「禍首」班主交棒「太子爺」要阿仙奴請少帥，旗下美式足球隊少帥洗13年頹風
雲加接班人嘅人選，阿仙奴內部相信得幾個人可以直接影響最終決定，包括 CEO 加齊迪斯 (Ivan Gazidis)、Head of Recruitment 米斯連達 (Sven Mislintat) 、Head of Football Relations Raul Sanllehi ，當然仲有美國班主高安基 (Stan Kroenke)。近期有不少消息指出，班主高安基開始將阿仙奴事務交俾「太子爺」，講緊嘅當然唔係韋舒亞，而係「真．太子」Josh Kroenke。
（亨利與「太子」）
「禍首」班主交棒
真正熟悉阿仙奴嘅球迷，應該知道球隊搞成今時今日咁樣，班主高安基難辭其咎，呢位美國班主投資體育行業，似足買藍籌股收息，而球會營運偏偏係雲加最擅長之處，即使球隊成績連年下滑，只要財政表現好，高安基一定力撐永續雲加。
只要睇下高安基集團旗下各運動隊伍表現，大約可以了解一二：
呢張係舊年嘅圖片，高安基集團喺美國四大體育聯盟都有球隊，全部都係表現低迷，講緊唔係一季半季，而係長期沉淪、不思進取，情況比阿仙奴更甚。香港人較熟悉NBA，金塊近10年表現如何，大家清楚。
不過近來情況有所轉變，高安基開始逐步將旗下球隊事務交俾兒子Josh Kroenke負責，Josh已經喺4月獲正式任名為高安基體育集團 (Kroenke Sports and Entertainment) 副主席，早前亦接手成為旗下NBA球隊丹佛金塊、NHL冰球隊科羅拉多雪崩 (Colorado Avalanche) 嘅主席，盛傳雲加今次離隊，正係由 Josh 發出「唔走就炒」嘅最後通碟。
「太子」新人事新作風
《ESPN》報導，高安基集團較早前已經為旗下NFL 美式足球隊洛杉磯公羊 Los Angeles Rams 進行改革，呢支前超級碗得主自從2004-05球季之後，從未打入季後賽，即係處於聯賽下半版 (高安基集團2009-10球季接手)。洛杉磯公羊2016年搬球場 (似曾相識？) 重返洛杉磯，加上由2017年1月起任用當時只有30歲嘅少帥Sean McVay，成為NFL史上最年輕主教練 (現32歲)，經過一季努力，一洗多年頹風，今季以NFC第三位戰績 (類似NBA東西岸分岸排名)，相隔13季再次打入季後賽，少帥Sean McVay獲選NFL年度最佳教練。
以上經歷更令「小高安基」堅決改革阿仙奴，據悉球會高層嘅新帥候選人包括安歷基、路維及艾歷尼等已經有足夠經驗嘅主帥，但亦將會考慮一啲經驗尚淺嘅少帥，例如前阿仙奴中場、曼城助教阿迪達 (36歲) 及賀芬咸主帥尼高斯曼 (Julian Nagelsmann，30歲) ，根據《ESPN》報導，呢個要求係由阿仙奴 non-executive director 「小高安基」提出。
另一方面，「小高安基」直接負責嘅NBA球隊丹佛金塊及NHL球隊科羅拉多雪崩亦有所提升，科羅拉多雪崩同樣係今季重返季後賽，丹佛金塊就創近五年勝率新高，亦係近五年首次勝率達50%以上 (56.1%)，可惜僅僅排西岸第九位未能打入季後賽。
當然，只有內部人士清楚，到底「小高安基」喺洛杉磯公羊改革上係咪擔任主導角色，而阿仙奴今季喺巴塞同多蒙特挖來兩位高層開始架空雲加又係唔係出自佢手，不過個人認為喺「小高安基」上位同時，洛杉磯公羊同阿仙奴管理思維突變，同時丹佛金塊、科羅拉多雪崩都有所改善，同「小高安基」好難唔關事囉。
Source: ESPN
延伸閱讀:
Arsene Wenger and the story of why he really decided to leave Arsenal
How the NHL team owned by Arsenal supremo Stan Kroenke completed the most incredible sporting turnaround of the last year
（亨利與「太子」）
「禍首」班主交棒
真正熟悉阿仙奴嘅球迷，應該知道球隊搞成今時今日咁樣，班主高安基難辭其咎，呢位美國班主投資體育行業，似足買藍籌股收息，而球會營運偏偏係雲加最擅長之處，即使球隊成績連年下滑，只要財政表現好，高安基一定力撐永續雲加。
只要睇下高安基集團旗下各運動隊伍表現，大約可以了解一二：
呢張係舊年嘅圖片，高安基集團喺美國四大體育聯盟都有球隊，全部都係表現低迷，講緊唔係一季半季，而係長期沉淪、不思進取，情況比阿仙奴更甚。香港人較熟悉NBA，金塊近10年表現如何，大家清楚。
不過近來情況有所轉變，高安基開始逐步將旗下球隊事務交俾兒子Josh Kroenke負責，Josh已經喺4月獲正式任名為高安基體育集團 (Kroenke Sports and Entertainment) 副主席，早前亦接手成為旗下NBA球隊丹佛金塊、NHL冰球隊科羅拉多雪崩 (Colorado Avalanche) 嘅主席，盛傳雲加今次離隊，正係由 Josh 發出「唔走就炒」嘅最後通碟。
「太子」新人事新作風
《ESPN》報導，高安基集團較早前已經為旗下NFL 美式足球隊洛杉磯公羊 Los Angeles Rams 進行改革，呢支前超級碗得主自從2004-05球季之後，從未打入季後賽，即係處於聯賽下半版 (高安基集團2009-10球季接手)。洛杉磯公羊2016年搬球場 (似曾相識？) 重返洛杉磯，加上由2017年1月起任用當時只有30歲嘅少帥Sean McVay，成為NFL史上最年輕主教練 (現32歲)，經過一季努力，一洗多年頹風，今季以NFC第三位戰績 (類似NBA東西岸分岸排名)，相隔13季再次打入季後賽，少帥Sean McVay獲選NFL年度最佳教練。
以上經歷更令「小高安基」堅決改革阿仙奴，據悉球會高層嘅新帥候選人包括安歷基、路維及艾歷尼等已經有足夠經驗嘅主帥，但亦將會考慮一啲經驗尚淺嘅少帥，例如前阿仙奴中場、曼城助教阿迪達 (36歲) 及賀芬咸主帥尼高斯曼 (Julian Nagelsmann，30歲) ，根據《ESPN》報導，呢個要求係由阿仙奴 non-executive director 「小高安基」提出。
另一方面，「小高安基」直接負責嘅NBA球隊丹佛金塊及NHL球隊科羅拉多雪崩亦有所提升，科羅拉多雪崩同樣係今季重返季後賽，丹佛金塊就創近五年勝率新高，亦係近五年首次勝率達50%以上 (56.1%)，可惜僅僅排西岸第九位未能打入季後賽。
當然，只有內部人士清楚，到底「小高安基」喺洛杉磯公羊改革上係咪擔任主導角色，而阿仙奴今季喺巴塞同多蒙特挖來兩位高層開始架空雲加又係唔係出自佢手，不過個人認為喺「小高安基」上位同時，洛杉磯公羊同阿仙奴管理思維突變，同時丹佛金塊、科羅拉多雪崩都有所改善，同「小高安基」好難唔關事囉。
Source: ESPN
延伸閱讀:
Arsene Wenger and the story of why he really decided to leave Arsenal
How the NHL team owned by Arsenal supremo Stan Kroenke completed the most incredible sporting turnaround of the last year