《世界波》心中的世界波
每個人心目中都有佢獨特自選嘅世界波。
《世界波》成立一個月，今次希望可以同大家分享下我地心目中嘅世界波。
────────────────────────────────────────────────────────────────────
世界級護空門 - 謝利
一名前鋒要入波，首先要過到龍門嘅十指關，之後要睇下龍門最好嘅朋友「門柱」有無阻住，最後仲要睇下有無後衛返黎「護空門」，遇唔到上述既情況，呢球抵入啦！
「世界級護空門」，筆者諗起一球近年經典，2010年葡萄牙對西班牙友誼賽，上半場中後段C朗由前半場40多碼直搗黃龍，殺入對手禁區後扣過碧基，之後搓一腳笠射過當時球會隊友-西班牙隊長卡斯拿斯。有印象嘅球迷們，大家當時應該同筆者一樣，心諗「呢球仲唔係C朗代表作嘅其中一個金球？」
心水清嘅球迷們就知道，當個波飛緊入白界線之際，白界線前出現左一位白衫球員（西班牙係著紅衫），將個波頂入網，球證吹雞，判入球無效！原來頂入波既球員越位在先，呢位締造世界級護空門嘅唔係對手，正正係C朗嘅前曼聯隊友蘭尼。C朗當時嘅反應超激動，拍了草地幾下，甚至將隊長臂章掟落地下，持續多時都未平息到。
被人截糊而且七情上面既C朗..
重溫當時比賽片段
https://www.youtube.com/watch?v=hc_glcb1srI
雖然係一場無關痛癢既友誼賽，最後仲要大勝4:0，但係傳媒點會放棄製造呢個咁大既討論話題呢，大肆報導蘭尼獨食毀C朗金球，篇幅完全蓋過贏波呢個消息。呢件事之後睇佢地兩位比賽，雙方都好似有芥蒂咁，互不瞅睬，隔左一段長時間先和好如初。
「不怕神一般的對手，只怕豬一般的隊友」世界級護空門可以都唔係對手，可以係自己既隊友！
────────────────────────────────────────────────────────────────────
世界波入球 - 李威廉
今次這個專題, 筆者將會同大家睇一些筆者認為係世界波的入球！有留意我們專頁或這裡專欄的, 都會知道筆者主力係睇本地足球的。不過，其實香港的球員都曾經作出很多不同的高難度入球。而這些「世界波」入球真的令人回味無窮，講多無謂，即刻去片！
1. 李海強 - 巴克萊亞洲錦標賽 2007 南華 1-3 利物浦
相信有留意本地足球既球迷絕對不會忘記這一幕! 在2007年的巴克萊亞洲錦標賽中，當時南華隊長李海強施展他的罰球絕技，在中場前一點的位置直射，令到利物浦既門將卡遜都要俯首稱臣!
https://www.youtube.com/watch?v=Zd3h_CO-CJc
2. 曾文輝 香港甲組聯賽 2011 天水圍飛馬2-3四海流浪
曾文輝上季外借效力黃大仙時有十分出色的表現，但球迷們又是否記得他曾經射破天水圍飛馬門將何國泉的十指關? 當時第一次為流浪上陣、只得19歲的曾文輝於自己禁區大力開生球，想不到球在彈地後直接笠死何國泉，令曾文輝作為門將竟然首次上陣便有波入!
https://www.youtube.com/watch?v=mdqAC9G6p3Q
3. 陳肇麒 - 友誼賽 2010 南華 2-0 熱刺
陳7貴為港隊史上最多產的射手，當中不乏一些精彩入球。而當中在2010的季前賽所入的這一球，間接令他得到往熱刺試訓的機會。去片! (入球出現在0:27)
https://www.youtube.com/watch?v=PJa9m5cnTwo
4. 陳偉豪 - 亞洲盃外圍賽 2013 香港 1-0 越南
其實這一球基本上不能算是世界波，但說實話筆者實在很喜歡這個入球。因此容許我把他也當作世界波吧! 話說當時亞洲盃外圍賽香港主場迎戰越南，雙方互有攻守，但無奈戰至尾段也沒法取得入球。就在這時(87分鐘)港隊隊長大豪接應張健峰的自動導航傳中的自由球一頂入網! 這種在比賽末段入波的感覺真是冇得頂! 並把全場氣氛推至高峰!
https://www.youtube.com/watch?v=gZQL6nbuQW4
總結來說，其實香港波都有好多高質素的入球可以稱得上係世界波，希望將來有更加多的球迷入場支持本地足球吧！
────────────────────────────────────────────────────────────────────
世界級插水 - 列奧C
古往今來，無論你身處英、西、意、法、德，係球王定係球員，插水都無處不在。
小編無意作道德審判，不過睇波個陣笑下都唔係一件壞事。
https://www.youtube.com/watch?v=3pmMR-IOp9c
講到難忘嘅世界級插水，唔可以唔提那年頭嘅西甲打呲，飛沙劈石，功夫足球和插水一幕幕。
其中韋拿(David Villa)同艾比路亞(Álvaro Arbeloa)互相追逐皮球，各不杷讓。進入最後直路階段，突然雙雙倒下。倒地嘅兩人繼續纏鬥，韋拿率先出招，借倒地去勢一腳踢去艾比路亞腰間。艾比路亞當然唔會善擺甘休，起身個陣順勢「睇你唔到」，一野踩落韋拿右腳後小腿。韋拿馬上倒地大叫，掙扎不止。
https://www.youtube.com/watch?v=Qcux_nNLGQE
經典一刻出現，艾比路亞同沙治奧‧拉莫斯(Sergio Ramos)見到韋拿倒地滾動尖叫，二話不說就將佢一野「的」起身。而被「的」起嘅韋拿，突然劇痛消失，全身充滿能量，單人匹馬力敵艾比路亞同沙治奧‧拉莫斯。
艾比路亞被踢後踩落韋拿到報復係事實，不過韋拿嘅痛楚程度用演技去誇大相信同樣都無爭議嘅餘地。
誰對誰錯？唔知。因為小編相信所有事都無絕對嘅一面。
只能慨嘆個位係華倫西亞時期，擔起隊長一職，一劍封喉嘅蝙蝠王去左邊？
────────────────────────────────────────────────────────────────────世界級重炮 - 洛迪高
洛迪高踢波係守龍，幾刁鑽射門都唔怕，但係重炮都真係令我縮一縮。講起世界級重炮，卡路士係我心目中真係世界第一。
https://www.youtube.com/watch?v=3ECoR__tJNQ呢球波，唔好講力度，連角度都有埋…我偶像都無晒反應。
https://www.youtube.com/watch?v=CCgi5rG9WuQ有啲真係波影都唔見架…
你話如果單刀咁揪埋黎，真係死人架…
────────────────────────────────────────────────────────────────────
以上就係《世界波》仝人挑選嘅世界級情境。
每個人心目中都有佢獨特自選嘅世界波。大家心目中又有咩世界級畫面令你一生難忘？
歡迎大家同我地一齊分享一下！
https://m.facebook.com/hereisworldball
《世界波》成立一個月，今次希望可以同大家分享下我地心目中嘅世界波。
────────────────────────────────────────────────────────────────────
世界級護空門 - 謝利
一名前鋒要入波，首先要過到龍門嘅十指關，之後要睇下龍門最好嘅朋友「門柱」有無阻住，最後仲要睇下有無後衛返黎「護空門」，遇唔到上述既情況，呢球抵入啦！
「世界級護空門」，筆者諗起一球近年經典，2010年葡萄牙對西班牙友誼賽，上半場中後段C朗由前半場40多碼直搗黃龍，殺入對手禁區後扣過碧基，之後搓一腳笠射過當時球會隊友-西班牙隊長卡斯拿斯。有印象嘅球迷們，大家當時應該同筆者一樣，心諗「呢球仲唔係C朗代表作嘅其中一個金球？」
心水清嘅球迷們就知道，當個波飛緊入白界線之際，白界線前出現左一位白衫球員（西班牙係著紅衫），將個波頂入網，球證吹雞，判入球無效！原來頂入波既球員越位在先，呢位締造世界級護空門嘅唔係對手，正正係C朗嘅前曼聯隊友蘭尼。C朗當時嘅反應超激動，拍了草地幾下，甚至將隊長臂章掟落地下，持續多時都未平息到。
被人截糊而且七情上面既C朗..
重溫當時比賽片段
https://www.youtube.com/watch?v=hc_glcb1srI
雖然係一場無關痛癢既友誼賽，最後仲要大勝4:0，但係傳媒點會放棄製造呢個咁大既討論話題呢，大肆報導蘭尼獨食毀C朗金球，篇幅完全蓋過贏波呢個消息。呢件事之後睇佢地兩位比賽，雙方都好似有芥蒂咁，互不瞅睬，隔左一段長時間先和好如初。
「不怕神一般的對手，只怕豬一般的隊友」世界級護空門可以都唔係對手，可以係自己既隊友！
────────────────────────────────────────────────────────────────────
世界波入球 - 李威廉
今次這個專題, 筆者將會同大家睇一些筆者認為係世界波的入球！有留意我們專頁或這裡專欄的, 都會知道筆者主力係睇本地足球的。不過，其實香港的球員都曾經作出很多不同的高難度入球。而這些「世界波」入球真的令人回味無窮，講多無謂，即刻去片！
1. 李海強 - 巴克萊亞洲錦標賽 2007 南華 1-3 利物浦
相信有留意本地足球既球迷絕對不會忘記這一幕! 在2007年的巴克萊亞洲錦標賽中，當時南華隊長李海強施展他的罰球絕技，在中場前一點的位置直射，令到利物浦既門將卡遜都要俯首稱臣!
https://www.youtube.com/watch?v=Zd3h_CO-CJc
2. 曾文輝 香港甲組聯賽 2011 天水圍飛馬2-3四海流浪
曾文輝上季外借效力黃大仙時有十分出色的表現，但球迷們又是否記得他曾經射破天水圍飛馬門將何國泉的十指關? 當時第一次為流浪上陣、只得19歲的曾文輝於自己禁區大力開生球，想不到球在彈地後直接笠死何國泉，令曾文輝作為門將竟然首次上陣便有波入!
https://www.youtube.com/watch?v=mdqAC9G6p3Q
3. 陳肇麒 - 友誼賽 2010 南華 2-0 熱刺
陳7貴為港隊史上最多產的射手，當中不乏一些精彩入球。而當中在2010的季前賽所入的這一球，間接令他得到往熱刺試訓的機會。去片! (入球出現在0:27)
https://www.youtube.com/watch?v=PJa9m5cnTwo
4. 陳偉豪 - 亞洲盃外圍賽 2013 香港 1-0 越南
其實這一球基本上不能算是世界波，但說實話筆者實在很喜歡這個入球。因此容許我把他也當作世界波吧! 話說當時亞洲盃外圍賽香港主場迎戰越南，雙方互有攻守，但無奈戰至尾段也沒法取得入球。就在這時(87分鐘)港隊隊長大豪接應張健峰的自動導航傳中的自由球一頂入網! 這種在比賽末段入波的感覺真是冇得頂! 並把全場氣氛推至高峰!
https://www.youtube.com/watch?v=gZQL6nbuQW4
總結來說，其實香港波都有好多高質素的入球可以稱得上係世界波，希望將來有更加多的球迷入場支持本地足球吧！
────────────────────────────────────────────────────────────────────
世界級插水 - 列奧C
古往今來，無論你身處英、西、意、法、德，係球王定係球員，插水都無處不在。
小編無意作道德審判，不過睇波個陣笑下都唔係一件壞事。
https://www.youtube.com/watch?v=3pmMR-IOp9c
講到難忘嘅世界級插水，唔可以唔提那年頭嘅西甲打呲，飛沙劈石，功夫足球和插水一幕幕。
其中韋拿(David Villa)同艾比路亞(Álvaro Arbeloa)互相追逐皮球，各不杷讓。進入最後直路階段，突然雙雙倒下。倒地嘅兩人繼續纏鬥，韋拿率先出招，借倒地去勢一腳踢去艾比路亞腰間。艾比路亞當然唔會善擺甘休，起身個陣順勢「睇你唔到」，一野踩落韋拿右腳後小腿。韋拿馬上倒地大叫，掙扎不止。
https://www.youtube.com/watch?v=Qcux_nNLGQE
經典一刻出現，艾比路亞同沙治奧‧拉莫斯(Sergio Ramos)見到韋拿倒地滾動尖叫，二話不說就將佢一野「的」起身。而被「的」起嘅韋拿，突然劇痛消失，全身充滿能量，單人匹馬力敵艾比路亞同沙治奧‧拉莫斯。
艾比路亞被踢後踩落韋拿到報復係事實，不過韋拿嘅痛楚程度用演技去誇大相信同樣都無爭議嘅餘地。
誰對誰錯？唔知。因為小編相信所有事都無絕對嘅一面。
只能慨嘆個位係華倫西亞時期，擔起隊長一職，一劍封喉嘅蝙蝠王去左邊？
────────────────────────────────────────────────────────────────────世界級重炮 - 洛迪高
洛迪高踢波係守龍，幾刁鑽射門都唔怕，但係重炮都真係令我縮一縮。講起世界級重炮，卡路士係我心目中真係世界第一。
https://www.youtube.com/watch?v=3ECoR__tJNQ呢球波，唔好講力度，連角度都有埋…我偶像都無晒反應。
https://www.youtube.com/watch?v=CCgi5rG9WuQ有啲真係波影都唔見架…
你話如果單刀咁揪埋黎，真係死人架…
────────────────────────────────────────────────────────────────────
以上就係《世界波》仝人挑選嘅世界級情境。
每個人心目中都有佢獨特自選嘅世界波。大家心目中又有咩世界級畫面令你一生難忘？
歡迎大家同我地一齊分享一下！
https://m.facebook.com/hereisworldball