[Lost in Translation]每日關心球員譯名
點解要話每日關心﹖因為今日可能叫呢個，聽日就改咗叫第個名！
以前叫開碧咸就碧咸，不過而家隨時因為各種原因改名。
「半途出家」聽到正確讀音而已有之、跟馬會改名亦有之，或者上次雞寶叫呢個名，我現在拎到轉播權又要改番個又有之，大家記唔記得有咩球星被改名﹖
1. Kylian Mbappé Lottin 基利安樂天-->麥巴比 --> 安巴比
McDonald叫麥當勞、Madonna叫麥當娜，咁Mpabbe，仲唔係叫麥巴比﹖
洛迪高聽過，其實又真係有個輕聲un，咁唔同叫人un巴比咩，咁咪叫安巴比囉…麥巴比安巴比咪一樣，反正我都係叫佢忍者龜，不過佢頭不大。其實佢初初爆起嗰陣，有電視台叫佢基利安樂天添…搞到我第一下唔知佢叫基利．安樂天，定基利安．樂天。
2. Samuel Umtiti 烏姆迪迪-->安迪堤
其實情況同忍者龜一樣，一樣個um聽落又真係安安地音，但分別就無安同麥咁大嘅…但titi就迪迪好啲，但叫個男人做安迪迪…有咩問題﹖
3. Anthony Martial 馬素爾-->馬迪爾-->馬斯亞
Martial就咁讀，馬素爾都正路，但正音叫番馬斯亞都啱嘅。但有某報叫過馬迪爾都幾痴線，至於某page主編洛迪高叫人做馬結衣就仲痴線…
4. James Justin 真士田
Well，J字音係蝦人譯嘅…呢嘢叫接受到啦，以我BAN橋一定要畀到橋嘅性格，我畀唔到橋就讚同住先啦…
5. James Rodriguez 占士（黑人問號）洛迪古斯
Come on James！香港人對James特別有感情，不過既然係哥倫比亞人，西班牙文就人哋叫哈美斯嘅…叫慣還叫慣啦…
6. Kante 簡迪-->干堤
呢下由大家叫開嘅簡迪改叫干堤就有啲奇怪，因為似乎人哋個讀音就真係簡迪似啲…
7. Florian Thauvin 泰奧雲-->杜凡
大家叫就叫開泰奧雲，但洛迪高都唔知邊度泰邊度奧邊度雲！杜凡其實就真係夠晒近佢讀音喇！
其實好多譯音大家叫開，其實之後聽到真正讀音，就覺得用番無所謂啦，好似Dzeko咁，唔通大家叫開迪施高，又走去改叫捷高或車高咩﹖唔會嘛，咁但係而家都叫做一台獨大，Havertz咁，大家叫開夏維迪斯，突然之間去到英超，某台就幫人叫夏伐斯，無錯，夏伐斯係啱音啲，之但係你譯到咁，James Rodriguez又叫占士…咁個龍門喺邊度﹖畀人感覺咪係好似你改人譯音，係因為你有得播，你要加啲特色囉…好似最近又有一個小風波，就係女子網球手大坂直美，無錯直美係佢漢字名，作為一位混血兒，佢個名真係叫Osaka Naomi，但以香港人當日本係鄉下嘅態度，喺呢個context下，唔叫大家熟知嘅大坂直美，而叫大坂娜奧美，係咪有啲走火入魔﹖香港男仔都叫深田詠美啦，唔會叫深田えいみ架嘛…然後Yu Darvish你又叫達比修有，唔叫有達維殊，咁個標準又喺邊呢…
以前叫開碧咸就碧咸，不過而家隨時因為各種原因改名。
「半途出家」聽到正確讀音而已有之、跟馬會改名亦有之，或者上次雞寶叫呢個名，我現在拎到轉播權又要改番個又有之，大家記唔記得有咩球星被改名﹖
1. Kylian Mbappé Lottin 基利安樂天-->麥巴比 --> 安巴比
McDonald叫麥當勞、Madonna叫麥當娜，咁Mpabbe，仲唔係叫麥巴比﹖
洛迪高聽過，其實又真係有個輕聲un，咁唔同叫人un巴比咩，咁咪叫安巴比囉…麥巴比安巴比咪一樣，反正我都係叫佢忍者龜，不過佢頭不大。其實佢初初爆起嗰陣，有電視台叫佢基利安樂天添…搞到我第一下唔知佢叫基利．安樂天，定基利安．樂天。
2. Samuel Umtiti 烏姆迪迪-->安迪堤
其實情況同忍者龜一樣，一樣個um聽落又真係安安地音，但分別就無安同麥咁大嘅…但titi就迪迪好啲，但叫個男人做安迪迪…有咩問題﹖
3. Anthony Martial 馬素爾-->馬迪爾-->馬斯亞
Martial就咁讀，馬素爾都正路，但正音叫番馬斯亞都啱嘅。但有某報叫過馬迪爾都幾痴線，至於某page主編洛迪高叫人做馬結衣就仲痴線…
4. James Justin 真士田
Well，J字音係蝦人譯嘅…呢嘢叫接受到啦，以我BAN橋一定要畀到橋嘅性格，我畀唔到橋就讚同住先啦…
5. James Rodriguez 占士（黑人問號）洛迪古斯
Come on James！香港人對James特別有感情，不過既然係哥倫比亞人，西班牙文就人哋叫哈美斯嘅…叫慣還叫慣啦…
6. Kante 簡迪-->干堤
呢下由大家叫開嘅簡迪改叫干堤就有啲奇怪，因為似乎人哋個讀音就真係簡迪似啲…
7. Florian Thauvin 泰奧雲-->杜凡
大家叫就叫開泰奧雲，但洛迪高都唔知邊度泰邊度奧邊度雲！杜凡其實就真係夠晒近佢讀音喇！
其實好多譯音大家叫開，其實之後聽到真正讀音，就覺得用番無所謂啦，好似Dzeko咁，唔通大家叫開迪施高，又走去改叫捷高或車高咩﹖唔會嘛，咁但係而家都叫做一台獨大，Havertz咁，大家叫開夏維迪斯，突然之間去到英超，某台就幫人叫夏伐斯，無錯，夏伐斯係啱音啲，之但係你譯到咁，James Rodriguez又叫占士…咁個龍門喺邊度﹖畀人感覺咪係好似你改人譯音，係因為你有得播，你要加啲特色囉…好似最近又有一個小風波，就係女子網球手大坂直美，無錯直美係佢漢字名，作為一位混血兒，佢個名真係叫Osaka Naomi，但以香港人當日本係鄉下嘅態度，喺呢個context下，唔叫大家熟知嘅大坂直美，而叫大坂娜奧美，係咪有啲走火入魔﹖香港男仔都叫深田詠美啦，唔會叫深田えいみ架嘛…然後Yu Darvish你又叫達比修有，唔叫有達維殊，咁個標準又喺邊呢…