費sir祈禱唔好再有傷,小豆成雲佩斯轉會關鍵!!!

曼聯係星期六將會對熱刺，係賽前費sir無咩點講過呢埸比賽，只係祈求唔好再又球員受傷，特別係後衛，復出左無耐既維迪突然宣佈做手術，要休息一段時間，小將菲爾鍾斯同史摩寧都會缺陣，上輪里奧係比賽早段受傷都令費sir嚇餐飽!!!

近兩年曼聯不停都有傷患潮，卡域克客串打中堅，費sir就話:"宜家每一個人都知我地既傷患潮，特別係後防，呢個係令人煩惱既問題，正正就係因為咁，我地遇過好多困境，係比賽排陣時間比較難，所以比賽結果都唔係太理想，維迪意外缺陣打撃對我地好大，簡單來講，我真係真係唔想再有後衛受傷，我只係希望如果我地可以安全渡過呢一至兩星期既話，我地都可能有一線機會，我諗一至兩個星期之後會有後衛復出!!!"

前鋒雲佩斯加盟曼聯其實都幾意外，但係大家有無諗過，佢點解會加盟曼聯呢?!宜家就知啦!!!據消息人士講，曼聯小豆原來都係呢單轉會既關鍵來架，阿仙奴之所以出售雲佩斯唔單止係曼聯開出一個合理既價錢，仲有一項係"小豆優先購買權"架，咁姐係話，如果日後小豆離開曼聯既話，阿仙奴就係第一個可以簽入佢既球會!!

係2010年夏天加盟曼聯既小豆到宜家為曼聯入左24球，巔峰時期佢仲同皇馬傳出傳過緋聞，但係不足一年，小豆既光芒慢慢減退，上埸不足係佢一個障礙!!!