曼聯－摩氏情歌
如果雲戈爾話已經畀傳媒炒咗4,5,6次，咁摩連奴都已經教咗曼聯好多次。而家摩佬真係好似君臨曼聯（截稿時未官宣），又會如何喺夢劇場上演佢嘅摩氏情歌？
又到洛迪高無責任空想時間！
龍門：
迪基亞近來表現咁好，摩佬斷估唔會趕佢走卦…至於羅美路似乎幾滿意打後備…如果佢繼續可以喺國家隊打正選，應該都唔會走！
後衛：
後防線嚟講，曼聯好似好齊腳但有啲球員比較易傷，同未必夠級數。首先比連特唔會再去打中堅開角球…健健康康嘅鐘斯就可以變做下個伊雲洛域打右閘，鐘斯初加盟曼聯時打呢個位都好有衝擊力。左閘洛荷成季除咗傷，就係畀人彈，相信未必有得留低。達米安就可以好似艾斯派古達咁樣，睇需要打晒左右邊。咁數落中堅唔多夠人? 買囉！上年夏天摩佬係車仔追史東斯未竟全功，今年喺曼聯應該都唔會收手，點解？因為佢首選華拉尼，皇馬未必咁易放嘅。
中場：
老將卡域克就完約但未傾續約，相信唔走的話，續完約都係後備多。摩佬上年都好似追過普巴架，嚟到曼聯咪可以叫佢愛回家囉！至於小豬雖然喺雲戈爾愛將，但如果佢開季可以健康，都可以一用。至於有傳摩佬想買馬迪，其實曼聯陣中都有一個防中，就係舒尼達連喇，相信佢可以勝任類似馬迪咁嘅角色。至於靴里拉，都可以好似奧斯卡咁做一個防守式攻中，畢竟兩位都相當有活力。相信摩佬嚟到一大焦點係馬達…馬達因為唔夠防守能力而離開車仔，所以先會有「做老豆（摩連奴）情人，又要攻又要守九項全能」呢個改詞。筆者就覺得馬達fans唔洗咁絕望，因為佢今年喺防守上都幾肯跑，加上係球迷寵兒，相信第一個唔會郁佢！至於迪比喇喎，佢特別同夏世三相似，如果佢有心踢，操起過世三嘅摩佬，可能可以將迪比變做迪四喇，世四呀！
喺錯失連拿度山齊士後，摩佬都要買下人喇，另一位葡萄牙中場祖奧馬利奧就納入曼聯法眼。（我以為佢係費蘭度又以為佢係費南甸奴）
馬體會中場沙奧尼古斯都引到曼聯流晒口水
講到重磅，唔少得仲吹緊嘅占士仔
講咁多中場，差啲數漏咗又係雲戈爾愛將白蘭特同要去打墮後中場嘅隊長朗尼…前者前途未卜，朗尼應該可以繼續喺曼聯同大家見面。
前鋒：
應該又係變動比較多嘅位置，伊巴傳咗好耐唔在講，仲話做埋助教真係有少少誇…
仲有將會離開愛華頓嘅盧卡古。咩話？當年摩佬趕走佢? 本人講過無hard feeling架。
今年都幾fit嘅馬斯亞相信都會回歸中鋒喇。
青訓：相信大家睇咗咁多，會怪我未提青訓。摩佬雖然畀人話唔用，不過其實基於成績壓力，佢有時真係會用少啲，但其實佢都唔係完全唔用青訓！相信喺曼聯環境相對寬鬆，佢都會適當時候用嘅，筆者都相信曼聯都會叫佢用，唔可以破壞傳統。 (自1937年起，曼聯每年都有青年軍喺一軍上陣) 。小編特別想提下兩位，首先係足總盃奠勝功臣連格特。連格特特點在於無球跑動，其實呢方面同季初車路士時摩佬力主購入嘅柏度有啲相似，當然講級數連格特緊係未到，但相信佢都會有機會上陣。至於今季彈起嘅拉舒福特，相信都唔會外借，會留喺球會做後備殺手同學下野，咁幾線作戰，多個前鋒無壞嘅，何況都唔好學雲帥之前咁一次過清走3件前鋒，咪搞到今年英超入得49球，係曼聯英超史上最少…
至於好似彭利拿咁，相信摩佬新一季唔會畀太少機會，所以好好把握啦！
勁估開季正選陣容（講明FF，希望大家唔好插喇~~）：
歡迎大家上黎世界波一齊講下波，風花雪月一番你嘅LIKE係我地嘅原動力
https://www.facebook.com/hereisworldball
最新Instagram :WORLD_FOOTBALLHK
=======================================================================
世界波最新競爭遊戲 : 歐國論戰 - 快D入黎我地個page估下邊個國家會嬴歐洲國家杯啦!!
https://www.facebook.com/hereisworldball/posts/1746243802280795
PES Club Manager 世界波聯盟 :
https://www.facebook.com/hereisworldball/posts/1747474662157709