《美選D.n.A》大熱之一：天使魔鬼沙律醬

《美選D.n.A》雖然沒有輝煌佈景華麗服飾，但都製造到一定話題，最重要係女既質素唔錯，有「巨胸翠如」示範「彈吓彈吓」，又有靚女一上台就騷紋身、講「屙屎」，呢啲都係大台好難做得到。

不過，個節目名就騎呢少少，選美就選美，美乜野選，唔係想食字美國大選吓話！總之選美又好，美選又好， 始終都係外表行先，呢次佢哋真係搵到幾個好高質既參賽者。

今期先講呢位本身已係薄有名氣既廣告model張沛樂，正路一定坐亞望冠，不過呢個選美應該唔會走老正路線，所以可能無得坐正，但三甲就點都無走雞啦啩！

張沛樂洋名Charlotte，花名沙律醬(Charlotte Cheung)，芳齡24，顏值系數超強。
沙律醬入行已有一段日子，除咗拍硬照同電視廣告仲會做吓event，仲做過天堂鳥MV女角。

沙律既型格其實似大台鍾意既港姐類型，靚得黎大大方方，健健康康，仲有少少sporty，做戲只能做正派既甜姐兒角色。

每位參賽者出場時都要選擇做天使或魔鬼，沙律就集齊天使面孔與魔鬼身材，點選？

從攝影角度黎睇，沙律就算淡妝一度，是但一件衫，求其一個甫士，都影到靚相，執相P相更加係多餘。

沙律有一對大大的眼睛，和一雙豐滿的.......玉腿，髀圍略粗是唯一可以扣分的地方。