莫耶斯：我同雲佩斯無野，整體來講，我地非常強！

雲佩斯因傷錯過左周中1-0擊敗皇家蘇斯達既歐聯比賽，有傳聞指，雲佩斯不滿莫耶斯既訓練強度，有人仲影到莫耶斯係訓練場同一臉難色既雲佩斯係到交談。但莫耶斯否認左呢種說法：“咁係完全既垃圾話。佢係一個偉大既球員，我非常喜歡同佢一齊工作。佢係對修咸頓前就感覺腳趾有少少酸痛，因此我令佢周中歐聯輪休。”
至於今晚既比賽，莫耶斯話：“佢有好大既機會上陣。佢既腳趾有問題，佢既腹股溝都唔舒服，但我認為佢應該可以上場。佢已經恢復左訓練。所有人既情況都係到好轉。惟一既疑問係維碧克，佢既膝蓋有積水。聰明仔都仍舊係從佢既小腿傷中恢復過來，但整體來講，我地都非常強。”
而手腕有傷既費蘭尼都無參加周中既歐聯，但佢將會繼續帶傷參加聯賽，莫耶斯話：“當你有傷在身總係唔容易既，踢過波既人會同你講用手來保持平衡既重要性，因此如果你手臂受傷將會非常難受。但佢宜家無事，佢正在習慣，希望佢係呢種情況下都可以上場。”