從阿仙奴被白禮頓逼到一棟都冇，看阿迪達後場組織哲學的問題
一場橫風橫雨嘅硬仗過後，阿仙奴以0:0賽和主隊白禮頓，可以話只係守和對手。整體而言，阿仙奴全場受制於對手執行得極佳嘅前場逼搶，只有零星組織攻勢嘅機會，白禮頓方面更能於死球靠高大球員威脅阿仙奴後防，奈何主隊球員門前把握力，以至於關鍵地帶判斷能力較弱，導致未能入球。同時，阿仙奴後防受壓之下表現都唔算差，可以話已經「盡做」，但球隊體系中一直未見應對壓逼嘅策略，加上雨戰令阿仙奴最需要嘅轉守為攻速率受限，進攻端表現亦都無疑令球迷失望。
由一眾網上討論可見，大多球迷都接受白禮頓係較佳一方，的確係事實。白禮頓主帥樸達能夠拎住呢一班波，憑戰術佈置成為一支有力為任何英超球隊帶嚟麻煩嘅球隊，值得尊敬。白禮頓現階段已進佔聯賽榜前列位置，佢哋嘅成功不僅有賴於樸達，亦有賴於負責挑選主帥、處理球員買賣等幕後管理團隊嘅出色工作，例如白禮頓賣出賓韋治賺到5000萬鎊，但只花1600萬鎊就簽下今仗光芒死射嘅古古利拿，相信球迷可以真正”trust the process”，對比之下阿仙奴嘅管理簡直係相形見拙。今場可以講嘅地方好多，但今次想集中講一個問題，就係阿仙奴後場組織完全受制於白禮頓逼搶嘅問題。
個人層面
藍斯度今仗表現仍然出色，有神救力保不失，不過老實講，對手嘅射門決定及埋門質素亦都相當有限，考驗不大。賓韋治其實近兩仗防守表現已經有改善，同樣係已經「盡做」，整體表現仍在提升中。不過，對於兩位因為所謂「用波」能力而被球隊睇中嘅球員嚟講，今仗正係佢哋嘅一大考驗，但兩位都未能喺呢方面用個人能力化解球隊嘅困境，呢點係令人失望嘅，當然責任亦並非全在兩位身上（稍後會講到）。話雖如此，除咗整體戰術層面，球員個人層面仍然有可以做得更好嘅地方，藍斯度尚且有撲救、指揮防線及士氣方面嘅明顯貢獻，賓韋治就喺防守上亮眼之處不多之餘，所標榜嘅「用波」能力亦未見。正如早一兩篇文章中所講，賓韋治如今處境，令筆者諗起加盟曼城之初嘅史東斯，單防能力不堪入目，擅長嘅用波亦不過爾爾，更不時有致命失誤。
個人意見認為，所謂「用波」能力，需要嘅唔止遠遠唔止係長短傳質素、腳下功夫，仲有閱讀球賽能力等心理質素，而當中最最最重要嘅，其實係破解前場逼搶嘅能力。試想像，喺對手逼搶能力唔強之下，其實一班普通嘅後防球員都可以猜到個波，最多只係傳唔到一個靚長傳出去；不過喺對手高強度壓逼之下，仍然做得到後場組織，先係「用波型」球員值錢之處。喺呢個情況之下，球員需要洞察對手逼搶嘅策略，尋找另一個出路去瓦解對手嘅逼搶，喺做得到呢樣嘢嘅前提之下，一切技術，如傳控能力、盤扭能力，先至係有意義。
對白禮頓一仗，阿仙奴中後場球員正正係未能做到破解逼搶呢一點。之前幾場比賽，小弟曾經指出湯瑪士柏堤雖然表現精彩，但有一個值得挑剔嘅地方，就係佢被般尼雙前鋒針對性遮線孤立，阻止佢拎波，但佢未有做出任何嘗試去走出呢個困局。今仗呢個問題係涉及整個中後場，藍斯度、賓韋治、加比爾、泰亞尼及富安健洋固然都應該有各自嘅角色分工同責任，但相信被指望擔任「用波型」門將及中堅嘅藍斯度及賓韋治喺呢方面特別需要改善，佢哋能夠確保喺安全嘅情況下將個傳出去，或適當時候選擇放棄球權，但呢一點只係基本嘅要求，真正可以展現心「用波型」門將及中堅價值嘅其實係洞察力。不過既然講到整個中後場都無法應對逼搶，咁好明顯個問題喺邊度啦？喺社會上，一個人有問題可能係個別事件，但個個都有問題，就係社會問題、制度問題。一隊波個個都有問題，就係戰術問題、教練問題、管理問題。
戰術層面
個別球員透過自己喺場上嘅觀察去作出臨場應變當然係相當重要嘅一環，但與其全部歸疚球員個人質素，領隊嘅佈置、觀察、應對、臨場指揮，先係問題嘅根本。否則，樸達根本冇可能將白禮頓改造成今日呢一隊波，呢一點正正顯示咗樸達嘅能力。所以，雖然上述提到個別球員缺乏洞悉及拆解逼搶嘅能力，但需要負上全責嘅係領隊阿迪達。
如圖所見，每一次阿仙奴喺後場控波，白禮頓都派出最少4人遮線，減少傳球選擇。藍斯度開龍門球只能選擇開長波，但阿仙奴前場爭頂遠遠不如白禮頓後防球員，變相不斷將球權交還俾白禮頓。阿仙奴一度成功透過快速傳身後波，利用白禮頓後防較慢嘅弱點，但由於大風大雨影響行軍速度（但白禮頓仍可以如常猜傳），幾次機會都未能好好把握，而且成功做出呢種攻勢嘅機會亦都唔多。同時，呢種場面其實相當適合拿卡錫迪呢種擅長背身護球及「彈陣波」嘅球員，佢回後「彈波」拉扯對手後防，有助利用白禮頓因進取逼搶及後防速度慢而留低嘅空位，可見阿迪達唔係完全冇反應，但換得太遲。
最後講返用波問題，阿迪達極力主張球隊要由後場組織，亦係球隊購入藍斯度及賓韋治嘅原因之一，但既然呢個係阿迪達嘅戰術理念，為何阿仙奴一而再、再而三陷於對手壓逼之中，苦無應對方法？阿迪達喺日常訓練中，有冇訓練球員破解壓逼嘅方法，佢自己喺臨場指揮中有冇觀察及破解壓逼嘅能力？畢竟，正如前文所講，真正嘅「用波」係要喺有壓力之下仍然做到，先係有價值。呢一場波入面，球隊被對手壓到半場都過唔到嘅時候，阿迪達有冇應對方法傳達到俾球員？除咗更多長傳到前場之外，似乎睇唔到其他阿迪達有其他應對。問題係，如果每次人哋一逼你就大腳，其他球隊睇到都會照做，然後阿仙奴呢一季每一場波都係後場猜唔到，下下大腳踢上前，咁阿迪達仲有咩本錢擁抱後場組織作為戰術理念？呢一點佢要好好反省。個人並唔反對後場組織，問題係點樣執行，有冇周全嘅策略去應對對手嘅針對部署。
由一眾網上討論可見，大多球迷都接受白禮頓係較佳一方，的確係事實。白禮頓主帥樸達能夠拎住呢一班波，憑戰術佈置成為一支有力為任何英超球隊帶嚟麻煩嘅球隊，值得尊敬。白禮頓現階段已進佔聯賽榜前列位置，佢哋嘅成功不僅有賴於樸達，亦有賴於負責挑選主帥、處理球員買賣等幕後管理團隊嘅出色工作，例如白禮頓賣出賓韋治賺到5000萬鎊，但只花1600萬鎊就簽下今仗光芒死射嘅古古利拿，相信球迷可以真正”trust the process”，對比之下阿仙奴嘅管理簡直係相形見拙。今場可以講嘅地方好多，但今次想集中講一個問題，就係阿仙奴後場組織完全受制於白禮頓逼搶嘅問題。
個人層面
藍斯度今仗表現仍然出色，有神救力保不失，不過老實講，對手嘅射門決定及埋門質素亦都相當有限，考驗不大。賓韋治其實近兩仗防守表現已經有改善，同樣係已經「盡做」，整體表現仍在提升中。不過，對於兩位因為所謂「用波」能力而被球隊睇中嘅球員嚟講，今仗正係佢哋嘅一大考驗，但兩位都未能喺呢方面用個人能力化解球隊嘅困境，呢點係令人失望嘅，當然責任亦並非全在兩位身上（稍後會講到）。話雖如此，除咗整體戰術層面，球員個人層面仍然有可以做得更好嘅地方，藍斯度尚且有撲救、指揮防線及士氣方面嘅明顯貢獻，賓韋治就喺防守上亮眼之處不多之餘，所標榜嘅「用波」能力亦未見。正如早一兩篇文章中所講，賓韋治如今處境，令筆者諗起加盟曼城之初嘅史東斯，單防能力不堪入目，擅長嘅用波亦不過爾爾，更不時有致命失誤。
個人意見認為，所謂「用波」能力，需要嘅唔止遠遠唔止係長短傳質素、腳下功夫，仲有閱讀球賽能力等心理質素，而當中最最最重要嘅，其實係破解前場逼搶嘅能力。試想像，喺對手逼搶能力唔強之下，其實一班普通嘅後防球員都可以猜到個波，最多只係傳唔到一個靚長傳出去；不過喺對手高強度壓逼之下，仍然做得到後場組織，先係「用波型」球員值錢之處。喺呢個情況之下，球員需要洞察對手逼搶嘅策略，尋找另一個出路去瓦解對手嘅逼搶，喺做得到呢樣嘢嘅前提之下，一切技術，如傳控能力、盤扭能力，先至係有意義。
對白禮頓一仗，阿仙奴中後場球員正正係未能做到破解逼搶呢一點。之前幾場比賽，小弟曾經指出湯瑪士柏堤雖然表現精彩，但有一個值得挑剔嘅地方，就係佢被般尼雙前鋒針對性遮線孤立，阻止佢拎波，但佢未有做出任何嘗試去走出呢個困局。今仗呢個問題係涉及整個中後場，藍斯度、賓韋治、加比爾、泰亞尼及富安健洋固然都應該有各自嘅角色分工同責任，但相信被指望擔任「用波型」門將及中堅嘅藍斯度及賓韋治喺呢方面特別需要改善，佢哋能夠確保喺安全嘅情況下將個傳出去，或適當時候選擇放棄球權，但呢一點只係基本嘅要求，真正可以展現心「用波型」門將及中堅價值嘅其實係洞察力。不過既然講到整個中後場都無法應對逼搶，咁好明顯個問題喺邊度啦？喺社會上，一個人有問題可能係個別事件，但個個都有問題，就係社會問題、制度問題。一隊波個個都有問題，就係戰術問題、教練問題、管理問題。
戰術層面
個別球員透過自己喺場上嘅觀察去作出臨場應變當然係相當重要嘅一環，但與其全部歸疚球員個人質素，領隊嘅佈置、觀察、應對、臨場指揮，先係問題嘅根本。否則，樸達根本冇可能將白禮頓改造成今日呢一隊波，呢一點正正顯示咗樸達嘅能力。所以，雖然上述提到個別球員缺乏洞悉及拆解逼搶嘅能力，但需要負上全責嘅係領隊阿迪達。
如圖所見，每一次阿仙奴喺後場控波，白禮頓都派出最少4人遮線，減少傳球選擇。藍斯度開龍門球只能選擇開長波，但阿仙奴前場爭頂遠遠不如白禮頓後防球員，變相不斷將球權交還俾白禮頓。阿仙奴一度成功透過快速傳身後波，利用白禮頓後防較慢嘅弱點，但由於大風大雨影響行軍速度（但白禮頓仍可以如常猜傳），幾次機會都未能好好把握，而且成功做出呢種攻勢嘅機會亦都唔多。同時，呢種場面其實相當適合拿卡錫迪呢種擅長背身護球及「彈陣波」嘅球員，佢回後「彈波」拉扯對手後防，有助利用白禮頓因進取逼搶及後防速度慢而留低嘅空位，可見阿迪達唔係完全冇反應，但換得太遲。
最後講返用波問題，阿迪達極力主張球隊要由後場組織，亦係球隊購入藍斯度及賓韋治嘅原因之一，但既然呢個係阿迪達嘅戰術理念，為何阿仙奴一而再、再而三陷於對手壓逼之中，苦無應對方法？阿迪達喺日常訓練中，有冇訓練球員破解壓逼嘅方法，佢自己喺臨場指揮中有冇觀察及破解壓逼嘅能力？畢竟，正如前文所講，真正嘅「用波」係要喺有壓力之下仍然做到，先係有價值。呢一場波入面，球隊被對手壓到半場都過唔到嘅時候，阿迪達有冇應對方法傳達到俾球員？除咗更多長傳到前場之外，似乎睇唔到其他阿迪達有其他應對。問題係，如果每次人哋一逼你就大腳，其他球隊睇到都會照做，然後阿仙奴呢一季每一場波都係後場猜唔到，下下大腳踢上前，咁阿迪達仲有咩本錢擁抱後場組織作為戰術理念？呢一點佢要好好反省。個人並唔反對後場組織，問題係點樣執行，有冇周全嘅策略去應對對手嘅針對部署。