且要做出成績，我接受大家基於成績去評價我。
可能我咁諗好天真，我認為當我離開嘅時候，隨住時間過去，大家會以我為球會所做嘅事嚟評價我，而唔係睇我最後一場波係贏定輸，或者嗰日有幾多人為我鼓掌。
我對於現今搞個人形象嗰一套有啲生厭，我人生以嚟一直都更在意真正嘅我係一個點嘅人，而唔係我表現出嚟係一個點嘅人，所以唔係太擔心呢啲嘢。」
Source: beIN SPORTS、Telegraph
喺遷入酋長球場初時，雲加為咗球會財政而「限米煮限飯」，尚且可以保住歐聯參賽資格，的確係一大奇蹟。不過，近年戰術潮流多番改變，不少新派教練冒起，阿仙奴喺球會還清債務、有力收購貴價球星之時，成績每況愈下，球迷自然認為雲加嘅執教方式或者已經被球壇淘汰。
雲加現年已經68歲，外界不時猜測雲加何時退休或離開阿仙奴，近日德國傳媒《Kicker》報導，前多蒙特主帥杜曹為執教阿仙奴而拒絕拜仁慕尼黑邀請，假若消息屬實，相信佢接手嘅日子一定不遠。
雲加接受《beIN SPORTS》訪問，認為外間不斷討論佢嘅去留，以及球迷對佢敵意漸濃，係涉及年齡歧視：
「當我年紀漸大嘅時候，只會專注為球會做到最好，忽略其他嘢。
年紀越大嘅時候，就越容易被人年齡歧視。成績唔好嘅時候要負上責任，我接受。不過如果係話因為我已經留喺球會好長時間，同埋因為我年紀大，咁就好難接受。
不過講到尾，我都要接受一切批評，畢竟呢份工受到公眾關注，而且要做出成績，我接受大家基於成績去評價我。
可能我咁諗好天真，我認為當我離開嘅時候，隨住時間過去，大家會以我為球會所做嘅事嚟評價我，而唔係睇我最後一場波係贏定輸，或者嗰日有幾多人為我鼓掌。
我對於現今搞個人形象嗰一套有啲生厭，我人生以嚟一直都更在意真正嘅我係一個點嘅人，而唔係我表現出嚟係一個點嘅人，所以唔係太擔心呢啲嘢。」
Source: beIN SPORTS、Telegraph