廠迷新希望？阿仙奴太子爺祖殊高安基再受訪：「我哋一月會繼續採取主動」
阿仙奴近年成績一直未如理想，美國班主高安基 (Stan Kroenke) 入主以來，更未曾向球會注資協助轉會窗運作，自負盈虧嘅阿仙奴競爭力自然已被比下去，加上執教超過20年嘅雲加，令唔少球迷認為球會已失去希望。不過，管理層變動從來都係對球會發展有十分深遠嘅影響，班主高安基之子祖殊高安基 (Josh Kroenke) 逐漸接班，標誌著球會嘅新時代來臨。
功勳主帥雲加於2017-18球季離任，當時已經有不少傳言，指原因係由於已逐漸獲得放權接班管理高安基體育王國嘅「太子爺」祖殊高安基，終於忍唔住，提出要球會作出改變，逼使呢名執教22年但表現節節下滑嘅主帥離開。同時，早於該季前段及中段，球會已部署「後雲加時代」，引入前巴塞隆拿體育總監桑利耶 (Raul Sanllehi) 出任 Head of Football Relations ，以及前多蒙特首席球探米斯連達 (Sven Mislintat) 出任 Head of Recruitment ，與CEO 加齊迪斯 (Ivan Gazidis) 組成管理層鐵三角，準備仿傚其他歐陸球會對主帥權力採用分權原則嘅做法。現時，幾經人事變動後，桑利耶出任阿仙奴足球總監 (Director of Football) ，而名宿伊度 (Edu Gaspar) 就成為技術總監 (Technical Director) 。
今年39歲嘅祖殊高安基，喺2018年4月獲正式任命為高安基體育集團 (Kroenke Sports and Entertainment) 副主席，亦已於更早時間接手成為旗下NBA球隊丹佛金塊、NHL冰球隊科羅拉多雪崩 (Colorado Avalanche) 主席，喺相近時間加入阿仙奴董事局成為非執行董事。事有湊巧，高安基集團旗下NFL 美式足球隊洛杉磯公羊 (Los Angeles Rams) 自2004-05球季之後，從未打入季後賽 (直至2017球季)，但就喺2018球季再次打入最高榮譽嘅超級碗 (相當於NBA總決賽) ，係2001年以嚟首次。(註：有傳言指「老高安基」一直以阿仙奴收入補貼洛杉磯公羊，而佢亦經常現身支持洛杉磯公羊)
雖然祖殊高安基喺阿仙奴名義上只係非執行董事，而且佢對於球會運作有幾大程度嘅介入，只有內部人士先有可能知道，不過相比起其父「老高安基」甚少露面及回應球迷聲音，「小高安基」無疑作風更為開明。若果佢如傳言一樣行事作風主動，作為班主之子，有可能係真正管理球會嘅人。
2019年7月，16個阿仙奴球迷組織聯署發表公開信，狠批班主只當球會係生財工具，缺乏雄心，要求班主聆聽球迷訴求，以及改組球會管理層、增加運作透明度。當時阿仙奴現正於美國參加國際冠軍盃，「小高安基」到操練場地探望職球員，更罕有大方回應球迷訴求，喺阿仙奴官方網站以專訪影片形式播出，呢點喺「老高安基」時代簡直係天方夜談。
「小高安基」向球迷保證，球會雖然有財政上考慮，但仍有取得錦標嘅野心，有清晰嘅引援目標。佢又明確表示，鼓勵球會轉會團隊進取行動，球迷可以 ‘be excited’ 。結果，阿仙奴的確於轉會窗令球迷感到驚喜，以破球會紀錄轉會費簽下翼鋒尼高拉斯比比 (Nicolas Pépé)、左閘泰亞尼 (Kieran Tierney)、前車路士中堅大衛雷斯 (David Luiz) 、巴西小將馬天利尼 (Gabriel Martinelli)，更從皇馬借用施巴路斯 (Dani Ceballos) 。
近日，「小高安基」再次接受專訪，透露對阿仙奴營運方針已經轉變，於一月轉會窗仍然會保持主動作風，而呢個改變源於上季尾阿仙奴於歐霸決賽不敵車路士：
「喺從巴古 (Baku；歐霸決賽主辦城市) 回程嘅飛機上面，我同Vinai (Vinai Venkatesham, 董事總經理) 及 Raul (Raul Sanllehi/桑利耶, 足球總監) 傾過，然後返到球會連同 Unai (Unai Emery/艾馬利, 主帥) 開咗連日會議，我嘅主要訊息就係『進取啲睇下可以做啲乜啦 (引援) 』，然後佢哋喺轉會市場上為我哋搵到一啲令人振奮嘅好球員。」
「同車路士嗰場比賽，令我哋睇清自己。就好似喺球賽入面嘅上半場一樣，我哋睇到自己有咩不足之處，下半場要作出乜嘢改變。」
「我會話，如果我哋只係純粹為咗聽取民意而打破球會轉會費紀錄，咁我哋球會唔會有咩成績做到。我哋夏天嘅動作，其實唔係被動回應，而係主動出擊。
夏天以呢個方式展開 (球迷組織聯署) 係不幸嘅事情，但我盡力回應佢哋嘅訴求。轉會市場瞬息萬變，我哋有主要嘅轉會目標，然後進行談判，最後成功將佢哋簽下。我認為呢個對阿仙奴球迷嚟講係好值得高興，你哋估唔到我哋會做啲乜，然後我哋會為你哋帶嚟驚喜。
喺一月轉會窗，我哋唔會好高騖遠，但我哋會審視球會嘅短期目標，以及補充前進所需嘅元素，我哋會繼續主動出擊。」
另外，「小高安基」又大讚球會管理團隊及主帥艾馬利嘅工作令人滿意，向球迷大派「定心丸」，指球會擁有重奪英超冠軍嘅雄心。
BBC專訪全文見《Arsenal: Josh Kroenke on transfer window, Unai Emery & targeting Premier League title》
Source: Sky Sports、BBC
功勳主帥雲加於2017-18球季離任，當時已經有不少傳言，指原因係由於已逐漸獲得放權接班管理高安基體育王國嘅「太子爺」祖殊高安基，終於忍唔住，提出要球會作出改變，逼使呢名執教22年但表現節節下滑嘅主帥離開。同時，早於該季前段及中段，球會已部署「後雲加時代」，引入前巴塞隆拿體育總監桑利耶 (Raul Sanllehi) 出任 Head of Football Relations ，以及前多蒙特首席球探米斯連達 (Sven Mislintat) 出任 Head of Recruitment ，與CEO 加齊迪斯 (Ivan Gazidis) 組成管理層鐵三角，準備仿傚其他歐陸球會對主帥權力採用分權原則嘅做法。現時，幾經人事變動後，桑利耶出任阿仙奴足球總監 (Director of Football) ，而名宿伊度 (Edu Gaspar) 就成為技術總監 (Technical Director) 。
今年39歲嘅祖殊高安基，喺2018年4月獲正式任命為高安基體育集團 (Kroenke Sports and Entertainment) 副主席，亦已於更早時間接手成為旗下NBA球隊丹佛金塊、NHL冰球隊科羅拉多雪崩 (Colorado Avalanche) 主席，喺相近時間加入阿仙奴董事局成為非執行董事。事有湊巧，高安基集團旗下NFL 美式足球隊洛杉磯公羊 (Los Angeles Rams) 自2004-05球季之後，從未打入季後賽 (直至2017球季)，但就喺2018球季再次打入最高榮譽嘅超級碗 (相當於NBA總決賽) ，係2001年以嚟首次。(註：有傳言指「老高安基」一直以阿仙奴收入補貼洛杉磯公羊，而佢亦經常現身支持洛杉磯公羊)
雖然祖殊高安基喺阿仙奴名義上只係非執行董事，而且佢對於球會運作有幾大程度嘅介入，只有內部人士先有可能知道，不過相比起其父「老高安基」甚少露面及回應球迷聲音，「小高安基」無疑作風更為開明。若果佢如傳言一樣行事作風主動，作為班主之子，有可能係真正管理球會嘅人。
2019年7月，16個阿仙奴球迷組織聯署發表公開信，狠批班主只當球會係生財工具，缺乏雄心，要求班主聆聽球迷訴求，以及改組球會管理層、增加運作透明度。當時阿仙奴現正於美國參加國際冠軍盃，「小高安基」到操練場地探望職球員，更罕有大方回應球迷訴求，喺阿仙奴官方網站以專訪影片形式播出，呢點喺「老高安基」時代簡直係天方夜談。
「小高安基」向球迷保證，球會雖然有財政上考慮，但仍有取得錦標嘅野心，有清晰嘅引援目標。佢又明確表示，鼓勵球會轉會團隊進取行動，球迷可以 ‘be excited’ 。結果，阿仙奴的確於轉會窗令球迷感到驚喜，以破球會紀錄轉會費簽下翼鋒尼高拉斯比比 (Nicolas Pépé)、左閘泰亞尼 (Kieran Tierney)、前車路士中堅大衛雷斯 (David Luiz) 、巴西小將馬天利尼 (Gabriel Martinelli)，更從皇馬借用施巴路斯 (Dani Ceballos) 。
近日，「小高安基」再次接受專訪，透露對阿仙奴營運方針已經轉變，於一月轉會窗仍然會保持主動作風，而呢個改變源於上季尾阿仙奴於歐霸決賽不敵車路士：
「喺從巴古 (Baku；歐霸決賽主辦城市) 回程嘅飛機上面，我同Vinai (Vinai Venkatesham, 董事總經理) 及 Raul (Raul Sanllehi/桑利耶, 足球總監) 傾過，然後返到球會連同 Unai (Unai Emery/艾馬利, 主帥) 開咗連日會議，我嘅主要訊息就係『進取啲睇下可以做啲乜啦 (引援) 』，然後佢哋喺轉會市場上為我哋搵到一啲令人振奮嘅好球員。」
「同車路士嗰場比賽，令我哋睇清自己。就好似喺球賽入面嘅上半場一樣，我哋睇到自己有咩不足之處，下半場要作出乜嘢改變。」
「我會話，如果我哋只係純粹為咗聽取民意而打破球會轉會費紀錄，咁我哋球會唔會有咩成績做到。我哋夏天嘅動作，其實唔係被動回應，而係主動出擊。
夏天以呢個方式展開 (球迷組織聯署) 係不幸嘅事情，但我盡力回應佢哋嘅訴求。轉會市場瞬息萬變，我哋有主要嘅轉會目標，然後進行談判，最後成功將佢哋簽下。我認為呢個對阿仙奴球迷嚟講係好值得高興，你哋估唔到我哋會做啲乜，然後我哋會為你哋帶嚟驚喜。
喺一月轉會窗，我哋唔會好高騖遠，但我哋會審視球會嘅短期目標，以及補充前進所需嘅元素，我哋會繼續主動出擊。」
另外，「小高安基」又大讚球會管理團隊及主帥艾馬利嘅工作令人滿意，向球迷大派「定心丸」，指球會擁有重奪英超冠軍嘅雄心。
BBC專訪全文見《Arsenal: Josh Kroenke on transfer window, Unai Emery & targeting Premier League title》
Source: Sky Sports、BBC