東岸最有力挑戰公鹿之球隊

提到速龍今年既表現可以話係令人感到意外，球隊係打完八場復賽後戰績為53勝19敗東岸第二，陣容入面除咗冇咗上屆總決賽FMVP嘅可愛Kawhi Leonard之外仲有喺總決賽擁有出色表現嘅聖堂射手Danny Green，而且球隊喺今季其實難關重重，飽受傷病潮困擾，甚至一度被逼要將身高僅有198cm嘅前鋒Rondae Hollis-Jefferson放上先發中鋒足以證明陣容調度上既難度，而令到今季速龍可以喺主力球員都長期缺陣既情況下依然排喺東區第二既主要原因都係陣中既年輕球員有出色嘅表現，當然都唔少得教練Nick Nurse既調動先可以令替補球員打出自己嘅實力令今屆速龍證明比全世界睇球隊仍然有競爭力，而另一個原因當然係因為上年休賽期同球隊以4年1.3億美元續約並且比上季有大幅成長既Pascal Siakam成功咁擔起球隊進攻主力既重任，而且佢今季嘅表現完全可以令人期待佢未來嘅發展，停賽前以場均22.9分7.3籃板3.5助攻既表現代替已經離隊嘅Kawhi成為球隊嘅核心，加上隊中仲有上屆喺季後賽後段着到令人懷疑生完BB會唔會真係變得更強而今季繼續延續火熱手感人稱(範Jordan)既Fred VanVleet，仲有球隊精神領袖洛利Kyle Lowry、Serge Ibaka、Marc Gasol等等嘅資深老將，令球隊保持深度同經驗。咁但係又係咪足以同東岸龍頭既公鹿抗衡呢？以下我哋就嚟分析一下兩隊嘅情況啦。 首先速龍喺進攻端上雖然隊內有六人得分上雙，但球隊進攻端上嘅表現一直都唔係好穩定，雖然公鹿都唔係話好穩定，但速龍既進攻效率值111.6只係有聯盟中段(第14名)既水平，相比起其他東岸球隊公鹿、綠軍(塞爾特人)、熱火等等進攻效率都係聯盟前十，而且球隊復賽前團隊投籃命中率45.8%更只排喺聯盟後段(第20名) ，如果進攻端上既把握度冇辦法穩定落黎將會直接影響球隊喺季後賽嘅競爭力，雖然團隊三分球命中率37.1%(全聯盟第6)比起公鹿既35.6%(第16)把握度更好，但外圍嘅進攻穩定度將會係能否戰勝公鹿嘅關鍵。而驟眼睇速龍雖然喺進攻穩定度上嘅問題比公鹿更多，但兩隊喺防守端既表現就可以話係不相伯仲就如神仙打交一樣。速龍喺本季失去咗曾經獲得兩次最佳防守球員嘅Kawhi，但球隊嘅防守效率仍然係聯盟頂尖嘅105.5排喺全聯盟第二僅次於東岸另一支強權公鹿嘅101.9，令人不得不讚嘆主教練Nick Nurse既執教能力，而令速龍防守變得如此強大當然要靠住球隊防守既特色[侵略性防守]，而速龍本身就最擅長透過壓迫對手嚟製造失誤，亦因為咁令速龍成為聯盟中最擅長打攻守轉換既球隊，喺今季速龍製造對手失誤率為16.7%全聯盟第二嘅成績，而喺本季曾經就有數次喺大幅落後嘅情況下透過全場壓迫反敗為勝嘅例子。而佈置一啲大膽嘅針對性防守更是Nick Nurse既拿手好戲，而上季嘅季後賽字母哥就已經率先品嚐過，而令公鹿喺上賽季被速龍擊敗，今年公鹿既Mike Budenholzer教練會唔會有所準備嚟對付速龍嘅針對式防守而速龍方面又會唔會有新既戰術嚟限制字母哥可怕嘅切入能力呢？而咁將決定雙方喺系列賽嘅走向。而兩隊球隊嘅防守都屬於放投外線保護籃框，但喺公鹿呢隊籃板數(51.7)坐擁全聯盟第一嘅球隊入面，僅得(45.2)籃板數既速龍可唔可以喺季後賽公鹿嘅籃板數呢？最後就嚟個小小嘅總結啦。 而雙方雖然喺外線既發揮都唔算穩定，但都叫做各有各優勝既地方嘅，公鹿既外線可以話係靠天食飯嘅，速龍就比起公鹿外線更穩定，以整體嚟講速龍外線會比較上佔優，但缺少喺關鍵時刻可以跳出嚟左右戰局既球員，而當全隊都健康既情況下會唔會有可能有人可以成為到呢個大心臟嘅人？公鹿喺字母哥被針對防守時外圍又有冇足夠嘅火力支援就會係一大要點，防守端輕視外線嘅防守思維喺面對速龍呢隊擁有聯盟前十等級嘅外圍火力又係咪適合呢？如果到最後兩隊喺分區決賽碰頭會係一場防守大戰定係一場得分秀呢我哋拭目以待。
我地係YouTube 有條channel 係叫［港笑咋］請大家支持一下