朗尼:解圍姐....費sir唔洗咁嬲呀.....

費sir痛斥史雲斯既後衛威廉斯用波爆雲佩斯的頭係要殺左佢，而韋根主帥馬天尼斯同埋QPR領隊列納都為威廉斯辯護，就連朗尼都同費sir唱反調，稱佢只係解圍，另外英足總表示唔會處罰威廉斯。


前鋒搭檔慘遭爆頭，朗尼為威廉斯解釋，仲有同費sir唱反調，佢認為威廉斯只係解圍：“裁判吹左雞之後，佢只係大腳解圍，但係波射中左雲佩斯個頭，我認為裁判既判罰係岩架。”


曾經係史雲斯執教過既韋根領隊馬天尼斯講：“呢種情況非常危險，如果你既球員被球擊中左個頭部，可能造成嚴重既後果，可以理解費sir呢一點。我係史雲斯果時簽左威廉斯，非常了解佢，唔洗睇件事既過程我就可以講佢唔係個用非常手段既球員。佢係一名勝利者、領袖同埋隊長，非常投入，佢肯定唔係故意，呢點我深信不疑。“

費sir既好友、QPR既列納都認為球場上比呢種更加惡劣既行徑多到無得數：“我唔知道雲佩斯點會被殺死，威廉斯用波射中左佢，我睇過球場上更壞既場景。”紐卡素既領隊就認為費sir過激左啦：“如果你既球員受傷左，你會保護佢。我認為無費sir想像中咁嚴重，有時候從場邊睇會差好多。”


好嬲既費sir賽後表示：“佢應該被長期禁賽，因為呢次係我多年來看到既最惡劣行為。”不過英足總並唔咁樣認為，由於裁判對威廉斯出左黃牌，佢唔會受到追加既處罰。


https://www.youtube.com/watch?feature=player_embedded&v=ApuRHCNrgEs